科學泥可以種蔬菜嗎?

有朋友送了一些元茜種子給我, 我使用了科學泥在家中來種.
朋友教我一星期用花生腐施一次肥, 差不多收成之前兩星期便不要下肥啦!
現在元茜已到了收成期, 我兩期前已沒有施肥了.
不過家人擔心科學泥種的元茜是否可食用.   請大家指教.

無論如何科學泥種出來的當然不可以食！話明科學即係化學，人造，合成，有毒 ...

其實科學泥只係香港的叫法，其他地方叫種料/培養土。即係全世界用培養土種出來的都可以食，係响香港的科學泥種出來的都不可以食。哈哈~

科學泥的成份主要是有機物和泥炭，有疏水和保水的特性，和真正泥土所不同的可能只是長期種植會少了某些礦物質。

俾啲嘢你諗吓：你種咗好多莞茜嗎？可以當飯食嗎？可以食多少餐？在溫室用無土栽培，全用化學水溶液養出來的蔬菜水果可不可以食？大陸用化學肥種出來的菜可唔可以食一餐半餐？用爛綿花腐木吽出來的菌可唔可以食？

我諗最後食唔食都係視乎你自己的心理吧。如果食咗個心唔安樂，就算是天上美食，地上養生人蔘也無好處吧。

孖吉 發表於 2012-2-25 18:18
無論如何科學泥種出來的當然不可以食！話明科學即係化學，人造，合成，有毒 ...

其實科學泥只係香港的叫 ...

多謝師兄指點.  如果要在家種植蔬菜, 要用什麼泥呢?  在那裡可以買得到呢?

Sergio 發表於 2012-2-25 18:27
多謝師兄指點.  如果要在家種植蔬菜, 要用什麼泥呢?  在那裡可以買得到呢? ...

明白哂!  之不過想問多些少, 會不會用其他泥土種出來的蔬菜會好一點.

Sergio 發表於 2012-2-25 23:23
明白哂!  之不過想問多些少, 會不會用其他泥土種出來的蔬菜會好一點.

多謝分享

我體力有限，又會將盆掛出欄杆外，所以選用重量較輕既科學呢，因為重量輕，就算重好多，種大棵D都無咁擔心壓壞下邊既枝撐物(屋頂、簷蓬、花架等)。
C奶仔，將盆野搬黎搬去都無咁傷腰骨，要處理盆泥時唔洗扭親(有時要倒轉個盆先攞到出黎)，而且科學泥己做好滅菌滅虫，係露台種野就無咁易野虫，比較適合屋企種野，尤其係市區。

一般園土呢，一來買既地方較少，二來好鬼重，營養係會比科學泥好d，買番黎最好自己處理一下，以防帶埋虫虫番屋企。我覺得種細細棵野，用科學泥較方便，但種大大棵，比如木瓜依d，科學泥就太輕太鬆，用一般園土就比較好，木瓜無咁易抽離泥土倒下。

但無論係科學泥或是一般園土，肥力多少都只係初期，用久了肥力被植物使用後，仲係要施肥。所以基肥、補肥工作一樣需要。

-------------------
我自己既理解︰

最初未有科學泥，大家都係去山度挖泥。
後來有人發現用木碎呀、椰纖果類野種植，一樣OK，而且可以因應唔同植物配製，而且重量輕好多。對於體力較差既老人家好適合，就推介出黎。
商人見到商機，就幫佢按左個名叫科學泥，又話經科學研究對植物點好點好，處理幾咁容易等等。
因為果時乜鬼野加科學既字眼都高級D，所以叫左做科學泥。

一直都好多人用黎種野，除左全用科學泥外，亦有用一般盆土混合科學泥種野。

好喇...去到依家化學野泛濫喇....出左好多化學毒害既野，大家聞化學色變，又有人將科學泥叫做化學泥喇，意思係人為溝出泥，唔係天然山邊挖既。因為觀念既改變(以為全部自然挖出泥唔加人力就係好野)，科學泥由王子變成乞丐。

商人又動腦筋喇，你地唔中意個名，我咪改名囉....以前加科學兩個字就大賣，依加乜鬼都話要有機。就係咁，科學泥加番D有機肥料，又叫做有機泥。

咁有D人買野都唔去理會內含物，只係聽商人講野，所以就會好怕科學泥，專登搵都要搵有機泥買黎種野。話科學泥種野食壞人，一定要有機泥種先好，有機泥種仲好過一般園土，因為[有機]嘛....

如果對買科學泥種野唔安心，咪去買有機泥種野囉....求個安心姐.....(如果我賣泥，我會改個名叫安全泥...咁就實安全喇)

Sergio 發表於 2012-2-25 23:23
明白哂!  之不過想問多些少, 會不會用其他泥土種出來的蔬菜會好一點.

多謝分享!