私營骨灰龕的問題

香港政府批准[合資格]的私人骨灰龕場, 現在的骨灰龕位由幾萬至幾十萬一個, 骨灰龕場的位是有限的, 一定有一天賣清, 你是否認為付出的, say 10萬元, 骨灰龕場是否會永久給你安放骨灰龕位?  

雖然賣骨灰龕位的利潤是天文數字, 但如果一個骨灰龕場位已賣完, 可以說再沒有收入, 經營者是否會無了期掏腰包, 請工人, 交地租差餉, 支付祭品...的費用?  如果係, 佢終有一日蝕俾你.

會不會賣完位, 收完錢, 適當時候就玩清盤呢?

如果私人骨灰龕場清咗盤, 會發生甚事?  
骨灰龕場及所骨灰龕位充公, 拍賣?  當日[賣]咗位的, 是不是業主?  
如果係, 該骨灰龕場久政府的錢, 或貨款, 工資, 業主應否負責?  即係要不要上身?

如果骨灰龕場的地約屆滿, 是否要向政府補地價?
如果要, 是否每個龕位的業主都要分擔?
如果不用, 而是由龕場公司獨力主付?  佢會唔會啋你, 點解唔玩清盤?
如果由各小業主負責, 而某小業主後人已下落不明, 龕場公司有沒有權收了有關龕位重賣?

--------------------
另一方面的問題:

如果你將你的父母供奉於骨灰龕, 你相信當你也離世後, 你的子女會去繼續去拜察你的父母嗎?  或者會, 那麼你的孫子孫女會去拜察你的父母嗎?  我可以答你一定不會囉.

那麼你有沒有想在沒有須要在你生前處理你供奉父母的骨位龕位呢?
趁你死前把骨位龕位賣掉?  一定是一筆豐厚利潤.
你唔賣, 你估你個仔會唔會賣呢?
你個仔都唔賣, 可能你個孫都唔記得有呢樣嘢, 冇人理, 最終益咗邊個呢?  幾十萬喎.  


----------------------

其實私人骨灰龕場係有好好問題未解決.  政府係唔應該批准私人骨灰龕場存在.

所以我會留言叫跟手尾嗰個幫我安排火化, 骨灰就撒係火葬場個公園, 出海都費事~
其實, 何必要跟手尾嗰個咁麻煩呢, 人都唔響度, 您做乜我都唔知, 就算知又如何呢?
不如活在當下, 及放下吧喇~

多謝少少

我都同父母講過，你地預咗無錢買果啲窿，就唔好介意我點處理啲「遺物」。

唉，時移世易。現在的人，父母在生都不理，還能指望她/他們在父母死後會去拜祭？有錢都自己用來吃喝玩樂了。用幾十萬會個位也不合理。死後骨灰埋在樹腳就算了。能在家裡安個神位已屬奢望。那些開骨場的就是想趁現在能賺就賺。以後的事誰去管呢。我見很多五、六十後的都沒有這個概念。買骨位的很多都是自己買給自己。真可悲。

claudiatang 發表於 2011-10-17 17:38
唉，時移世易。現在的人，父母在生都不理，還能指望她/他們在父母死後會去拜祭？有錢都自己用來吃喝玩樂了 ...

買骨位的很多都是自己買給自己。真可悲

其實買個骨灰龕位俾自己, 係一廂情願的想法

你想自己死後有人拜你啫, 佢哋想唔想拜你呢?  或者佢地想點拜你呢?

你死後, 佢地會唔會睇到有幾十萬而賣咗你的最後歸宿呢?

唔好諗到咁老定呀?

你們都提咗好多正面意見

不過都好想聽吓你地對目前骨灰龕的問題點睇.

算啦,人死如燈滅,要表達孝心應該o係生前做多o的o野,而唔係死後每年拜幾次來表達~
攪咁多o野做乜鬼,o的灰埋落地種果樹,後人每次收成時都會自己來,
再唔係埋落海,有米o的o既send就去外國做鑽石,整人造coral放返落海促進海底生態.
我成日都唔明o既係生前又唔係道教,點解死後o既儀式係道教?

owlcyr 發表於 2011-10-17 17:48
算啦,人死如燈滅,要表達孝心應該o係生前做多o的o野,而唔係死後每年拜幾次來表達~
攪咁多o野做乜鬼,o的灰埋 ...

我成日都唔明o既係生前又唔係道教,點解死後o既儀式係道教?

好多拜察嘅嘢都好難明

又話某人係好人, 或者幫佢[疏通]咗, 會投胎轉世, 甚致話升咗做神仙.  咁年年燒咁多嘢俾佢做乜呀?

