今日所見

今日去嘉道理影花
好多專影相ge人去,但佢地真係好冇品,又唔惜花,唔怪得我一向都鄙視,討厭佢地(ok,可能有好人我睇唔倒,但10次有9次都係咁)
噴水影花唔好係人都知,見慣不怪
呢位_人噴得好開心,仲叫埋其他人去影佢噴完d花


下面呢堆野,眼見都唔輕,體積亦唔細
佢地用個扣勾喺棵唔係好大棵,亦唔算粗ge樹,仲要叫:呢度有位呀,掛黎呢度啦


最火滾係有人影完朵花然後摘走佢!!!
之後仲要覺得自己冇錯,理直氣壯

仲有佢地開晒d腳架唔係影,喺度等,腳同腳交叉咁擺完全冇打算讓比你,即使你係咁講唔該,唯有夾硬過,佢仲要啤住你

ok,我講完,我真係好憎呢d人~byebye

遇到呢d情況...
我通常都會心裏暗駡一串粗口...
然後深深吸一口氣...
徐徐呼口長氣...
發洩完當無野繼續上路...
無謂俾呢d人影晌自己全日既心情...

說明了文化教養水平

自私的家伙!!

睇見你段文字, 再加埋個畫面, 可以想到你幾咁憤怒  換轉係我都好嬲  一定會話鬼佢.   d人只求影靚相唔去愛惜花草樹木, 俾佢影到靚相冇咗品格.  加上個個都想搵靚景, 應該大家遷就吓, 好自私, 討厭

嘉道理將成個山頭打理得咁好開放俾市民, 換轉係李生已要求轉土地用途去搵$$$啦!  仲俾人入去賞花~仲唔珍惜

有權利影相,但都有義務愛護花草.我睇完都好嬲!!!!

金盞花 發表於 2012-1-29 11:30
睇見你段文字, 再加埋個畫面, 可以想到你幾咁憤怒  換轉係我都好嬲  一定會話鬼佢.   d人只求影靚相唔 ...

用你張相去就棵花~用手機影都靚
用棵花去就你張相~話之你部機幾勁都好,我都唔會覺得靚

corina 發表於 2012-1-29 13:17
有權利影相,但都有義務愛護花草.我睇完都好嬲!!!!

仲有d人企上花圃度影~花圃邊位d花唔死都斷

大把哩D人~
佢地仲覺得自己係影相大師: O )

記得幾年前係有篇文係講一班龍友係南生圍定唔知邊到發現左有隻雀B
然後佢地十幾枝大炮係咁對著隻雀B影影影~~最後雀B受驚爬出巢跌死

031504 發表於 2012-1-29 22:35
大把哩D人~
佢地仲覺得自己係影相大師: O )

冷血。

031504 發表於 2012-1-29 22:35
大把哩D人~
佢地仲覺得自己係影相大師: O )

個人覺得, 依D所謂既龍友, 唔係想影靚相, 而係想show比人睇佢D架生幾靚, 佢有幾識野幾叻幾西利! 不過我想講, 真係專業既攝影師係唔會咁影相囉~

chambee 發表於 2012-1-30 00:55
個人覺得, 依D所謂既龍友, 唔係想影靚相, 而係想show比人睇佢D架生幾靚, 佢有幾識野幾叻幾西利! 不過我想 ...

中 point
琴日見有人拎架唔知乜出黎(我見識少亦冇興趣知係乜黎)標奇立異
set晒野,我影咗差唔多20mins佢一張相都冇影過咁滯

想影水珠就早啲起身啦~

想影水珠就自己種一棵喺屋企自己噴飽佢啦 摧殘大眾嘅花 真係CHEAP

隨住攝影器材大眾化,越來越多呢o的無心德心的pk~
明明人地睇緊展覽,佢地就係咁影,阻住晒人地睇展品(好似花展咁,而家變o左攝影展,行唔到埋去睇花o架~~~)
明明人地話唔好用閃光燈,就不停係咁閃(動物園,海洋公園特別多),o的動物唔盲就有鬼~(試過o係外國同鬼佬講,佢會話sorry同埋即刻唔用flash,o係香港叫人唔好閃,一係就話關你咩事,一係就特突登閃多2 o野比你睇....)
影雀,就用食物引佢地出來,攪到擾亂生態平衡

香港人公民意識都咁差，香港人再係咁，同大陸人無分別！

太過份啦!  自私精!