突手下場

近期突手曾特權傳聞多多, 計有
- 500蚊坐豪華遊輪
- 5千蚊坐私人飛機去布吉
- 18萬8坐私人飛機去日本 (前言不對後語, 起初話俾咗商務客位錢)
- 廉價批出防空洞作酒庫及餐廳, 阻撓公開招標
- 年租100萬租用千萬圓裝修皇宮
- 批出數碼電台牌照時, 隱瞞與受惠者之關係
- 收雞及菜後發勳章
- 接受賭場款待
- 收受1,600支紅酒作私人收藏
- 出差以私人信用卡付款儲分自用
- 等等

你認為佢要

真喺完全接受唔到。
我思想同內心都非常狹窄，過得自己唔過得人。
以上事件我可以全收，突手一樣都唔收得。

廉署可以話受到開檔以來最大挑戰, 處理不妥, 隨時萬人上街.

比得大帝 發表於 2012-3-6 21:37
廉署可以話受到開檔以來最大挑戰, 處理不妥, 隨時萬人上街.

頭先睇NEWS, coffee shop老細話冇公佈過話開FILE喎

重話唔會公開有關人等, 待有足夠證據至交俾律證師睇吓需唔需要提交法庭

如果到時真係有"足夠證據" 會唔會又發生一場天主教與基督教之爭呢

點評
八王爺  湯主教都明撐特權咯！  發表於 16 分鐘前

咁律政司司長係基督徒嘛
到時堅係起訴呀權權, 又有野睇LU

吖, 不過唐唐豬上場, 又唔同晒班底啦喎呵

聽聞佢個仔都有份

佢就開心啦~今次真係打好哩份工囉

其實彈劾佢係好事,起碼係香港歷史性一刻,再加上可以起到好大"左"嚇作用
不過都係諗下算,我諗最後佢應該乜事都無zzzzzz

031504 發表於 2012-3-7 00:29
聽聞佢個仔都有份

佢就開心啦~今次真係打好哩份工囉

冇事啦一定, 佢都唔係傻咖, 做左幾廿年公務員
有咩漏洞實好清楚嘅

香港政府個膽而經大哂,,,當D市民死,,,,,
唔講當奴曾,,唐唐同隻狼果幾單野都夠大啦

不過香港人真係好健忘~應該好快唔記得哂,繼續做大財團下的奴隸

vivi 發表於 2012-3-7 00:31
冇事啦一定, 佢都唔係傻咖, 做左幾廿年公務員
有咩漏洞實好清楚嘅

最重要上面D人撐佢

031504 發表於 2012-3-7 00:31
香港政府個膽而經大哂,,,當D市民死,,,,,
唔講當奴曾,,唐唐同隻狼果幾單野都夠大啦

點解隻豬叫豬, 個個都知啦, 可唔可以提我因為邊單嘢, 梁振英會得狼之名呀?

vivi 發表於 2012-3-6 21:56
頭先睇NEWS, coffee shop老細話冇公佈過話開FILE喎

重話唔會公開有關人等, 待有足夠證據至交俾律證師睇 ...

如果老廉阿頭咁樣講, 我好怕見到這兩個結果

1. 廉記會話沒有證據顯示貪污, 停止調查

2. 廉記將個波踢俾律政署, 交D無料嘅所謂證據俾律政署, 律政署順勢話證據不足, 不作出起訴

在當勞來說, 最重要唔使坐監, 話知七百萬人上街, 佢寫自傳, 自稱自讚, [留芳百世]

比得大帝 發表於 2012-3-7 09:16
如果老廉阿頭咁樣講, 我好怕見到這兩個結果

1. 廉記會話沒有證據顯示貪污, 停止調查

1. 廉記會話沒有證據顯示貪污, 停止調查

2. 廉記將個波踢俾律政署, 交D無料嘅所謂證據俾律政署, 律政署順勢話證據不足, 不作出起訴

以上2個point 都一定成立

031504 發表於 2012-3-7 00:31
香港政府個膽而經大哂,,,當D市民死,,,,,
唔講當奴曾,,唐唐同隻狼果幾單野都夠大啦

冇錯吖, 有咩辦法啫

我去街市買20蚊豬肉 少過百佳十幾蚊好多呢

一向精打細算的一家之主根本冇得揀囉....唉

最多人投待廉署調查完才作評論

可以話係理性選擇, 只怕係到時宣佈嚟嘅結果比依家還要檬糊

比得大帝 發表於 2012-3-8 11:46
最多人投待廉署調查完才作評論

可以話係理性選擇, 只怕係到時宣佈嚟嘅結果比依家還要檬糊 ...

如果咁講, 投「馬上下台」及「應受到彈劾」咪唔理性?

