請指教士多啤梨如何留種?

第一次在這裡發帖, 請各位大大多多指教!

早前於市集買了一盆士多啤梨, 有一粒開始變紅, 快可收成, 好開心呢~ 於是就上網多作暸解.

我見網上有人話可以買超市日本士多啤梨返嚟留種.  請問是如何留種子的? (不是分株)
是表面一位位哪些, 還是其他?
留下的種子要清洗嗎?
如何保存, 可保存多久?
該何時撒種?

問題多多....唔好意思

係表面一粒粒個的 o,o

選擇一的比較成熟(少少爛都得架)既士多啤梨 , 將表面一粒粒既種子挖左出來洗乾淨左
通常自取種子既發芽率比較低 所以最好收集多的種子 再分2次發 ( 50-100 粒 ? )

我自己既做法係就咁放泥面 之後每日噴水 ( 聽人講 士多啤梨種子要見光 先會發芽 但係唔可以曝曬 )

其實好少話通常幾耐到會發芽
通常如果天氣凍就會比較難發芽

天氣凍之後突然回南天潮濕就有機會發芽
如果係夏天既話 播種既環境就要保持潮濕囉

我自己既經驗試過自留既種子放雪櫃2個月之後都仲發到 但係過左半年就發唔到啦 ( 保存問題 ? )

至於點解我建議要留50-100粒種子呢 條數係咁計既

如果發芽率係10%-20% 呢 100粒種子 就只有 10-20粒會發芽
因為士多啤梨種子發出來既幼苗夭折率相對上都幾高架

個情況係有的發左芽 但係唔出真葉
有的有出真葉 但係半年都唔係點長大
另外換盆個陣又好易傷到的根就咁冇救
加埋如果種既位置比較熱既話 又有好多過唔到夏天 ( 士多啤梨喜陽光 但係又怕熱 )

我舊年大概發左出來有25棵小苗 而家得番5棵 ( 其中本來生得最快個棵已經出左幾隻複葉架啦 點知我落肥重手左結果棵士多啤梨差的比我整死 ! )

P.S 建議重點參考呢個帖

http://hkplants.com/forum.php?mo ... A%E5%95%A4%E6%A2%A8

多謝你

另外想請教關於滅虫及施肥.  我想種可食用士多啤梨, 該用甚麼滅虫?

SlothKali 發表於 2012-2-9 13:55
多謝你

另外想請教關於滅虫及施肥.  我想種可食用士多啤梨, 該用甚麼滅虫?

呢個論壇的花友 多數用苦棟油

我自己就 苦棟油 同 清源保 交替使用

至於清源保係乜野 我建議你自己搜尋 你會比較放心


至於肥料 我自己都試緊幾種唔同既肥料

新手用花生麩個類肥料 就比較危險

我呢就建議試下用吉吉島個隻雞屎肥啦


如果想進一步了解種士多啤梨 既 訣竅 都係爬個幾個post啦

我見呢到都好多種士多啤梨心得, 真係要努力爬爬爬.....
不過關於留種想問詳細少少.....
點樣取面頭D粒粒, 成粒士多啤梨刮? 會唔會黏住D肉?  定係切開用匙食完個心留返塊皮? 點樣洗D籽?  咁細粒.....我諗一沖水就會唔見晒
我係園藝super新手, 零經驗, 可能問D野會係"低能"級...請見諒...

SlothKali 發表於 2012-2-9 20:40
我見呢到都好多種士多啤梨心得, 真係要努力爬爬爬.....
不過關於留種想問詳細少少.....
點樣取面頭D粒粒,  ...

我自己就用牙簽挑D粒粒﹐實會有少少肉黐住﹐不過我由佢。
而我爬文時﹐見有花友話成塊皮連種子批出黎﹐跟住風乾。乾左塊皮變脆就容易D拆D種子出黎﹐但係家陣太濕﹐衫都唔乾……
發芽方面﹐真係睇彩數﹐係果實拆出黎個D﹐我100粒以上﹐得10%發左﹐有D等左六個星期先發﹐有D兩三日就發(我個D係韓國士多啤梨)。
最近拆左D日本士多啤梨﹐睇下點……

SlothKali 發表於 2012-2-9 20:40
我見呢到都好多種士多啤梨心得, 真係要努力爬爬爬.....
不過關於留種想問詳細少少.....
點樣取面頭D粒粒,  ...

水磨工夫 慢慢試啦

我試過：
1）執番甩咗喺包裝同洗嘅時候甩出嚟粒粒
2）將士多啤梨表面無噤靚位置批出嚟，用牙簽同指甲挑走啲果肉