唔該有冇人識整咸甘桔

可唔可以教我thx~~~

好易整，找一堆鮮採桔仔，洗乾淨，記得要洗多幾轉水，因為表皮可能有好多化學農葯．
洗完風乾後，搵海鹽嗱下桔仔，keep住風乾多幾日，到時ｄ鹽會溶緊ｄ，桔仔又會縮縮地，但唔會發毛，然後入樽．入樽後，加番ｄ鹽，蓋過桔仔，放番幾個月，我就最少一年，ｏｋ～

jellyfishy 發表於 2012-2-8 11:10
好易整，找一堆鮮採桔仔，洗乾淨，記得要洗多幾轉水，因為表皮可能有好多化學農葯．
洗完風乾後，搵海鹽嗱 ...

用鹽嗱桔呢個步驟, 是否要用箕筲等佢疏走水份吖?

上星期三都市閒情有講過什樣浸, 你可以上綱重溫.  

jellyfishy 發表於 2012-2-8 11:10
好易整，找一堆鮮採桔仔，洗乾淨，記得要洗多幾轉水，因為表皮可能有好多化學農葯．
洗完風乾後，搵海鹽嗱 ...

咁洗唔洗加水？

Sergio 發表於 2012-2-8 11:16
上星期三都市閒情有講過什樣浸, 你可以上綱重溫.

http://mytv.tvb.com/lifestyle/pleasureandleisure/126883#page-1

話時話，我個一大樽咸柑桔，浸左over 15年～～　 當時係用3L 玻璃樽載桔，食左咁多年，仲有一半～　

jellyfishy 發表於 2012-2-8 11:25
話時話，我個一大樽咸柑桔，浸左over 15年～～　  當時係用3L 玻璃樽載桔，食左咁多年，仲有一半～　 ...

15年 咪好正囉
用鹽果時洗唔洗密封架~?

可唔可以入左樽先曬

我06年屋企在花市買咗盆桔
唸住唔好浪費,就跟足程序做到咸柑桔
點知佢哋到而家都仲係一粒粒完整的桔(仲未變色)
我估係本身啲桔勁多防腐劑同其他唔知乜的化學嘢

同埋, 我09年買過日本柑桔做,
半年度就已經變晒色
啲盐都已經變晒水~
但係到而家都仲係有啲纖維未化晒(啲核我估起碼十年八載先化)


同埋, 要留意
1.而家呢啲潮濕天氣已經唔適合整了(要有大北風 + 陽光晒 去風乾)
2.剪桔仔時要留返小小"頂", 唔可以有果肉外露, 花咗皮都唔好要(會發毛)
3.入樽時要用鹽包住晒成個桔(即係樽底要落鹽,再落一層桔, 再落鹽再落桔..一層層做)

哈哈哈～　enemy真係講得 detail過我好多～～～　

我個樽野，都係過年買回家的桔樹仔，過左年就摘晒佢地去浸，唔洗三年已經啡晒，唔通以前無咁多化學野？家下十幾年，果核都化晒了～～　煲水時，用匙輕輕一壓，成粒柑仔散左～～　  

真係每隔三五年就要浸返樽

我舊時嘗試浸柑, 晌風乾既時候已經有d開始發霉... 結果唯有放棄

D桔已經剪左唔整就唔要得
個樽係咪一定要玻璃樽？

charles067 發表於 2012-2-8 17:20
D桔已經剪左唔整就唔要得
個樽係咪一定要玻璃樽？

一定要用玻璃樽

記得好似 enemy 講咁要留小小"頂"，如果唔係，會好易有水份留向個頂到而令至佢發毛。

我想問下點解一定要用玻璃樽??

咸柑桔又酸又咸,
又要密封,
仲要放在個樽二三十年,
所以咪要用玻璃樽囉~

仲有, 你整嗰時要留意埋樽蓋
坊間有啲樽嘅樽蓋/樽蓋膠邊係可以換的..嗰隻會好啲(二三十年乜膠都老化啦!)

順手提吓你, 記得用大滾水滾吓, 消毒咗個樽先用~

我做法有D唔同...

我無曬....我通常係過年前後就會醃....

我係咁做...

• 桔仔全部去蒂(習慣唔食得既野唔放入樽)
• 再用大滾水碌桔仔，水浸過面，順手洗下佢，用大滾水碌過，表面既臘質或者防腐劑可以去除左一部份。
• 用筲箕晾乾水份(晾到唔滴水)，再轉用大不锈鋼盆，攤開晾乾至表面全無水份。
• 玻璃瓶洗淨消毒，用前再用風筒吹吹，等佢切底乾燥。
• 放一層薄鹽在瓶底，再放一層桔仔，再一層薄鹽...直至放完桔仔，係面度放一層2-3CM厚既鹽。
• 蓋實佢，大約兩星期後，鹽略溶，檢查水份....若水份不足以掩蓋桔仔，就會開濃鹽水倒入去加到蓋住桔仔。
• 之後放埋一邊，隔一兩個月觀察下佢，二個月後未溶的鹽拿掉，蓋緊繼續存放。一般水份布蓋過桔仔就唔會發霉，真係有發霉狀況，就檢走壞桔，倒出水份煮沸放涼重新倒入瓶中繼續醃。
  

醃時可以加入製甘草同醃。
看到雜誌常教人全瓶塞滿鹽，有時鹽比桔仔還多，那樣鹽比例太多，醃十年鹽依然未溶，吃時就超級咸，我唔太建議全瓶都係鹽。
我媽媽就係學雜誌咁醃，結果話好難食，走黎問我點解會咁。
我都試過想曬完桔仔再醃...可能春天關係...放左兩日就開始發霉...之後就放棄喇....用番我既舊方法醃。

醃左三年半既


醃左六年


醃左超過二十年

Ck 你呢個方法好小心又詳細。
見到你個d二十年桔仔樣，和我個d好似，諗諗下，我個樽桔係婆婆醃，佢過身都快18年，即係我樽桔至少over18yr?!