愛心領養(結束)

八王爺 發表於 2012-2-29 16:17
其實睇相，我唔覺佢有摺耳，只是耳較小。

唔喺全部摺耳貓都有摺耳嘅。 ...

係呀﹗柏林小姐和珍寶珠是同胞姐妹，但珠姐對耳是摺的。看上去同個頭成一條橫線。

摺耳貓基因係特別容易有關節和心臟問題，身體都比較差。我諗領養者真係要多看點資料，考慮自己能力。我現在都有一隻一歲摺耳貓，大約三個月左右就比獸醫檢查一次。醫生話不一定每隻都會有事，但機會比普通貓都高。一定要早有預算。

八王爺 發表於 2012-2-29 12:41
真喺好唔好意思，因為喺朋友放出黎。唔喺我嘅，我不會告訴她你們的意見，而你們在這裏寫咁多都無用，因為 ...

希望你明白我想知多少貓貓資料係想將佢發放開去, 我身邊有唔少養貓朋友, 如果要收養多隻就連係貓仔定貓女都係我哋要考慮因素(呢方面冇養貓人士一定唔會知).  見到你個回應+單打, 都感到無奈

金盞花 發表於 2012-3-1 12:04
希望你明白我想知多少貓貓資料係想將佢發放開去, 我身邊有唔少養貓朋友, 如果要收養多隻就連係貓仔定貓女 ...

我諗王爺無特別意思的, 只係貓貓係佢朋友既, 唔係佢本人既呢.

對於我黎講, 貓仔貓女都無所謂, 一般貓女比較乖D, 而做左絕育未都無乜問題, 未做, 拎番黎等佢安定左再帶佢去獸醫度做OK, 我好堅持同貓貓做絕育, 因為咁佢會少好多性器官上既病, 例如CANCER.

人同貓都係生命, 人如果患敏感, 可以好大件事, 除左辛苦, 甚至可以性命悠關, 所以希望大家可以理解王爺既朋友. 大家愛貓先將貓既問題放大左. 不過點講都係無用既, 最緊要將貓貓帶離主人, 等主人唔駛再受疾病既苦, 靚既貓搵人領養唔難, 其實我屋企都寄養過貓狗, 幫佢搵番主人或新主人後一樣會有番開心既生活, 動物好簡單的, 有人愛錫有飽飯食就會開心, 唔會好似人咁多要求同慾望.

其實養親寵物都要預左, 動物睇醫生貴過人幾倍, 所以我偏向會將動物交比成熟同有經濟能力既人領養. 而各個品種既貓都有唔同性格同特質, 仲有唔同既缺點或缺陷, 講到尾都係心機同時間.

mono  我以前其中一隻貓，都唔係好夾到其他兩隻，好彩我有兩間房比佢地自行分配。所以都知一唔夾就好難攪。而且貓一有情緒，就好易有情緒病..。  發表於 18 分鐘前

其實我係唔想其他動物比隻貓一巴一巴咁打, 哈哈... 本來係好攪笑, 因為佢好細力, 但有時佢會唔覺意就抓親對方隻眼, 我兩隻貓超開心, 不停玩訓食同扭抱, 見倒佢地兩個, 都希望其他貓貓狗狗都可以有開心既生活.

猫猫好靚, 可惜我都有毛敏感.

貓貓好可愛,希望同彩虹小姐的貓兒合得來
(家中有兩貓,亦是不知是否合得來,不敢答應幫忙)

絕育既貓貓好呀, 乖好多架~
我家MIMI都變左太監了, 乖子很多!!