~悶到出事鳥~[04.20update]

Update: [04.20] 第2頁40#樓  (可click直達)

Update:[04.13]
朝早起身, 好驚睇到D葉系冧patpat 搭咗落黎~  打開個保溫盒蓋~~~~謝天謝地~ 一切正常~

經過幾位前輩嘅提點, 分盆後嘅第2日,就立即去搵珠石準備換咗D泥, 點知方圓10裡都搵唔到有日本珠石OR珍珠石, 唯有喺日本城買咗包AV泥用住先~
前輩們話疏氣好重要~ 咁我就用一支幼簽將D泥挑到比較松散, 然後輕輕壓一壓根附近的位置就算~ 然後得閑就走去噴D薄水霧落葉度~ 夜晚無得頻繁噴霧, 就用保溫盒, 將盒內壁都噴上水霧, 但蓋嘅位置少少錯位咁虛掩~
希望唔好全部陣亡~~ 阿門~

(如有唔正確操作方法, 麻煩再次指出呀~ 我會不厭其煩討教架~ XDD)

(由於身體未好返, 換完泥就瞓到屎咗咁~~ 遲咗上黎update~ =.=''')

[04.12]
話說今日發燒~~ 悶喺家中無所是事~ 便落樓透下風~ 竟然見到花鋪有迷你AV賣, $29/盆
雖然我呢排都系喺呢度學習下D理論知識~ 但最終我都系屈服於"毒+悶"~ 帶了2盆返屋企~ (最後講價 $50/2盆, 好彩冇燒壞腦 XD)

為咗可以實踐,學習多D, 我揀咗最多側芽嘅2盆~





返到屋企馬上動手~ 去泥~斬頭~消毒~風乾


2盆AV, 分咗出來有6個頭呀~ 因為之前迫喺一個盆, 所以有好多葉都斷咗OR有折痕~ cut咗好多出來呀~ T^T  可以接受嘅就攞咗去浸 ^^

趁住風乾嘅時間, 將雪糕杯, 試飲杯全部開窿~準備入盆~~


風乾咗N耐呀~ 衫都洗埋晾埋了~~ 終於可以上盆了~





由於今日真系好即興~ 所以無買到保溫箱~ 喺屋企左搵右搵, 搵到之前放狗糧嘅儲物盒~ 用住先啦~~ XDDD

做完全部功夫~ 白天變黑夜了~  =.=''  手腳太慢~



其實呢~ 我都唔知呢2隻系咩品種呢~ 問咗花店嘅人, 佢哋只系答我"個種咪迷你非洲紫羅蘭囉~~個分別就系顏色唔同囉~"
我------>^^'''

唯有睇下佢哋有無命仔開花啦~~ 可能開咗花先可以認祖歸宗呀~~

小妹我第一次種呀~ 如果過程中有D咩做得唔啱嘅~ 還請各位前輩指出呀~!!

好長氣呀我~!!! 拜拜~ 去飲啖水先~

病左就多飲水, 多啲休息啦~

做得好專業~ 好有系統~ 比個"叻"你

記得Keep住Update佢地嫁情況喎~

加油, 呢種"毒"好難解

$29/盆無名都幾貴吓啵, 睇佢地都好健康, 泥好似唔夠疏水.
我初種嘅時候都好似妳咁,買花唔理品種, 揀最多側芽嘅先至買.

閣下用心,用力,一定有回報的,為了效果好一些,以下請留意一吓!
1.閣下所用之花泥椰絲好像比較多,如果用三合一花泥會比較好一些,特別在夏季,珠石比例再多一些,更加好!
2.閣下的膠盒不太透光,透氣,可嘗試用大一些的透明膠袋來做溫室,記得開孔透氣.

有一棵少女葉?

你咁樣幫雪糕杯 , 試飲杯開窿會好吃力架 ~~
用防風打火機燒熱一條長同粗嘅石屎釘 ( 要燒到好熱出煙 )
好容易開到窿架
不過記得用好厚嘅布包住釘頭喎 , 釘好熱會燙倒手架
泥最好換咗去 , 用 AV 泥啦

Breeze 發表於 2012-4-12 22:06
做得好專業~ 好有系統~ 比個"叻"你

記得Keep住Update佢地嫁情況喎~

多謝誇獎&關心呀~我瞓到個人懵懵下呀~所以搵D嘢黎搞~ XDD
唔知會俾我玩瓜幾多呢~哈哈~如果有成果一定Keep住update~^^''

sunsunsun 發表於 2012-4-12 22:07
加油, 呢種"毒"好難解

一齊享受毒發的快感吧~~haha

HI-NAMASTE 發表於 2012-4-12 22:14
$29/盆無名都幾貴吓啵, 睇佢地都好健康, 泥好似唔夠疏水.
我初種嘅時候都好似妳咁,買花唔理品 ...

真系貴呀~鋪頭細細~唔簡單呢~~XDD
本來想買珍珠石，但果間冇呀，又唔想喺冷氣地方太耐就返歸了=.=''，呢2日再去買~

tongtony 發表於 2012-4-12 22:22
閣下用心,用力,一定有回報的,為了效果好一些,以下請留意一吓!
1.閣下所用之花泥椰絲好像比較多,如果用三合 ...

承您貴言呀,多謝提點，我想問，我買珍珠石返來后系立即換，還是等佢出根先呀~~

一丁 發表於 2012-4-12 22:42
你咁樣幫雪糕杯 , 試飲杯開窿會好吃力架 ~~
用防風打火機燒熱一條長同粗嘅石屎釘 ( 要燒到好熱出煙 )
好容 ...

我就系用圖中既鉗定住燒黎穿㗎~~哈哈~~
穿咗50幾隻杯呀~hehe
呢2日換泥會唔會有咩影響呢？

曖娜娜子 發表於 2012-4-12 23:33
承您貴言呀,多謝提點，我想問，我買珍珠石返來后系立即換，還是等佢出根先呀~~ ...

用花保三合一泥再加 4/1  5號珠石,立即換!

lok_1980 發表於 2012-4-12 22:32
有一棵少女葉?

我都唔知呢~~店員都答我唔到~.~''

tongtony 發表於 2012-4-12 23:39
用花保三合一泥再加 4/1  5號珠石,立即換!

明天行動！換時有咩特別要注意嗎？

好厲害呀你~~
分到咁多出黎仲要成功了
我比較細膽D,見到av生側芽就cut曬佢,
1來為左美觀,2來唔洗煩

感覺上並非迷你AV，似是標準葉的BB期，唔理點你咁有心機一定有好回報！

左手邊果盆唔似係迷你喎@@"
我見你拎住佢時, 見到佢既葉幅唔細丫, 有可能係半迷至標準黎丫

病左都做咁多野, 好叻.....