請問如何救他

他被遺棄, 請問各位要點樣救佢? 我從未種過蘭花. 謝謝.

佢唔似有病喎..

睇落正常喎, 有新生葉, 根又生長, 只係舊葉相頭差D姐, 最好拆盆睇真DD根再決定啦, 順手換埋植料, 等待下年吧

問題唔大，只不過有少少缺水，重新種過就得。

多謝各位意見.

1. 之前見到 taxitang post 咗用榨乾了浸透的水苔, 我係唔係可以照咁做?
2. 咁之後幾耐淋一次水? 係唔係淋到盆底有水出為止?
3. 要唔要剪咗d爛葉?
4. 換咗植料之後, 幾耐落一次肥?
謝謝.

summerina 發表於 2011-11-6 01:01
多謝各位意見.

1. 之前見到 taxitang post 咗用榨乾了浸透的水苔, 我係唔係可以照咁做?

唔好意思，希望唔好怪我直接。
1，不知大大會用什麼盆栽種？如果是現在相片內的盆，恕小弟不能給意見，因為小弟未試過，而且好多大大曾經說過，這種盆是不適合栽種氣根的蘭花。
      置於植料方面，個人認為如果是露天的話，用蘭石比較好，唔會因夏天雨季太濕積水爛根。當然一定要遮光，全曬對蝴蝶蘭構成危害。
      相反，如有遮光擋雨的話，用水苔都唔錯，但為免麻煩，要用隻靚水苔，千萬唔好用10元一大包那隻，浸水搾光，重覆幾次。
2，大部份蘭花都係唔乾唔淋，當然亦有好多例外，以蝴蝶蘭來說，都是乾了才淋水比較穩陣，淋了淋透，除了有水在盆底出之外，隔幾分鐘再淋多次，才是淋透，當然要
     通風的地方。
3，d葉雖然肉酸，但如果沒變水積狀，只不過是皺的話，大可不剪。
4，生定先，有新根長出，或新葉生長的時候都未遲，隨時虛不受補。

總結：成株浸濕，清理水苔，枯根、爛根都唔要，如果靚根唔多就留鐵線根定位，睇落還有很多靚根，應該問題不大，如果現在處理得好，而睇落株植都幾大棵，隨時在12月出花芽，明年4、5月有花開。祝早日開花。

LIYAR 發表於 2011-11-9 22:37
高手啊！吾错！

過獎、唔敢當，這些資料只不過是養蘭的基本知識，我只不過重新寫一次。

多謝各位的留言!

參考taxitang 的建議, 我已經換咗盆同埋水苔. 希望佢早日開花!
可唔可以推介邊隻花肥好用? 謝謝!

summerina 發表於 2011-12-7 22:39
多謝各位的留言!

參考taxitang 的建議, 我已經換咗盆同埋水苔. 希望佢早日開花!

大大現在才處理，風險增大了很多，應當小心d，蝴蝶蘭比較怕凍，溫度低就唔好淋水，由現在開始，蝴蝶蘭是唔會長根生葉的，只會有機會長花梗，要等到明年清明前後才會在中央長葉、莖部生根，很多人栽種蝴蝶蘭失敗都是過唔到冬天，小心。
看似水苔壓得唔夠實，如果用深盆最好盆底加d發泡膠，水苔就可以唔駛咁多，d根就唔駛濕太耐，不過好似冇一兩條靚根，千祈唔好掛住落肥，一來冇根、二來冬天唔駛落肥，但如果大大真的是新手，應該有心理準備，想當年我都失敗很多次，而且冇人提點，從失敗思考，吸收多d經歷，下次除非必要，否則最好唔好在冬天處理蘭花，應該一早處理。

taxitang 發表於 2011-12-7 23:32
大大現在才處理，風險增大了很多，應當小心d，蝴蝶蘭比較怕凍，溫度低就唔好淋水，由現在開始，蝴蝶蘭是 ...

我係上個月26號換盆, 因為最近比較忙, 所以今日先upload 相. 多謝提醒!

用石春代替發泡膠可以嗎? 我聽日會加返d水苔. 希望佢過到今個冬天....

我投先發現中間細葉有d紅色, 係唔係有事?  

幾好;看起來有生機

summerina 發表於 2011-12-7 23:47
我係上個月26號換盆, 因為最近比較忙, 所以今日先upload 相. 多謝提醒!

用石春代替發泡膠可以嗎? 我聽 ...

石春都冇問題，如果用發泡膠的話，當盆內乾透，拎上手會感覺很輕，就知道要淋水了，中間新的紅色是色素，亦代表大大這盆花是會開出紅色或比較有色的花，並不會是白花

summerina 發表於 2011-12-7 23:47
我係上個月26號換盆, 因為最近比較忙, 所以今日先upload 相. 多謝提醒!

用石春代替發泡膠可以嗎? 我聽 ...

剛剛回到家裡，用電腦看清楚了，大大中間那塊葉應該有問題了，好大機會已經凍傷了，天氣凍，淋水中間，同時冇根，大大嘗試用手搖下中間塊葉，好可能連接莖部位置比較軟，遲d還會甩掉。
大大轉盆那時，中間那塊葉還未有問題，轉盆後天氣轉凍，對株植最傷，如果現在是春天還有把握，但現在是冬天，需要有經驗的人，特別處理才可救回。
幫大大唔到、敬請原諒。

weewee 發表於 2011-12-8 12:14
幾好;看起來有生機

表面看來冇問題，但看到有問題的時候，都算嚴重了！

taxitang 發表於 2011-12-8 23:11
剛剛回到家裡，用電腦看清楚了，大大中間那塊葉應該有問題了，好大機會已經凍傷了，天氣凍，淋水中間，同 ...

多謝意見, 得益不少!
我會努力照顧這蘭花.

加油努力

有生機, 好似多咗粒芽仔出根!

新根至啱

avery 發表於 2011-12-27 17:24
新根至啱

多謝你!

一直都好驚整死咗佢

而家佢唔洗開花, 生條根我都好開心

summerina 發表於 2011-12-28 21:45
多謝你!

一直都好驚整死咗佢  

恭喜恭喜。