不機的天台~好易種 好易種 好易揾餐餸!~

舊年8月搬到有天台嘅村屋後就開始越種越多...越多越種

從前家有小陽台
衹種過幾盆香草

所以我嘅種植經驗接近由零開始
朋友話我做咗現代農夫
我認呀...因為我d種植知識全部由網上學番嚟
朋友又話我有機耕種
呢樣我唔敢認喇
因為我有部分種子並非有機
泥都溝咗黄花沙
所以絕對唔會攞到有機驗証
當然肥料同農藥都係有機嘅

睇下種過d乜嘢先

無花果買回來有10粒

無花果買回來有10粒


青檸都係買嘅
換盆後落咗好多葉

白茄子買時2尺高好快變咗4尺高

共結咗廿條茄子和留咗好多種子


睇咗花園仔老師帖子後學識整防護罩
唔係都唔使旨意有得食


韓國蕃薯

宮崎蕃薯

日本芋頭




烈日下工作完嘆番杯啤酒先

謝謝大家的評分

真係識享受人生囉,hoho...

餓驚力 = 有機


為何會不機 ?

我咪又係中左毒，越種越多，朋友都係話我做咗現代農夫，其實而家好多人都開始自己種菜呀果d黎食，大家一齊努力

爽呀，加多個杯呀唔該

你用咩DUP住d果架?茶袋?

送收成俾親友時, 我都係唔敢講有機, 只敢講"冇化肥冇農藥".
一來學你講唔係有機種子, 二來我看過一個理論, 用水喉水灌溉都唔算有機 ... 唔知係咪真既呢 ??

我同人講自己種嘢用有機肥，有d人會問係唔係即係用人類排泄物種，又有d人問乜要落肥，有機唔係即是唔落肥咩？
不同人有不同理解同要求吧。

cherrywan 發表於 2012-4-20 01:18
你用咩DUP住d果架?茶袋?

即係唔同茶袋?

2020  話自自己種咪得囉，
餓驚力  有d國際驗証要d泥種咗5年有機耕種後才接受評核,我種嘢志在過下癮,陶冶性情又有得食,但求好過一般街市買就好滿足(最緊要冇壓力).
thegardener  只是名稱的問題, 又唔係賣比人, 自已心安理德就好.

<<< 我好求其架咋 ~ 最緊要開心簡單, 一種消閒活動冇謂攪到緊緊張張咁丫.
講真化肥我都唔太介意架,  不過既然自己落手落腳, 一定做到底用埋有機肥啦.  但最介意農藥囉, 咁自己種既一定放心... 個疑問係究竟坊間果d成日話有機有機, 又賣貴幾蚊, 點有機法先, 自己都唔識, 所以唔敢話自己既菜係有機菜啊.

"水喉水灌溉唔算有機", 係晌外國網站睇到既, 想問下大家係咪真係限制得咁嚴格呀...我見有d有機農場都係攞條水喉淋菜喎...

題外話, 因為家有犬兒, 對狗糧都會研究下. 有位做狗糧既朋友同我講, 而家賣緊貴到痴線既一些有機狗糧, 只有極少成份真係有機. 引申開去, 大家對宣稱有機既產品都要睇清楚d, 唔好跌入消費陷阱呀...

想問下..茄子點先可以留種子AR>?

再睇下早幾個月種咗咩!
買咗幾日唔得閒食嘅紫色糯米粟發咗芽

唔食得唯有種咗佢

茄子不斷開花結茄



蕃薯又開花

種咗幾個月嘅落神花

我去旅行時就會用嘅DIY高科技補水系统

無花果有收成

性價比最高嘅沙律菜摘多一次就要byebye了


今晚整沙律中和下BBQ嘅熱氣


因為得兩個人燒所以在露台用炭爐就掂晒

謝謝你的評分

天台初鋪時,現在又變咗了

幾個月前嘅收成

茄子擠逼戶

肥肥白白      



早熟的蕃茄


點解話佢早熟? 因為得一呎高就開花囉!


青檸食唔晒,部分醃咸檸檬


2個月後宮崎蕃薯有手指咁粗了

你個棵青檸種咗幾耐？我個棵青檸種咗幾年，無端端瓜咗！

繼續post舊相(11-2011)



                                             

蕃茄波子咁大了

好快變乒乓波咁大


茄子每個禮邦有收成
                                                              


青檸都係

芋頭和蕃薯被芽蟲侵襲,放棄咗芋頭
點知挖出黎都有十幾個

粟米公花開了

乸花就跟住來了

new1<有好多蜜蜂幫手不過都有人手幫下,但後來連日大雨搞到受粉不足,我一定包袋架!

dick168 發表於 2012-4-23 12:02
你個棵青檸種咗幾耐？我個棵青檸種咗幾年，無端端瓜咗！

我都係買番黎種落地，收成都幾好，可惜佢慢慢枯黃落葉就甘去咗。

我以前在天台種咗棵泰國青檸，係小女幼稚園嘅功課，由食剩嘅核開始種。但一路記錯以為係橙，直至幾年後開花結果，都仲奇怪d橙點解唔大又唔熟，又直至喺超市見到青檸先突然明白冤枉咗佢咁多年

tomtomtom 發表於 2012-4-23 21:13
我以前在天台種咗棵泰國青檸，係小女幼稚園嘅功課，由食剩嘅核開始種。但一路記錯以為係橙，直至幾年後開花 ...

請問你果棵係橙色肉定青肉? 同埋由核種起, 種咗幾耐先結果?