本帖最後由 Carmenchau 於 2012-4-24 23:43 編輯
好野, 第一次種荷蘭豆開始有花有果啦!
棵唔知係翠玉瓜定係青瓜猛咁開雄花, 好在發現到有朶雌花, 但仍未開花喎! 好想快d見到佢開花結果啦! 由細細條長到大條, 呢個過程一定好過"引" !
呢棵係rainbow仙子分享俾我嘅四季豆, 唔知咁細棵會有幾多條豆豆食呢? 現時食咗有8條啦! 好嫩好好肉地!
種咗好耐嘅紅菜頭有d種係田度, 有d種係奶粉罐度, 後者竟然出到個頭先, 係田度嘅先啱啱有好細個頭, 希望仲有1個月嘅時間(要收田啦!)佢地生生性性出到個大頭啦! 居然種足半年, 可能我施肥施得唔啱, 下次種一定要早d同埋勤力d施肥啦!
update住咁多先, 其他好似係意大利生菜已收咗, 冇影到相, 不過食落苦味重d, 但好爽脆! 而櫻桃蘿蔔被不知名雀鳥定係蟲蟲食光d葉, 頭都未見有![](static/image/smiley/default/cry.gif)
d朱古力蕃茄(車厘茄一種)仲未見到佢地轉色, 唔知要等幾耐先會熟呢?
|