忍耐 ~ 是積極還是消極

尋日比人激到燌火 ~ 一輪理論後, 我發覺大家既思維方向不同, 我決定最後作出讓步 ~ 忍一時, 風平浪靜, 但吃下一隻大死貓後心裡戚戚然
今日就思考著, 我忍, 係想件事有個停頓點, 請彼此有時間去想出解決方案, 我覺得是積極做法, 然後改良, 再前進
但有局外人卻同我講, 你忍下去, 很消極, 只會平靜一時, 往後都不會風平浪靜 ~
惘然...... 忍耐 ~ 是積極還是消極既做法

唔忍的話，會做乜？　
有無其他方法?

沉默不代表忍，出聲不代表決戰，仲有無option?

十分不認同這插畫．個人認為：表達意見可以有不同方法，效果也不一定是積時性．

討論不等於抗爭決戰~  這是我平常的想法, 如果對方不接受討論, 那只好用其他方法, e.g. 用時間, email, 電話message, what's app, 故事, 關心, ...  攺變自己想法... 好多方法. 總之要令自己要開心囉~~~

Karine 發表於 2011-12-14 14:58
係思維不相同既問題同有利益衝突時, 又或者一定要解決一件事既時間, 只有一方妥協係解決方法,

花時間去 ...

我都是這個想法~  同事和與上司之間的討論, 我們都公開和直接, 一向意為這是正常的溝通, 最近才知這是行業上的特質, 原來平常好多office 和朋友圈裡, 好多人唔接受直接討論這事, 認為是"拗" 或唔俾面的紛爭.

Karine 發表於 2011-12-14 15:34
我認為應該响對方未受到傷害前縮手 ~ 因為怕刀插得太應大動脈會血流成河, 淚留披面~ 雖然認為自己理據正 ...

不同人的對待和溝通方式不同, 正如你之前說過, 關係較密切的人, 我會俾時間去攺善溝通.

忍耐是消極, 某程度上我認同的, "忍", 即是不攺變對方看法, 也不攺變自己想法, 所以才有啞忍, 死忍... 等等負面做法, 對自己身心構成負面影響, 久而久之, 就會出現心裡怨言不能明言, 心病, 甚至生病...  

不和對方直接討論, 不等於忍, 可以攺變自己想法, 化沉靜做其他的解決方法. 或用另一個方式溝通, 讓對方明白自己出於善意....

當然, 人際溝通, 話易唔易, 終生學習, 我都係學緊.... 有時仲要重新學習添~

如果工作上無可避免要俾人鬧, 我忍氣吞聲, 呢個叫食晒d 負能量落肚, 好傷身架, 所以我會把"鬧人聲音"當作空氣咁, 左耳入右耳出, 我誠意十足的回應好似電話錄音咁, 播完又播, 鬧人者鍾意就會收聲, 唔鍾意就繼續鬧, 鬧到佢夠就會停架啦~  反正都係做份工, 搵份糧, 替人消災, 功德無量, 放工之後, 又一條水母~~~ 哈哈哈~~~~

究意彼此之間，溝通出咗咩問題？
大家堅持嘅觀點在哪裏？可否洽商達共識？

如果我呢。。。。第一時間我想諗點解佢會咁諗 ，會將自己放係佢位置感覺下佢既感受。
首先放低自己，認同佢感受，再係佢立場諗 下遇到個我咁既人，要點對付。
跟住會教佢點對付我，而個結果係我想見到既。。。。係佢立場感受諗 出點對付我。。。佢應該比較容易接受掛。。。

又或者。。。將自己變成對方，感受點解佢會有咁反應呢。。。
跟住。。。針對佢既需要盡量改變一d事物或環境或方案，令佢自然接受。。。

如果感覺到佢真係無理取鬧，只係被自己情緒操控，跟本失去理智。。。。咁。咪犧牲下，比佢發洩下囉。。。
我會對佢寄予無限同情，因為佢己被情緒操控，己經唔屬於佢自己。。。佢都好慘架。。。

會吳會尋日大家都火緊, 今日既想法又吳同左呢???可能佢今日已經好後悔尋日要你食左隻大死貓呢, 會吳會大家可以搵個機會係心平氣和既情況下再討論呢, 尋求共識對往後合作好緊要噃....

事情原來係錦呀....錦又吳係錦講啦.....之前講果d抺左佢...呢d人...學吳到野, 瀉膊, 一世都係錦無出色....有得佢, 受教既吳會錦既態度, 吳受教既就不如留番啖氣暖下肚好過啦!!!

大家意見有分歧, 各人都認為自己是對的, 應該大家停下來.  這情況不是忍, 是停戰.

有時想通了, 自己一直堅持的, 可能不是百份百正確的.

我會睇那人係乜野人先,如果明知點同佢講,佢都塞c上腦,我會忍佢,因為點同佢講,佢都唔會明.

Reply Karine  "~ 我個人成日比人話認真過龍, 投入易, 抽身難 ~ "

所以建議你攺變心態囉～

其實我唔係太搵得到忍耐是美德o既出處.......
我覺得忍o既意思唔係比人踩到上心口都唔出聲,只係叫人唔好衝動,因為一時意氣會做出好多不理智的決定而影響大局而已~~~

Karine 發表於 2011-12-15 14:41
你好細心噃, 的確, 這不是美德, 只係中國人善於忍耐而已, 謝謝細心聆聽及更正

遇著事故, 開個話題探討下 ...

不過都唔係非黑即白o既
真係好睇情況,大原則係如果大家只係立場唔同,我會尋求一個大家可接受的中間點
如果有人存心攪事,當然就要計下正面嘈會有咩後果,唔即時嘈,又有無其他辦法?
如唔o係正面反擊/應,可唔可以o係背面插佢一o野?<--盡量唔好學,哈哈~
又係咪可以唔理佢,因為有人擺明想挑起火頭?嘈就中計?
太多計算啦~

所以當有咁多計算,做人會好辛苦(除非你好enjoy權謀),我估先會有忍呢讓o野出現,因為你一忍,可能乜都唔駛計,無事發生了,就海闊天空了~
與其叫忍咁負面,我覺得叫唔好意氣用事較為正面o的
正如o係街有個傻佬走來講粗口鬧我,我都唔順o架,唔通同佢嘈咩,咁咪唯有忍o左佢,咁lor,哈哈~

對呢d人...講多幾次發現佢唔受教既, 唔聽人講既, 我唔會再同佢講, 費事勞氣
唯有係佢出事時比上面知道要上面要求佢咁咁咁做
但我之前會同個上司溝通左先話提左佢<- 我唔覺咁係插, 只係我解決唔到個問題想請多個人諗下可以點做
咁到佢出事比人知時佢無藉口話你無提佢, 或你無幫佢做