我地係咪應該因傳媒將一啲傳聞放上報紙, 就可以當為真有其事呢?
主流報章成日俾人督佢作新聞, 例如蘋果上次話政府簡體字化北區啲警告, 只有簡體冇繁體字; 最後咪比人影埋相督爆佢作新聞, 明明繁體簡體並存都可以話冇繁體字


仲有, 你以上寫果啲傳聞, 你細心去諗, 究竟有幾多係誇大咗, 有幾多係偏見, 有幾多係作?
- 500蚊坐豪華遊輪 豪華遊輪定豪華遊艇
- 5千蚊坐私人飛機去布吉
- 18萬8坐私人飛機去日本 (前言不對後語, 起初話俾咗商務客位錢) 點解淨係睇到前言不對後語, 但係唔諗吓佢同朋友「夾份」從市場租飛機，按人頭付費都唔可以
- 廉價批出防空洞作酒庫及餐廳, 阻撓公開招標 今年5月先公開招標, 又會咁快睇到佢阻撓公開招標!?
- 年租100萬租用千萬圓裝修皇宮點解唔提該裝修費, 係用嚟改裝原本係住客會所成適合出租的住宅單位; 點解將預算少於300萬元人民幣裝, 吹到千萬豪裝;
- 批出數碼電台牌照時, 隱瞞與受惠者之關係點解淨係講受惠關係, 點解唔提時序? 按維基百科, 香港數碼廣播 (前身: 雄濤廣播)響2008年1月提交聲音廣播牌照申請, 政府於2008年7月9日公佈原則上批准。佢4年前都未決定係咪租黃楚標個單位啦!
- 收雞及菜後發勳章傳聞都當真?!
- 接受賭場款待 又係傳聞?!
- 收受1,600支紅酒作私人收藏 又係傳聞?!
- 出差以私人信用卡付款儲分自用 又係傳聞?!

empire 發表於 2012-3-8 17:16
如果咁講, 投「馬上下台」及「應受到彈劾」咪唔理性?

我地係咪應該因傳媒將一啲傳聞放上報紙, 就可以當 ...

這個主題的第一句己經說[傳聞多多], 是邀請各花友按傳聞提出個人意見, 也沒有評論過各傳聞的真實程度.  我說選待廉記查後再作評論是理性選擇, 沒有說其他的是不理性.  例如我說某個花友聰明, 不等於說其他人就是白痴.

你post一份老作新聞, 想表達甚麼?  新聞紙都係收料, 收到流料都唔出奇.  不過我仍對香港報紙有信心, 整體還算可信.  一編錯新聞不代表所有新聞都係假.

你問是遊輪定係遊艇, 想講乜, 係想我我寫錯字, 定係想話如果係遊艇就算小事, 如果係遊輪就大件事?  不如你講清楚先嘞.

我要放幾日假, 不一定會馬上回覆.

比得大帝 發表於 2012-3-8 21:32
這個主題的第一句己經說[傳聞多多], 是邀請各花友按傳聞提出個人意見, 也沒有評論過各傳聞的真實程度.   ...

或許我說得不清楚, 令人誤會我指你暗示選擇「馬上下台」及「應受到彈劾」是不理性, 先說聲不好意思。

我相信你出呢個post, 都係想各位從不同角度自我表達。我紅字回應啲傳聞, 只係要表達我不認同呢啲傳聞, 甚至覺得呢啲傳聞係誇大同存在吹水成份。

至於引用批評蘋果段章取義, 老作新聞嘅新聞, 正正係想指出香港傳媒唔係淨係收錯料咁簡單; 而係要指出蘋果明顯地有違傳媒操守, 明明告示牌繁體簡體並存, 佢地都可以話淨係得簡體警告, 以達致其政治目的。至於香港報紙是否可信, 信嘅人就會信, 唔信嘅人就唔信; 唔可能三言兩語改變任何人嘅觀感, 有機會另post再討論。

遊輪vs遊艇 - $500坐遊輪同$500坐遊艇咪唔同囉!
唔知你有冇試過同人夾錢租遊艇去遊船河, $500 (一班人夾) 包隻遊艇一日兼包飲包食(普通啤酒/薯片/到會美食), 平民絕對可以做到。

empire = 曾生打手?
依家擺明唔係有冇做過的問題啦
點解報紙亂寫, 而市民又受?

你知呢個世界幾黑暗
報紙只係操縱民心的工具
如果佢乞人憎, 就算佢冇做過, 傳媒都會寫死佢

唔理傳唔傳聞，即下台。

gunbuster363 發表於 2012-3-9 14:25
empire = 曾生打手?
依家擺明唔係有冇做過的問題啦
點解報紙亂寫, 而市民又受?

***你如果search到我啲post, 你會知我係花友定打手! ***

唔知你指嘅打手係咪就係所謂嘅5毛? 不過, 點解支持/信任佢就係打手? 係咪香港依家啲人太自我中心, 凡與其意見不同就係打手, 而唔係實事意見, 要用陰謀論去睇佢?
你話市民受啲報紙亂寫,  正正就係身邊個個 (報紙/facebook/吹水閒聊) 都話佢唔啱, 持反對意見就會俾人吋/俾當傻仔睇/冇話題吹水..., 所以唔敢提出反對意見。

既然「你知呢個世界幾黑暗, 報紙只係操縱民心的工具」, 點解唔可能係曾生冇做一啲野去please報紙, 所以被報紙寫死佢? 佢乞人憎, 究竟係因為報紙大肆唱衰佢, 令市民有呢個觀感, 定真係佢做咗啲乜野令你憎佢? 若果只係話因為憎/某啲講唔出嘅理由佢而要佢馬上下台, 跟本就冇討論價值。

PS, 我唔係要同各位「艾」交, 只係真心想指出我嘅意見, 如言語上有過激請各位見諒。