後事如何安排

咁攪笑既呢個帖，成個月前又在無人覆既情況下推左上唻。

以前細個時唔怕死好愛刺激，但人老左又怕死又唔嚇得，哈哈

不過，大帝，你講得岩，老左，死唔去，周身病，食不知味，世物索然無味，的確係折磨多於樂趣。

人生每個段落都有樂趣點，後事安排如假設已安排好的話，我亦有興趣想想臨死前既人係「回味著」還是「後悔著」。

這可反映性格喎~

Karine 發表於 2011-11-22 21:56
咁攪笑既呢個帖，成個月前又在無人覆既情況下推左上唻。

以前細個時唔怕死好愛刺激，但人老左又怕死又唔嚇 ...

其實唔係成個月冇人覆推上嚟.  哩個係投票帖, 如果其間有人投票, 就會推高咗, 我都係見個帖上咗嚟才入嚟睇, 順便點評一下

我希望可以拿自己去堆肥回收, 但種左野出來子孫唔肯食又係哂左 -_-

ernestng 發表於 2011-11-23 09:20
我希望可以拿自己去堆肥回收, 但種左野出來子孫唔肯食又係哂左 -_-

今天而言, 堆肥始終難過心理果關

可能將來人類的想法會變啦

比得大帝 發表於 2011-11-23 09:36
今天而言, 堆肥始終難過心理果關

可能將來人類的想法會變啦

的確係咁, 我話在家種菜,  堆肥, 做皂, 公司人當我妖怪...

ernestng 發表於 2011-11-23 09:20
我希望可以拿自己去堆肥回收, 但種左野出來子孫唔肯食又係哂左 -_-

我接受唔到做堆肥, 同就咁埋左條屍會觸犯法例架

Karine 發表於 2011-11-23 09:57
我接受唔到做堆肥, 同就咁埋左條屍會觸犯法例架

可能第日係合法的:S
其實燒左都可以堆肥, 只係燒個時太多CO2

ernestng 發表於 2011-11-23 10:01
可能第日係合法的:S
其實燒左都可以堆肥, 只係燒個時太多CO2

火化燒左基本上無咩用, 一把石灰只可殺死小量細菌,

不合理埋葬屍體我個人覺得好難合法化, 人生人死不是平常時, 生死註冊處要登記, 不過我唸黑社會可能會覺得好方便, 仲大條道理為環保殺人, ha　ha

同埋傳染病都係一個好大問題架, 世衛總幹事陳馮富珍都不敢鬆懈啦, 堆肥時間真係有好多好多細菌架, 如果有傳染病人不確定死因後攞去堆肥就大鑊囉, 你見嗰 d 西班牙青瓜都係因為受細菌感染食壞人, 之前美國蕃茄都係於種植過程受細菌感染架嘛

仲有人體太大件, 堆肥等化時間太長, 效益未如你想像般大

中國人, 傳統禮儀小不了, 或者移民囉, 有些地方可以以回歸自然既方式去進行葬禮既, 例如 ~ 天葬

sorry , 我一早唸得太多野囉, 所以我都係唔想死住

任何形式土葬, 都會益植物, 植物又會益咗小動物, 小動物又會益咗大動物, 大動物死後又益咗植物.....

天葬只係益咗大鷹, 太多天葬, 大鷹都唔使去捉小動物, 小動物太多, 可能食哂d草, 甚到農作物.  所以天葬係唔應該廣泛推行嘅.

ernestng 發表於 2011-11-23 10:01
可能第日係合法的:S
其實燒左都可以堆肥, 只係燒個時太多CO2

推肥一類方法合法的話仲有個問題，就係殺左人容易左處理屍體......
而家發現到屍體都知係有可疑的，但推肥，天葬，海果葬果類合法的話，殺左人就咁埋左你都唔知佢係咪俾人謀殺的......

我在享受著人生，才不用回味！
活在當下，比將來回味更有益！

lok_1980 發表於 2011-11-23 15:28
推肥一類方法合法的話仲有個問題，就係殺左人容易左處理屍體......
而家發現到屍體都知係有可疑的，但推 ...

如果有朝一日真的堆肥合法了, 都只會由政府或團體統一處理, 點會由個人自已搞定?
不過要等人們的觀念改變才行

睇 到依個貼。。又想起前排媽咪晨咁早就打電話黎問我。。。
佢死左我會點處理佢，我都O嘴...又唔係得我一個仔女...仲有兩個仔同佢住緊嘛...

我問佢:[你想我點處理你丫?]
媽︰[千期唔好撒落海，會好凍架。]
我心諗{你都死左喇..無衫著唔凍咩?}
我︰[怕凍咪火葬囉...你事前無講定，我就會打算火葬，依家多數人都係咁。]
媽︰[我想入土為安，人地成日講入土為安架。]
我︰[媽...生人都無地方住呀...我邊度搵塊地比你呀?一係咁..你依家搵定塊地，到時我咪照你意思攪囉。]
我︰[再唔係....我用個花盆埋左你落去喇...]
之後一段時間...我同媽咪不停笑...笑到講唔到野...

我媽咪份人，火燭鬼....想起就做...
唔係果種有計劃既人，當然無話預自己骨灰位...加上新聞時時都有不合法骨灰位..
佢就唔敢亂黎...
到最後我只能對佢保證...一定有人裝香比佢。就算到時候無能力搵骨灰位比佢，都會帶佢番屋企，日日裝香比佢...
咁佢先話安落曬....因為佢信唔過同住既兩個仔，話佢地一定唔會裝香比佢喎...
向佢拍左依下心口....唉...又記多一筆賬....

咁多個仔女...每個人心思不同...d仔多數無野，因為佢地根本唔想理..
但到時可能要同我細妹爭話事權....

cklife 發表於 2011-12-9 09:49
我媽咪份人，火燭鬼....想起就做...
唔係果種有計劃既人，當然無話預自己骨灰位...加上新聞時時都有不合法 ...

我覺得對老人家的後事, 可以乜都答應, 佢已經活了一世, 也不應要他担心到最後一口氣.

去咗囉, 大可按實際情況, 按自己的能力處理.

我老豆好怕燒, 想土葬, 我沒有反對他, 但我的兄弟姊妹一定要說服他, 要他答應火燒

雖然我們大家都同意是火葬, 不同的是

我想他去得安心, 由我負上不義之名

他們是要他去得不安心, 自己可以免卻不義之名

比得大帝 發表於 2011-11-23 11:27
任何形式土葬, 都會益植物, 植物又會益咗小動物, 小動物又會益咗大動物, 大動物死後又益咗植物.....

天葬 ...

回覆︰比得大帝  做人要拎得起, 放得低. 唔好死都唔捨得個臭皮囊.

就係好多人都放唔抵嘛.....我好讚成我老公講既一句，人在生時你對佢好D，好過佢死後攪咁多野...人都死左，都無知覺囉...

cklife 發表於 2011-12-9 11:52
回覆︰比得大帝  做人要拎得起, 放得低. 唔好死都唔捨得個臭皮囊.

就係好多人都放唔抵嘛.....我好讚成 ...

Exactly.

生前對佢好D, 死很唔洗搞咁多嘢都可以心安理得.

唔要撒骨灰, 大風一吹, 唔知會吹左去邊........流落異地, 好驚架~

最環保就是天葬了。