香茅插枝

cklife 我己經無種田，屋企又曬唔到太陽，所以無再種囉...但係田最後 既日子，香茅生得好好呀...根本就係野草黎既 =_=

*** 唔種田有些可惜， 無陽光可以種香草啫，都ok.

Justaust 發表於 2012-9-14 13:00
我都是種咗幾個月，收成過一次。不過切完後它生了好多bb.
[/IMG][/img]

生得好勁噃

它很粗生。原本只有四支，切完後現在生了十幾二十個bb!我只拖過一次液肥：魚腥水。用的係舊泥，不肥沃且沙質較重。我有常常淋水等它少些枯葉。仲有我成日剪它的葉沖蜜糖飲。唔知有無關係呢。

Justaust 發表於 2012-9-15 19:48
它很粗生。原本只有四支，切完後現在生了十幾二十個bb!我只拖過一次液肥：魚腥水。用的係舊泥，不肥沃且沙 ...

非常好，請問種了多久，可以收多少次或月份？

我種咗9個月度，從大約30cm的苗開始種，大約三四個月前收過一次，現在有些莖開始肥大，我估一兩個月後應該可以再收。

你好! 我最近也種了香茅, 是插泥的, 見它懂得長高, 也沒特別打理, 只是定時澆澆水。
看過這個post, 立刻幫它剪了葉, 希望生多d

葉子想試吓用來煮水飲, 不過會唔會寒涼?
我唔受得寒涼, 同埋個胃唔係幾好, 唔知啱唔啱飲

karkar 發表於 2012-9-20 12:47
你好! 我最近也種了香茅, 是插泥的, 見它懂得長高, 也沒特別打理, 只是定時澆澆水。
看過這個post, 立刻幫 ...

唔怕, 香茅有溫胃、助消化、袪風、鎮嘔、止癢之效!


香茅

俗名
香茅、香草、檸檬茶、精香茅、茅草茶、香水茶、檸檬香茅、大風茅、香巴茅等。

生長環境
性喜陽光充足、溫暖的氣候，耐旱性強，惟不耐蔭及怕積水。對土壤要求不苛求，但以土質疏松而肥沃之砂質壤土或壤土栽植為佳。

性狀
多年生草本，高100~200公分，叢生，植株分蘗快速，全株具有檸檬香氣；稈粗壯，葉片簇生條形，兩面均粗糙，呈灰白色或淡綠色，邊緣粗澀；夏、秋開花，圓錐花序疏散，為多數成穗之總狀花序組成；小穗無芒，分有柄和無柄兩種。

效用
全株具濃郁芳香氣味，可利用于料理或茶水，亦可利用為化妝、香料、清潔劑、香皂等。莖葉蒸餾萃取精油，有抗真菌作用，可用于殺蟲劑、除臭、補品、刺激劑及香水、家庭用品等。全草或葉藥用，有溫胃、助消化、袪風、鎮嘔、止癢之效。

Karkar, 唔怕寒涼的，我都係虛寒底，飲香茅茶好舒服，無問題！你有無試過黑糖煲薑水飲，我覺得幾好架!

Justaust 發表於 2012-9-20 16:12
Karkar, 唔怕寒涼的，我都係虛寒底，飲香茅茶好舒服，無問題！你有無試過黑糖煲薑水飲，我覺得幾好架! ...

"黑糖煲薑水" 其實就系 "薑母茶"

體虛血弱, 尤其 M 來時飲 "薑母茶" 最好, 如果 M 時整極都唔來血, 身體再暖肚子還是冷冷的, 手腳冰凍, 最好連飲3日 "薑母茶", 血氣就變暢順, 血氣暢順就出到血, 而且 M 痛會大減, 我都系用 E 個方法減輕痛楚既

Justaust 發表於 2012-9-20 16:12
Karkar, 唔怕寒涼的，我都係虛寒底，飲香茅茶好舒服，無問題！你有無試過黑糖煲薑水飲，我覺得幾好架! ...

咁就太好喇! 虛寒底在飲食方面真係有好多避忌, 搵到樣啱飲嘅就好似搵到個friend咁開心

黑糖煲薑水直頭係我秋冬季的best friend!


