我的香草露台

之前種開菜, 因為要照顧抽到的園圃, 攪到無乜時間理, 轉行種香草~

今日用左3個鐘, 把發苗的香草分盆, 插支, 等等, 但都整唔晒, 睇黎要多半日先攪得掂啦~

依家諗緊, 好唔好買分架, 分層放, 唔使堆晒係地下咁亂檔~~


有紫鳳菜, 薄荷葉, 百里香, DILL, 蕃茜, 艾草(多謝麥雅堂的送贈 )


呢棵紫鳳菜真係飽歷風傷, 一入春, 又凍又熱交替咁受盡折磨, 一係吹殘晒d葉,
一係就比芽蟲入侵再入侵, 依家先叫好d咋.......


好懶, 無疏苗, 迫到死, 係咪應該疏下好D呢???



差D死晒的薄荷葉, 有冇人話我知, D葉點解會咁既?? 上個星期, 飽受又凍又大風的摧殘


疏左苗的Basil, 希望快高長大啦~


園友送的百里香, 佢話係外果朋友送比佢, 味道好正, 最重要係園友種得好靚呀!!!! 希望我唔好種死啦~~

我都想屋企有你咁大既露台比我種咁多野t.t

最後個盆唔似係百里香, 似係marjoram或oregano.

紫鳳菜欄腰剪左佢啦...佢會生側枝，會靚好多，同埋多D葉

放心，薄荷生命力强大，不容易晒死的。

siu茹 發表於 2012-3-29 22:59
我都想屋企有你咁大既露台比我種咁多野t.t

不過露台不能種太多, 否則無位涼衫.....

JJCC 發表於 2012-3-31 00:12
不過露台不能種太多, 否則無位涼衫.....

用花架

我有種, 佢地呢排仲生得好快.. 我自己只係用德國黑泥, 3日淋一次水.
你個d都好靚呀
你換盆既話佢地應該會生長得很快.
加油.
我的因為摘左心, 所以會生好多側枝出黎.

cklife 發表於 2012-3-30 07:17
紫鳳菜欄腰剪左佢啦...佢會生側枝，會靚好多，同埋多D葉

睇你諗住想佢點生囉。

如果你想佢好似我咁矮矮細細，但多D葉遮左D個花盆，扮裝飾植物既，就唯持佢主莖10CM度...
咁佢就會矮矮，但橫枝多，就好似我棵咁...
當然，你剪左落黎要插枝...至少有三棵先會靚樣....可以直接插落泥，又可以插水生根後落泥...好易插生既...

另一個樣，就係你衣種種法，高高瘦瘦當樹仔種，當佢生到你想要既高度後，就剪頂，等佢生橫枝，咁佢就會似樹仔架喇...