大家有無D咩插花心得的?

我有時都會買D花係公司插, 有D會開得唔錯, 有D根本唔開的...

問花店老板, 佢就話日日換水(100%換新水), 用水噴下D花...每次換水都要剪少少花腳.

但其實我又唔覺得真係好WORK, 請問你地有咩見議呀?

每種花都有唔同處理方法喎~
如小康乃馨(細丁)就要將細到見唔到花色嘅冧摘除,花冧 切忌 濕水/噴水 !!!!
花瓶注 2cm水就足夠, 每日要換新水,同時要剪去浸水部分的花腳 ; 天熱就要加入微量漂白水, 作殺菌用途...
插百合花前用水淋濕花莖及花冧, 花瓶注高水位, 可2-3日換新水, 剪少少腳 ; 放冷氣空間, 百合要間中噴少少水作補濕 !
插玫瑰花前,先用水浸20分鐘(係全枝花浸入水中) 切口剪斜腳或輕拍扁枝腳(助吸水), 花瓶注高水位,每日要換新水, 剪少少腳 。
太陽菊忌噴水，首天花瓶注高水位,勿剪去硬花腳位（冇硬花腳的爛得最快）第２天將水降至2cm水高便可, 同時加入微量漂白水(落得多會傷花的)
總的說，有花粉嘅花, 忌濕水/噴水 , 因會發莓

Monk's 兄 我係敗家精 緊係買咗 N 咁多花花啦
你學我買咁多花返屋企插實識架

據我所知除了花本身是否新鮮之外，另一個插花持久的因素是溫度。
15-25度是比較耐放的。
15度以下，很多插花都唔會開。如果買到「雪條」，即放過入雪櫃的，多數唔再開。
如果喺玫瑰同菊花，多花瓣的，被人摘去外面的老瓣，扮新鮮的，也多數好快凋謝。

其它技術性的保持插花持久度，都基於花是否新鮮和擺放位置溫度影響。

適少少 發表於 2011-12-9 21:56
每種花都有唔同處理方法喎~
如小康乃馨(細丁)就要將細到見唔到花色嘅冧摘除,花冧 切忌 濕水/噴水 !!!!
花瓶 ...

請問玫瑰要噴係花度嗎?

近期買既玫瑰都唔係好開花, 唔知咪唔應該噴水係花度, 但之前插過一次百合, 噴左水, 好似開得幾好喎, 插左成兩個星期呀!

八王爺 發表於 2011-12-10 02:37
據我所知除了花本身是否新鮮之外，另一個插花持久的因素是溫度。
15-25度是比較耐放的。
15度以下，很多插 ...

請問你知道點分邊d係雪櫃? 邊d係比整走曬外面既花瓣扮新解呀?

我懷我都有中呢d招

串串心 發表於 2011-12-11 06:16
請問你知道點分邊d係雪櫃? 邊d係比整走曬外面既花瓣扮新解呀?

我懷我都有中呢d招 ...

咁就要靠經驗同跟間花鋪熟唔熟咯。

如果成日同相同的花店買花，你每日會知道佢乜嘢花喺新返，乜嘢喺舊貨。
另外，同間花店熟咗，佢唔會點啲熟客嘅。

有啲高級啲嘅花店，是有專擺花嘅展示櫃，好似個大雪櫃咁，
不過，門是透明看到裏面的花，一般會貴少少，但雪櫃裏的花是合適溫度擺放，所以持久新鮮啲。
一般花鋪無哩個櫃，啲花喺鋪面受外界環境影响，真喺唔襟放。

基本上依家天氣好，插乜都ok。但夏天就要揀花插喇。
玫瑰唔開只有一個原因，就曾經喺長時間缺水，一定要成枝花莖浸在水裏24小時，
等佢吸足水咯，如果咁都唔開冇計咯。

串串心 發表於 2011-12-11 13:14
請問玫瑰要噴係花度嗎?

近期買既玫瑰都唔係好開花, 唔知咪唔應該噴水係花度, 但之前插過一次百合, 噴左 ...

大多數玫瑰因來價高, 銷量少, 導致變成舊貨, 所以到你買時已過晒開花期  
若好彩買到新貨, 第1時間將玫瑰花(花連莖)全浸入水中20分鐘, 後取出將花腳輕輕拍扁助吸水,（玫瑰花是可以噴水係花度）。
新貨以我的方法插, 一定能插上7日以上, 夏天可插上5 日。
我試過插上12日;當然有下點功夫呢
點分別新貨？用手輕按玫瑰花，感到實手的，應是新鮮的；鬆弛的已缺水，大多店員都不會讓你按玫瑰花的，你Ｅ＋明點解啦！
買５枝有２枝鬆的我係可以接受，不管怎樣，人家做生意都要生存空間
百合花最易插得靚的，只要足水就可！