新手,越黎越唔明.....

本身想試下由頭開始去種 d 簡單既香草..
咁就係度爬下文啦......
但係發覺越黎越唔明....咁究竟我要買 D 咩材料先呢 ?

P.S. 而家我係咩 equipment 都冇....

我知道要買 container la....泥啦 (見大家多數用咩靚土)

可唔可以各高手教教我呢 ? THANKS

第一你先了解下自己種野既地方，容唔容易種野。。（要問人時都要講下自己 種植地方係點有無咩限制，人地先比到意見你．）
方向、日照、通風情況等等。。。

再黎係講下你想種邊種香草，你有爬過文，應該有心水，講完你想種咩。。先知你種既野應該用疏水d定保水d既泥。。。

要d咩工具，種野都係花盆同泥囉。。。靚 土係泥既一種，種香草ok。。花墟有得賣。。

哦..明白~
我有個天台, 所以想係天台到種 D 野..
而天台就係30/f....都ok有風, 不過 summer 就幾熱,向西...

想種 d 簡單少少又會有唔會有虫既植物,話晒都易 D
所以諗住種紫蘇, lavender, 百里香, 紅洋蔥 呢 d 玩下試下先

回覆 寧望月  這天氣好像沒有什麼香草可種子種起的...他要從種子種起好像是要買育苗盒先@ @或買保鮮紙先....


仲有一星期就春節喇。。。點會無野可種呢...春天到....最好發芽啦....
唔一定要買苗盒..最簡單既係直接放落盆種...每日記得幫佢保持濕潤就會發芽啦...

亦可以係保鮮盒度放張廚紙濕左佢放入種子，見到種子出左少少芽就放入泥種...

正如有d草友經驗，百里香移苗死左一堆，咪直接放落大盆種囉...

中意熱既香草，例如蘿勒、紫蘇咁..可以遲少少先落種....但中意早D種都一樣得架...發到芽長得大就得架啦...

其實依係咪都可以落種子發呢?我屋企有d香草初入冬轉弱...但係呢個星期又係泥腳果度標左d新芽出黎,係母株旁邊,依家標高左成吋...係咪天氣返常丫....仲未春天喎~

cklife 發表於 2012-1-14 18:01
回覆 寧望月  這天氣好像沒有什麼香草可種子種起的...他要從種子種起好像是要買育苗盒先@ @或買保鮮紙先... ...

種子方面明白了..
咁泥要買咩呢 ? 同埋我睇大家都會去溝...又應該點去溝? (比例)

同埋大家又成日講堆肥....基肥, 又會搞呢?
好似話溝要又要放幾個月...咁樣而家咩都冇咪有排先可以開始種 ?

最後, 點去決家用幾大既盆呢?

唔好意思..真係唔識,所以唔好介意我咁多問題~ ~_~

cfc 發表於 2012-1-14 22:09
種子方面明白了..
咁泥要買咩呢 ? 同埋我睇大家都會去溝...又應該點去溝? (比例)

我講下我自己既習慣啦。。

咁泥要買咩呢 ? 同埋我睇大家都會去溝...又應該點去溝? (比例)
我自己就會靚土：珍珠石＝4：1或（5：1）


同埋大家又成日講堆肥....基肥, 又會搞呢?
親手唔好吽泥住啦，玩簡單d，去買一包有機粒狀肥（香草或蔬菜用），佢係己經吽熟左既肥。
基肥時就放盆底，平時補肥（大約一個月一次），就係花盆邊挖一修坑，再放粒肥，再用泥蓋實。


最後, 點去決家用幾大既盆呢?
一般係睇你種咩植物，蘿勒或紫蘇可以用20－30CM盆種一株。
百里就可以用細d盆，可以話幾細都無咩所謂，因為根比較淺，植株都比較細。

明白晒啦....唔該晒....
等過左年之後去花墟買需要既物資先~

不過20－30吋盆咪好大 ? 成 50cm wor~~ @@
原來種蘿勒或紫蘇要咁大既盆ga~

回覆  esmonhk  2月4曰立春，過了呢日春天到了，氣溫比較適合培苗，但好多香草都過唔到夏天  

夏天我會種番夏天香草，香茅、蘿勒、紫蘇依d咁。。。要種怕熱香草就要睇經驗喇。。。
春天我都會種D百里香、迷迭香咁...但到夏天太熱時就會搬入睡房同我一齊晾冷氣，我棵迷迭香就係咁。夏天住冷氣房，冬天拎出黎曬太陽，終於我唔洗不停種死喇...

回覆  寧望月  春播還早...今年的新年據說寒冷得很...最快該3月頭呢！一定要找野保鮮保濕種....才可即時

春天季節主濕，所以我覺得保濕係其次，早春要防既係倒春寒，即忽然有幾日冷風到，凍一凍果種。
另外，春天濕而溫暖，昆虫開始變多，各種菌亦容易生存。每年春天，我個假天台要做既係盡量通風，唔係呢。。。就會生到一盆 一盆菇菇出黎。。。

而且昆虫開始多，亦要留意防虫。