vivi 發表於 2012-3-5 16:27
唉...其實, 我都覺得權權呢d係好少事嚟, 但衰在係d市民咁"仇富"的時期俾人爆左出嚟囉
講真, 堂堂一個領袖, ...
又唔係咁講, 既然政府訂得個守則規管所有公務員唔可以貪, 點解最高果個可以貪?
佢做財爺時有次向政付物料採購部訓話: 乜野可以收得? 舉個例, 供應商俾一個月曆你, 你都唔收到得. 咁清唔清楚?
既然佢可以要求下屬廉潔到一個月曆都唔收得, 點解己可以乜都收得? 作為十數萬公務員之首, 應該比所有公務員更廉潔, 比白紙更雪白, 而唔係乜都貪, 俾人爆咗出嚟就賴市民要求太高.
表面睇嚟就係收咗少少嘢, 接受咗小小免費餐, 有冇利益回贈, 要查先知
如果問我, 我就話一定有利益輸送
好簡單, 假如我同你打麻雀前, 請你食個超豪大餐, 請你坐埋我架勞屎, 到打麻雀時, 唔好話要你鬆兩章吖, 最少你唔好狂頂我呱? 咁咪即係出賣其他兩個人嘅利益以回贈我囉.
以曾生的例子, 佢訂嘅政策, 點都唔會要玩請佢坐飛機果個人卦? 咁重唔出賣香港利益作利益輸送, 係乜呀? 而事實亦話俾我哋知, 佢在任其間一直行高地價政策, 董生訂的西九, 佢上任就要推倒重來, 又堅持起幾百億嘅天幕, 話冇利益輸送就假嘅. |