唔通換左軍師

唔通換左軍師, 叻左甘多. 原來加分唔難, 但唔知係咪加比佢老婆.

1. 唐英年承認過去感情有缺失
http://hk.news.yahoo.com/唐英年承認過去感情有缺失-080114987.html
正考慮參選特首的前政務司長唐英年承認個人感情上曾有缺失，幸得太太原諒。

唐英年透過公關公司發表聲明，全文如下﹕

就傳媒今天對一項周刋報道的查詢，唐英年先生及唐太太有下列回應：

唐英年：我過去在個人感情上曾經有過缺失，我深感悔疚。我非常感激太太對我的諒解，並且原諒了我；特別在我人生重要的階段，全力支持我，並鼓勵我。如今我們的感情很好，我肯定她是我的終生伴侶。多謝大家關心。

唐太太郭妤淺女士：我九歲認識我丈夫。結婚以來，確實有過艱難的時刻。他不是沒有缺點，但是我更欣賞他的優點。我內心肯定，他是我最佳的人生伴侶。我兩人更加珍惜共同度過的歲月，珍惜我們互相扶持之下共建的家。我們在私人感情問題上早已決心不再往後看，相信大家會體諒。謝謝。

2. 多名議員認同唐英年坦承感情缺失
http://hk.news.yahoo.com/多名議員認同唐英年坦承感情缺失-081800680.html
多位立法會議員回應指唐英年有緋聞的報導。自由黨主席劉健儀指，人誰無過，最重要是坦白承認過失，並向家人交待，外界應給予機會，工聯會的黃國健說，坦白總比不坦白好，唐英年獲家人原諒，目前剩下公眾的看法，他相信選舉委員會不會因一件事件而影響取態。
詹培忠指，緋聞是過去式，無損害他人利益。公民黨議員梁家傑認為，唐英年有勇氣承認情上有過缺失，但是無論市民對唐英年的婚外情有何看法，都不反映在一千二百名選委的決定。

3. 詹培忠：選特首不是選聖人
http://hk.news.yahoo.com/詹培忠-選特首不是選聖人-085119268.html
立法會議員詹培忠就唐英年的緋聞表示，選委會將來是要選出行政長官，並非選聖人。

詹培忠指出，既然報道指唐英年太太已知悉事件並已原諒丈夫，事件已完滿解決，緋聞已成過去。

所以話，政客唔單只政綱重要，私生活都好重要！
有時仲慘過做明星。

個選舉都無我份參與~ 所以對呢個遊戲無乜 feeling ~

jellyfishy 發表於 2011-10-4 10:23
個選舉都無我份參與~ 所以對呢個遊戲無乜 feeling ~

嘩..... 好有大志，努力或者有一天能參與！？

八王爺 發表於 2011-10-4 17:24
嘩..... 好有大志，努力或者有一天能參與！？

我咁懶, 無叫我努力啦~~~ 家下立會要投兩張票, 已經夠多啦~

我又無得選。關我乜樹。

唔通換左軍師, 叻左甘多.

唔係囉, 蠢過以前就真, 以為拉個老婆出嚟up幾句就可以平息事件, 睇嘢睇到咁簡單.

係好多議員讚佢甚麼有勇氣, 男人有少少缺點唔係大問題, 選特首唔係選聖人.....

你睇吓講果班係乜嘢人先吖, 都係果班保皇黨, 冇代表性咖, 可能明天曾生都出嚟讚佢, 有冇公信力先?

那邊廂果位小姐又話此事與佢無關, 又為事情加多個問號.  佢精嘅就今日出嚟一次過交待清楚, 唔好留條尾俾人追打, 你估事情搞到咁轟動, 真係幾句說話就平息到?  大選在前, 對手一定追住唔放, 自己唔出手都會駛橫手, 傳媒今日一定唔會就咁收貨, 特別係生菓報, 吉周刊.

明知自己快宣報參選, 都唔在宣報前滿足傳媒, 到佢宣報參選, 會上一定被人窮追猛打.  直接影響民望.

而且阿爺都好睇佢點樣處理私人問題, 今日阿爺都未開口話委任邊個, 唔好以為坐定粒六, 處理得唔好, 阿爺分分鐘轉軚.

你重話佢精咗, 我話佢越嚟越笨實.

自從陳X總事件後, 港人一般唔接受太太原諒哩條橋.

佢抄錯橋嘞

比得大帝 發表於 2011-10-4 23:29
唔通換左軍師, 叻左甘多.

唔係囉, 蠢過以前就真, 以為拉個老婆出嚟up幾句就可以平息事件, 睇嘢睇到咁簡單 ...

其實我覺得亞爺在垃圾論時已轉右呔,
亞爺是想搵個識執生的醒目狗, 一係7, 11 都免勉強,
野火鸋油物就.. KO

ht333147 發表於 2011-10-5 00:01
其實我覺得亞爺在垃圾論時已轉右呔,
亞爺是想搵個識執生的醒目狗, 一係7, 11 都免勉強,
野火鸋油物就.. ...

我卻覺得亞爺在垃圾論時尚未轉呔, 佢語無論次又唔係第一次, 中央點會唔知佢係廢物.  我哋祖國一向都鐘意利廢物利用or利用廢物.

佢哩鑊包二奶, 中國政壇好忌 (雖然實際好普遍), 如果俾佢做特首, 可以話開中國先河. 第一個有包二奶案底嘅首長級, 相信哩次好影響佢的特首夢.

聰太名言: 我不介意我老公有婚外情  祇要佢做到特首

多名議員認同唐英年坦承感情缺失


哩D咪叫看風駛里囉

1. 佢唔係坦承, 係被人踢暴, 證據確鑿下, 不得不承認.  何勇氣之言.  你睇佢早前以為包得住, 記者追問, 佢有冇承認?
2. 一句感情缺失就可以將包二奶咁大件事, 放下?  議員話接受佢, 太太話原諒佢, 哩班都係利益團體, 緊係話值得原諒.  陳X聰老婆都話原諒佢咖.  利益考慮嘛.

試問梁錦松偷步買車, 唐英年有外遇, 邊單嘢嚴重?  邊單嘢對個人誠信損害大?
人哋都知誠信受損, 有負住市民嘅期望而下台?  佢還有面去參選特首?  不知廉恥.

估計記者會追問
1. 請問第三者係邊個?  是否袁莎妮?
2. 請問除咗第三者, 還有沒有第四, 第五者?
3. 請問你們甚麼時間開始? 在一起多久?
4. 你們在一起時, 你太太知不知?
5. 請問你們為何要分手? 是不是因為你太太知道了你們才分手?  是不是為了要選特首才分手? 是不是因為事件給傳媒暴光後才被迫分手?
6. 請問你還愛那位第三者嗎?
7. 請問有沒有利用行政司司長之權幫助袁莎妮獲總商會總裁一職?
8. 請問你有沒有考慮退選及辭去所有公職?

比得大帝  乜聰太名言唔係: 我不介意我老公有婚外情 祇要佢呃到二千億, 最好做埋特首

睇暈咁多個阿太
最決絕的是 阿諾舒華辛力加的名門太太啦

比得大帝 發表於 2011-10-5 17:32
我卻覺得亞爺在垃圾論時尚未轉呔, 佢語無論次又唔係第一次, 中央點會唔知佢係廢物.  我哋祖國一向都鐘意 ...

怪不得佢遲遲唔肯辭職, 原來是心中有 C , 本身都形住遲早穿煲, 果然要發生的事必會出現,
阿爺又要佢做戲做全套, 慘過遊刑.

政客唔易做，政客嘅老婆更加唔易做。