揀蘭花首選

係花展揀蘭花無芽無根都成夠水,係米今年就可以出花???老師教落[見花買花]吖,店主教剪哂所有根係米真.買返來要點攪?新手請賜教,謝謝!

**********************************************************************************************
揀蘭花hints:
1. 植株飽滿，沒有收縮現象，絕對冇問題，但冇芽買來有何用，通常每一植株都有兩隻芽伏在植株腳上，適當時就會長出

個人意見，
冇根冇芽成舊水，我估樓主所指是嘉多利，呢段時間，只要植株飽滿，沒有收縮現象，絕對冇問題，但冇芽買來有何用，通常每一植株都有兩隻芽伏在植株腳上，適當時就會長出，可能樓主沒有細心觀察，至於價錢方面，就要看品種，自己決定值與不值
見花買花是確保你所買的花將來開出原本的花，因為除了人誤之外，同一品花的花都有個體差異，

花展果檔台灣嘉多利好靚.....但好貴...!

見花買花, 緊係保證係果棵喇—不過種植條件唔同 (溫度/日照/水肥...)都會影響到棵花開唔開得翻相同水準。
致於剪哂所有根係米真, 就算店主冇心呃你, 不過有時人有錯手, 人顧客多手掉亂咗, 都可能買錯野。
讀書年代我都幫襯買過剪哂根果啲大花嘉多利, 一棵兩支: 一支係準開花size, 另一支係開過花有肥大球莖。我用大黑膠盆加石仔面放水苔; 環境超好: 露台: 冬天大半日照/夏天因俾另一座大廈遮著所以唔會太曬。種咗兩年先開到花; 因為隔咗兩年先開到花, 我唔記得係唔係開翻同一個色 (果時唔識分話個體唔個體), 不過我記得我買果陣係大湯碗size, 佢亦不負所望開翻大湯碗size。

謝謝高手肯教路(^.^)我買的就係頭像那1種成個湯碗甘大。幸好上咗堂否則就好似身邊那個老婦買左個假球莖又乾又瘦，根都好似吾多條，我又吾好意思出聲，店主好惡啊！識揀都係親自揀，店主買花讚花香，真係登老婦陰公啊！

菲愛花 發表於 2012-3-24 00:08
謝謝高手肯教路(^.^)我買的就係頭像那1種成個湯碗甘大。幸好上咗堂否則就好似身邊那個老婦買左個假球莖又乾 ...

菲愛花  吓！店主冇心呃？？？花寶只係8蚊雞魔肥有哂比例，佢買成十雞都吾知物東東喎！  發表於 13 小時前
*************************************************************************************
佢冇心呃人我唔評論, 不過「如果」佢明碼貨真賣俾你, 又唔係收咗你錢之後, 話冇呢個貨或者格硬迫你買埋其他野, 都唔算呃嘅。
P.S.花寶魔肥我覺得唔好用, 好易積肥料鹽粒。

其實我頭像個棵係原生嘉多莉, 唔係果啲大湯碗交配種。

"菲愛花  適當時長出？1年還是2年呢？  發表於 21 小時前 "

呢個問題答樓主唔到，敬請見諒。

taxitang 發表於 2012-3-24 21:30
"菲愛花  適當時長出？1年還是2年呢？  發表於 21 小時前 "

呢個問題答樓主唔到，敬請見諒。 ...

吾好客氣，只係新手實在太多問題了。理論學完真係要交學費>>>實踐做返份報告‥哈哈
但睇返筆記都有d吾明，例如
1. 開花後要回復正常供水，指日日淋水還是吾乾吾淋水！！！
2. 花榭了應如何處理？睇完筆記好似無講到要甚麼處理，是否剪去花梗待另一新植株萌芽嗎？
等我那株出花芽>>>大湯碗橙色花再匯報成績啦‥嘻嘻希望真係如店主話今年會開花，1年開3次啦‥

empire 發表於 2012-3-24 13:56
菲愛花  吓！店主冇心呃？？？花寶只係8蚊雞魔肥有哂比例，佢買成十雞都吾知物東東喎！  發表於 13 小時 ...

明碼實價？？？店內全部因人開價，重吾係奸商，留待散場後入元朗揾靚野先‥嘻嘻
新手真係無本事消費玩蘭花，買榴槤包開包換，聽一d高手就入埋lab玩埋消炎藥、肥仔水、激素‥‥‥
我就無本錢買原生種退而求其次>>>買下混種，待玩到好似閣下要有好深功力呀！真係好靚喎
老師教用花寶記住係淡肥薄施，到萌芽用>>>平均肥、到有花芽>>>磷鉀肥，我的石斛到現在幾靚；今次濶佬用1夠水玩下咋。本錢吾多平平地用花寶玩咗一年尚滿意呢隻牌子，請問各位大大用甚麼肥呢？我係農田就嘗試好似種菜用咗花生麩、骨粉、雞糞肥‥又吾錯喎‥哈哈哈

菲愛花 發表於 2012-3-25 08:23
明碼實價？？？店內全部因人開價，重吾係奸商，留待散場後入元朗揾靚野先‥嘻嘻
新手真係無本事消費玩蘭 ...

其實原生嘉多利都不一定貴，玩刺激d，買中小苗，價錢平，有驚喜，亦有谷氣，最好不要在賓X買，很多時標籤與花不符，我大部份都是小苗種起，有d都開始有花苞。
其次可以買d入門級，例如C. Aloha Case呢隻紅花、C. walkeriana Kenny呢隻白花紅唇，，100元左右，花靚色又唔差，好多大大都有呢兩品。

我見售賣版都有花友賣原生嘉仔, 價錢「好似」係100元上下。

個人覺得自己喜歡的是養蘭花，並不是育蘭家，沒必要對是不是純血統太執著，好似Kenny是一株又平又靚的授獎花，何必介懷它的血統
其實原嘉除了w仔，n仔，還有其它價錢唔貴，又多花又靚的選擇，例如現在花期的C，intermedia，遲喲夏天花期的C，loddigesii，呢啲開花株大都唔過二佰元，又粗生又易開花

empire 發表於 2012-3-26 13:45
花寶OK呀, 以前唔多盆嘅時候, 我都係花寶開水, 開大概1萬倍, 每次淋水施肥。
依家種多好多, 做唔到每朝施 ...

每次淋水施肥>>>與老師所說一樣要淡肥薄施
做唔到每朝施肥>>>吾係好明白，加仔生長階段是否要日日淋水+淡肥薄施
援解肥, e.g.花寶插支肥/ 灰丸肥>>>有物作用，係邊個階段用會好d，如長根還是有新芽用呢？
不過好似會燒水苔>>>所指有機肥是花生麩水嗎？因為肥料在分解過程會有些熱力，但係淡肥薄施相信不會燒吧！高手賜教，謝謝。

empire 發表於 2012-3-27 10:57
我見售賣版都有花友賣原生嘉仔, 價錢「好似」係100元上下。

多謝師兄通知！

菲愛花 發表於 2012-3-25 08:23
明碼實價？？？店內全部因人開價，重吾係奸商，留待散場後入元朗揾靚野先‥嘻嘻
新手真係無本事消費玩蘭 ...

花寶OK呀, 以前唔多盆嘅時候, 我都係花寶開水, 開大概1萬倍, 每次淋水施肥。
依家種多好多, 做唔到每朝施肥, 最多噴殺蟲劑時開3-4,000倍一齊施。
都會落一啲援解肥, e.g.花寶插支肥/ 灰丸肥。
亦有用過有機肥, 不過好似會燒水苔, 同埋好似施完果排就會有介殼蟲/粉介蟲。