發叔泥及花肥一問

爬文看到各位前輩推薦的發叔泥
今天有到 fa bo 看看
泥是有好幾種，但不知道那一種才是發叔的
我有買三合一泥，跟在 fa bo 發叔寄賣小苗的泥比較
發叔泥真的比較疏水，所以想買些回家
各位前輩可以形容一下嗎？ (最好有相睇)

另外，想問一下泥如果開封後，有冇保存期限？點樣存放最好？
因為之前我每逢換盆植物都會死，我曾經懷疑係因為泥可能有菌

至於花肥，我想問如果是大約12-15片葉的中苗
是什麼成份比例的肥料比較合適呢？
參考了大家的分享
我想一星期落花寶平均肥 20-20-20
一星期落花寶幼苗肥 30-10-10
溝水比例是 1:2000
咁落會唔會過肥會有肥傷？
定係發叔肥會好d (但發叔好遠)
花墟都有發叔肥賣嗎？

因為之前的 green dragon 中苗落左花墟某店員推薦的開花肥
有肥傷現象，好心痛，所以想再問清楚

Thankyou~

fa bo 不會買發叔泥及花肥,只會買他們自家產品,(其實以足夠).
AV落肥要淡,一次花肥,兩次清水就至正!

FA Bo係有發叔泥賣，但無發叔花肥賣。
如果想一次過買晒，梗係去探發叔la...haha

tongtony 發表於 2011-10-2 20:26
fa bo 不會買發叔泥及花肥,只會買他們自家產品,(其實以足夠).
AV落肥要淡,一次花肥,兩次清水就至正! ...

咦？但我記得之前有D文章提到fa bo 有賣喎
定係花墟其他地方有？

我而家計劃係一星期淋兩次
一次有淡肥o既水、一次就清水
試下效果如何再算

最近做左好多功課
希望D花快D開
如果唔係，再遲下天氣凍，開花我怕對佢唔好呀

btw，十幾塊葉可以落開花肥未？會唔會有機會開花？
如果想谷花，有幾多塊葉先落開花肥最好？

為何要谷花,參加比賽,個人滿足?
順其自然吧!只要花兒成長到成熟,你唔比佢開花都唔得!
花兒生長有4 圈葉序時就差不多了,欲速則不達也!

tongtony 發表於 2011-10-2 20:47
為何要谷花,參加比賽,個人滿足?
順其自然吧!只要花兒成長到成熟,你唔比佢開花都唔得!
花兒生長有4 圈葉序時 ...

其實都唔係真係要谷花
只係有時見到D花相，覺得好似唔算好多葉都有花
因為有D花係有心人送，又有迷你型
所以唔知佢到底算幾大，算唔算成熟
我係怕盆AV已經成熟，會天凍先開花
所以問定先

因為見有花友話天凍開花會傷花
但我又唔想剪花苞 (有花但唔比佢開，我會心痛架)
所以就問下係唔係呢段時間谷花會好D囉

其實最大問題係我唔知到底AV有幾多葉先算成熟
怕落錯肥
因為我爬文上網搵左好耐
都唔見有文章寫到好清晰「成株」o既定義

Karly0706 發表於 2011-10-2 20:31
FA Bo係有發叔泥賣，但無發叔花肥賣。
如果想一次過買晒，梗係去探發叔la...haha ...

發叔太遠啦
而且我怕我入到發場
我會控制唔到自己對手
入貨入到照顧唔到，害左D苗仔就唔好啦
所以，應該都唔會去探發叔

花肥我想用花寶代替發叔出品應該OK
但泥我就真係覺得發叔泥去水好好多
又見大家話 fa bo 有得賣，近近地咪想去買囉

花寶有發泥及發肥賣的。發肥是深黃色包裝上面寫住＂美國花肥＂。肥料1：2000，對av來說太濃，最小都要1：4000

太子道西果邊近校服店有間都有發肥發泥。不過用發肥要小心，make sure要完全融解先好淋花。

raingogo 發表於 2011-10-2 20:59
其實都唔係真係要谷花
只係有時見到D花相，覺得好似唔算好多葉都有花
因為有D花係有心人送，又有迷你型

點評
kelly  夏天開花才傷，春秋是開花最好的季節！冬季也無大問題，只要不小於10度！  發表於 2 分鐘前
kelly  無論是迷你或標準，有三圈葉子以上已叫成熟。花花有根就可以落肥，無論是小苗或是成株，不過都喺果句，要夠稀。  發表於 7 分鐘前
kelly  其實av對肥要求不高，單靠重肥，佢喺唔會開花的。溫度、濕度、及光才是開花最重要因素。當植株未夠成熟去谷花，不但花形不美，亦會令佢虛弱。  發表於 14 分鐘前


Thx Kelly~
我覺得好多疑團都得到解答啦~
非常感謝！

但我仲想問，點先算花肥完全融解？
係唔係見到水入面冇一粒粒就OK？

花寶d發泥好似廿蚊包，你可以對照花寶買嘅發記小苗（數字花）用嘅泥咪知law~
三合一泥內的珠石不夠，所以不夠疏水。最好買多包5號溝三份一落去。

發泥包裝喺一個薄薄嘅透明膠袋，上面乜都冇寫，珍珠岩（不是珠石）+泥炭土混合。
肥料融曬即喺見到一樽很淺藍色的清水（發肥是藍色）。但總有小稞粒在底，建議隔去，所以用液肥較方便。

花寶買發叔泥平,定係去發叔嗰道買會平d呀

一丁 發表於 2011-10-2 21:57
花寶買發叔泥平,定係去發叔嗰道買會平d呀

我從來都未去過發叔花場,依幾日放大假,去走一轉都好喎
發叔花場詳細地址係.......
有冇邊個可以教我去呀

一丁 發表於 2011-10-2 22:25
我從來都未去過發叔花場,依幾日放大假,去走一轉都好喎
發叔花場詳細地址係.......
有冇邊個可以教我去 ...

google 一下就有架啦~   (不過我都未去過)

一丁 發表於 2011-10-2 22:25
我從來都未去過發叔花場,依幾日放大假,去走一轉都好喎
發叔花場詳細地址係.......
有冇邊個可以教我去 ...

http://hkplants.com/thread-50-1-1.html

新手資訊區有地址同電話
好似話第一次去可以打電話叫發叔唔知邊度開始帶路
同埋要注意去o既時間
因為發叔好似逢星期一會噴殺蟲水

係花墟 近油站對面(上 X)，有發叔花泥 + 黃袋紫羅蘭肥賣！當然比發叔賣得貴啲！

我覺得呢，無論發叔有幾遠，點都要搵次入去睇睇

   我今日去 fa bo 買到發叔泥啦
原來發叔泥係透明包裝、冇印任何字樣
淨係有個 bar code 上寫住紫羅蘭專用泥 (咁上下字眼)

店員同我講d泥係新返架
我係呢批第一個買
20 蚊一包，目測比三合一泥大包少少

今晚會用發泥做葉插，好期待