新手

有冇人知道其實花生夫要發酵幾耐先啱，問過花店店員，一個話三曰另一個又話七日要三個月内用完;上網睇又話要發酵兩至十二個月搞到我有啲亂！

你意思係要花生麩做液肥既發酵時間嗎?
還是花生麩放左落泥做堆肥既發酵時間呢?

花生麩可以作為固體肥用，又可以做液肥用，發酵時間唔同囉...

cklife 發表於 2012-3-25 08:31
你意思係要花生麩做液肥既發酵時間嗎?
還是花生麩放左落泥做堆肥既發酵時間呢?

我想埋係泥裏面！液肥係點整架?我不知道可以做液肥請高手指教！

我想問如果埋係泥裏面咪會整爛啲根,會唔會有問題架?同埋我花生夫,骨粉'甲殼素一齊發酵是正確嗎?

車厘茄仔 發表於 2012-3-25 08:51
我想埋係泥裏面！液肥係點整架?我不知道可以做液肥請高手指教！

埋係泥裡面，係做基肥嗎?  還時做追肥呢?  或做堆肥?


基肥===植物換盆，或小苗新植入花盆時，係盆底放既肥料。係唔會即時被植物使用，當植物長大會生根伸到去盆底時，就可以取用肥料(建議唔好單用花生麩一種肥料..要溝肥好D)。一般放基肥時，我地會再用一層泥約2-3吋隔開肥料同植物既根，所以，落生肥都唔怕。不過最好係落完基肥蓋好泥土後3-5天後再放植物。

做追肥===即係植物己經生係度，你可以係盆邊挖一個洞，或一條坑埋肥落去，再蓋番黎作追肥。尤其生肥發酵會產生熱力，所以要距離主根遠D，唔係就會燒傷根。如果花盆細植物大，建議唔好用生肥，改用腐熟有機肥作追肥。

堆肥===無植物係泥，埋生肥入去等佢腐熟，等佢熟左再利用可以免燒根。存放越耐腐熟程度越完全，我一般放最少兩個月。(唔可以完全乾燥，要加少少水先可以發酵)應該算係有氧堆肥。


花生麩液肥===液肥係加水吽過，等佢腐熟再作追肥用既。
將花生麩粉放入水中，讓它在缺氧環境下分解。 2-12 個月後便可使用。時間越長，熟腐程度越高，越不易燒傷植物。花生麩與水的比例約為 1:15 ，使用時，需先將液肥加水稀釋，液肥與水的比例約為 1:7 。施用後，最好能淋水以免燒傷植物。

非常非常感謝cklife的回答,非常長細！