Christopher: 唔好意思, 通常都係弟兄用呢個名啫。之前有親友送咗盒黑糖薑母茶俾我, 即沖嗰種, 又方便又好味,
一包可以分兩次沖, 無咁辣又抵飲d。宜家仲有香茅飲, 今年冬天又開心d

Justaust: 有時凍得滯個人無厘精神, 都想懶吓貪方便

karkar 發表於 2012-9-21 14:03
咁就太好喇! 虛寒底在飲食方面真係有好多避忌, 搵到樣啱飲嘅就好似搵到個friend咁開心  

黑 ...

"親友送咗盒黑糖薑母茶俾我 <==沖劑唔足料效果減一大半

我都自己買薑返來拍爛再煲, 一來足料, 二來好易煲, 三來冬天邊到都凍, 只有被DOU 同火爐前最暖

我唔怕辣, 就系夠辣先至暖, 唔辣同飲熱水差唔多, 個身一陣又凍番晒

依家天時，可以一星期煲兩次桑寄生茶，舒筋活絡...
尤其係血氣唔好，冬天容易手痺腳痺既人，依個時候勤d煲黎飲，冬天就會舒服好多...
桑寄生本身平和，唔寒唔燥...
寒底可以加紅棗連子百合，養血又安神，會好訓d...

如果老人家有風濕都適合，飲左真係舒服好多，無咁痛架...
之前係飲食果邊大家都討論過架喇...

另外，冬天時可以用酒釀煮雞，食左都可以暖好耐下架...
記得加薑同紅棗喎....好好味架.(秋天食燥左d,冬天先煲喇)

------------------------
金剛  香茅轉桑寄生離咗題呀^^CK姐

係呀...見你地講開寒低冬天巧凍嘛...所以忍唔住....

Justaust  請問酒煮雞怎樣煮？要唔要爆香雞先？酒要落幾多？

• 紅棗先浸軟(浸下易出味)，切開幾瓣。
• 開油鑊爆薑片，下雞爆炒至雞皮稍為收縮。
• 下紅棗和水(或上湯)，煮至雞熟。
• 下酒釀(或自浸糯米酒，乜都無既話煮送白酒照殺)，再滾起即收火。
• 調味湯連渣食。
  

因為我中意雞剛剛熟，所以紅棗會先浸。如果唔介意煲得耐既話，紅棗可唔浸直接落，煲到紅棗水味仲正。
酒落幾多係隨意，睇你中意既酒味有幾多，唔好飲醉就得喇。酒最後落，唔好煮到無晒D酒，酒精可以行血嘛。

好易種又驅蚊

cklife 發表於 2012-9-21 17:26
依家天時，可以一星期煲兩次桑寄生茶，舒筋活絡...
尤其係血氣唔好，冬天容易手痺腳痺既人，依個時候勤d煲 ...

嘩由香茅講到薑母茶再傾埋桑寄生茶加酒釀煮雞, 愈睇愈開心
好呀, 等我地d新人逐步擴展版圖, 陣間就去飲食果邊search吓

講番盆香茅先, 琴日修剪過, 今日見它長高了一吋, 除了一枝較粗身的但中心變了啡色,
是否已枯掉, 要拔走嗎?

karkar 發表於 2012-9-22 11:35
嘩由香茅講到薑母茶再傾埋桑寄生茶加酒釀煮雞, 愈睇愈開心
好呀, 等我地d新人逐步擴展版圖, 陣間就去飲食 ...

啡左中間..唔拔都無所謂喇....草黎之嘛...

香茅煮茶，泰國人好中意，話可以健胃，我呢會加埋片糖，冬天放係水杯度，熱既時候將個臉放係杯口，個鼻可以吸到蒸氣，幾舒服架(蒸完記得搽番潤膚)，蒸到杯水暖暖地咪飲埋佢囉。有D人仲會加埋薑片一齊煲茶添...

Cklife唔該哂你介紹的酒釀煮雞！我整咗樽酒釀在雪櫃半年只是淨食同酒釀丸子，現在學多一種做法，好開心!
Karkar 啡咗中間，咁等其他變粗啦！其實我都啡咗幾條，唔會變番綠色架！有時有些莖開始粗，我以為好快有得食，點知又停咗唔郁！又有些bb突然發力粗得好快！我都唔知點解，好奇怪的草！