買碟蝦餃燒落去要成卄蚊, 重貴過真蝦餃, 點解唔燒碟真嘢

買個大宅燒落去才幾百元, 點解還買咁多平價嘢, 燒多幾個大宅落去俾佢做地主啦.

比得大帝 發表於 2011-10-17 17:47
你們都提咗好多正面意見

不過都好想聽吓你地對目前骨灰龕的問題點睇.

首領, 其實您已經點出晒所有弊端喇~
我覺得依家係時候教育吓啲人, 要個位做乜, 應左個句死人霸生地~
人口老化, 如大家都要人死留位, 咁就一定要搬去火星先得嘞~
買私位真係信唔過, 公家都要您起骨喇, 遲多幾十年, 政府可能順應民意, 收地做住宅, 到時您啲手尾無人理, 重惨~

Sylvia 發表於 2011-10-17 16:44
所以我會留言叫跟手尾嗰個幫我安排火化, 骨灰就撒係火葬場個公園, 出海都費事~
其實, 何必要跟手尾嗰個咁麻 ...

贊成,日後我都會係咁安排,骨灰撒在花園內起碼可作肥料,花花都靚o的!

等我出個主題, 調查吓哩度有幾多人會要求後人代為火葬及撒骨灰

講真我地受西方教育，同老人員想法好唔同，佢地好重視哩啲嘢。
我外婆就喺放咗幾百萬俾我，佢九十幾，隨時走，佢話走咗就叫我用哩啲錢幫佢埋單。
佢連我阿媽，佢個女都信唔過，信我喎！我一個大花筒幫佢洗鬼哂，佢埋咗單都唔知我有無幫佢搵個靚位。
大陸人都係，乜宗教都無，但死後儀式不能少。

八王爺 發表於 2011-10-17 22:33
講真我地受西方教育，同老人員想法好唔同，佢地好重視哩啲嘢。
我外婆就喺放咗幾百萬俾我，佢九十幾，隨時 ...

你外婆唔係唔信佢個女, 係相信你會比你阿媽更慬得安排啫.  所以俾錢你囉.  係唔係?

我相信佢亦唔係話要用哂幾百萬辦理身後事, 佢係作遺產俾你啫.  錫你嘛?

大陸人唔係乜宗教都冇.  最少都有天主教吖.  

大陸人的後事一般都比香港簡單, 一來窮, 二來後人冇咁有孝心, 三來不可以土葬.  超有錢的當然除外啦.  

比得大帝 發表於 2011-10-18 03:48
你外婆唔係唔信佢個女, 係相信你會比你阿媽更慬得安排啫.  所以俾錢你囉.  係唔係?

我相信佢亦唔係話要 ...

我冧佢驚俾個女，鄉下啲人話佢錯咯！佢又得一粒女，佢都好難做。

大陸無錢無得講，有錢果啲真喺乜都做得出。
姨媽的後現代生活，同非誠勿擾都有講，大陸人買墓地是很瘋的。

比得大帝 發表於 2011-10-17 18:07
我成日都唔明o既係生前又唔係道教,點解死後o既儀式係道教?

好多拜察嘅嘢都好難明

呢d係死者親人做比其他親戚朋友睇 , 証明佢地善待死者.  唔想比人說長話短 , 雖然浪費金錢, 但係可以塞住d三姑六婆把口囉

doko 發表於 2011-10-18 12:53
呢d係死者親人做比其他親戚朋友睇 , 証明佢地善待死者.  唔想比人說長話短 , 雖然浪費金錢, 但係可以 ...

為三姑六婆而生活, 有需要嗎?

比得大帝 發表於 2011-10-17 18:07
我成日都唔明o既係生前又唔係道教,點解死後o既儀式係道教?

好多拜察嘅嘢都好難明

我覺得燒o野,歌舞表演都係做比在世果o的人睇的.

比得大帝 發表於 2011-10-18 07:06
為三姑六婆而生活, 有需要嗎?

咁放先人灰在石屎窿裏，花幾萬至幾拾萬，都喺俾活人睇。
所以商人要賺錢，都要啲巿民夠笨，又有錢，佢地先有得撈。

八王爺 發表於 2011-10-18 16:18
咁放先人灰在石屎窿裏，花幾萬至幾拾萬，都喺俾活人睇。
所以商人要賺錢，都要啲巿民夠笨，又有錢，佢地 ...

係呀, 其實哩D都係搵死人錢, 冇好死咖.

我細果時聽大人講, 做殯儀的人死得好辛苦咖.  所以佢哋要做好多善事, 積陰德喎.