絕育唔單係用來減低貓貓劃分/霸佔地盤的行為，仲可以用來減低甚至排除貓貓出現男性/女性病，另外主要目的係控制生育。
多貓及放養貓家庭的貓貓更加需要做絕育，貓仔發情會出現用味道霸佔地盤，多過一貓霸佔地盤時會大打出手(真係會打出傷打出血o嫁)，而家中只有貓仔的話，會搵機會走出去搵貓女，攪出貓命，而且佢地發情唔係攪完一隻就停，而係盡量播種，到時就變為貓患了。
我接過一隻早熟的貓女5個月大小豆釘般小身子就發情了，hkcats、群貓會之類貓會中亦見唔少未足1歲小貓女在街外被攪大肚，佢地自己在街上流浪都未必有溫飽，皮包骨都大住個肚，仲要冒住唔一定順產的風險(仲要一胎未必只有一隻)，生得出都未必夠奶水養大貓B，而養大了就又出現一批貓貓"投入生產"了，這可以係幾何級的生產，係個大問題來的，貓主有責任去控制這個情況(最少唔係由自家貓引起)。
唔少人就係由得自家貓唔絕育，放養的就四圍播種變為唔止一個社區甚至波及鄰近社區的貓患；家中養的貓b出世，好心o既就搵人領養，冇人要自己又養唔起就講得好聽話拎去放生，其實將貓b掉出就即係"放死"。
一樣米養百樣人，總有討厭貓甚至唔見得貓好、唔見得貓存在的衰人/變態，動物協會、各貓會及獨立義工資源地方有限，做得到o既事有限，救得到的貓只有少數，要令貓貓可以仍安然生活在社區街上而唔令佢地變為令人困擾的貓患，令當區居民可與"社區貓"共存而唔係要貓貓從該區消失，貓主好應該負起自己應負的責任，兌現一生一世的承諾及為自家貓貓絕育。
(以上言論若有冒犯，本人在此致歉。) |
顯身卡
