vivio 又開田了

第一次抽到園圃，係呢度學到好多野，又有好多好nice的網友分享，教識要買好骨粉夫粉去開田，見到有些園友真係咩都未準備，無得開田住架．

過了第一天，明白為何有網友話ｄ堂可上可不上了，星期天九點要上到田，有時都幾 ．
課程進度同要做事的進度有出入架，係有野學，但等導師教完才做會慢囉．

呢區無locker，抽籤由職員全權負責安排，無得選架．
同朋友一人一格，兩個都係上層，陽光都幾多，第一日開好田，做了個架同個網．
做好自己野，跟住係園圃度周圍八掛，ｄ園友都好好人，講左好多野我地知．

9/10，第二堂，今日人少ｄ，導師都講得開心ｄ．每人都醒左ｄ野：
九層塔軟枝，旁邊是rosemary，樽入面是辣椒葉


一個二個入樽啦，快ｄ生根呀．最矮個入面是momo分享的紫色辣椒


青椒苗


蕃茄苗


櫻挑蘿蔔發芽了


eddieOR 大大份享的向日葵


Y牌紅菜頭


Ladyfafa: 請問點解要入樽?  發表於 40 秒前
因為那些香草都是放田裡的軟枝扦插，未生根，吸不到水，加樽可以加高環境濕度，免植珠水分太快流失
亦阻擋外面的風風雨雨，隔走部份陽光，提供個較溫和的環境予以生根

個架...好pro呀

努力努力~ 呢排大雨有無影響呀??~~

嘩~你好勁呀!
個架仲好過我o個個多多聲~
一齊加油~

恭喜新帖開張呀！！！！！

恭喜妳有自己的帖子，繼續種‥種‥種‥秋冬真係對初入種「毒」行列一個好開始可以大穫全勝‥嘻嘻‥到時相信您好難停lu，像我農‧耕‧樂，無得回頭啊！

================
好吖，DIY真係有益過係超市買個一D呀！

恭喜晒呀!!!!!

D苗苗係咪o係 bunbun買架?
我都忍唔到手買左呀~~

等睇你D相~~~

babycherry 發表於 2011-10-13 09:17
努力努力~ 呢排大雨有無影響呀??~~

講起ｄ雨，真係幾煩，先是將ｄ種子沖哂去第二個區，又浸死大部份豆呀，白蘿蔔呀
之後仲將剛發到芽的櫻桃蘿蔔成條沖左出泥面．
呢兩日一見細雨ｄ，就去補種子，希望發到啦．

朋友邊仲勁，ｄ風吹到成棵20cm咁高的蕃茄苗出左黎，好彩職員馮小姐見到，幫手埋番佢入去泥度乍．

睇路綫阿榕樹應未會返屋企住，希望ｄ雨帶無咁勁啦

恭喜!大家齊齊種.

purplelove: 咁你會唔會整d大膠布擋雨, 我見我呢邊園圃既人都有咁早~~~  發表於 15 分鐘前

都十五十六緊，加膠布可以防雨，同時都會遮光，無光咩都生得慢，好矛盾呀

zoe: 透明嗰啲咪得囉

防雨，好似要有番咁上下厚度，ｄ膠透明始終都會阻光的．
問過，連個密些少的網，都會阻光

zoe: pm地址俾我寄小棠菜種子呀~~~~~~~~~~  發表於 6 分鐘前
煩到你唔好意思,唔使寄呀,我星期一上你度拿呀,

又係時候報告下 ，下種兩星期後，19/10，最近多番ｄ太陽，ｄ菜生得快左．部份菜菜：





ｄ菜都脫離嬰兒期，不單止得十字花，見到個菜樣了
見佢地一個二個大少少，好怕佢地唔夠食，睇下塊田又好沙咁樣，於是做左ｄ野：
請佢地飲幾杯星巴巴咖啡（渣），一杯豐收一號，全部搵地方埋落土裡，
私人再醒多幾隻碎雞蛋殼給蕃茄同青椒苗．

唔知係關ｄ外賣事，定係太陽同佢地玩得多左，加左料後，
呢個星期兩棵苗苗好明顯強壯左．又好好采茄茄未有幾個田都見到的紫色菌菌．

另外，園友教起左田外邊的草，可以減少野草爭左塊田入面的肥，
又可以減少蟲蟲咁話．

不過，昨日隔離前後兩塊田（同一位園友的），在泥面放左好多好多黑色粒狀有機肥，
有機肥就咁放泥面，係咪好易引到ｄ蟲架？咁攪法，夾係中間，咪好危險？
棵向日葵又被唔知咩食左幾個洞仔，
一邊想快ｄ噴下苦楝，但ｄ菜苗又咁細，怕佢地受唔住．．．

在社區苗圃
基肥-骨粉三斤花生麩三斤，豐收一號一KG，這個份量是否正確。

hiking 發表於 2011-10-23 19:16
在社區苗圃
基肥-骨粉三斤花生麩三斤，豐收一號一KG，這個份量是否正確。 ...

熟石灰要用多少份量才足夠?

4th week

星期四請佢地又飲又食，星期日真係大給你睇．問園友施捨了少少阿拉斯加魚肥，落完仲勁，第二日已經唔同哂樣．係咪應該買番支看門口呢？

塊田生左好多青苔，以前聽阿sir話好可能係pH過鹼，但依家miss話你開田有加石灰，依家只要加黑土去改善土質就可以解決，真係越聽越不對路．．．跟住佢話可以用勞工皂半匙加500mL水淋，之後過清水．

這星期成個園圃好多棵蕃茄都中了菌，變哂紫色，白色一點點的．早兩天仍好地地的蕃茄，都幾強壯架麻，中招了，唯有剪走有事的葉，噴下苦楝，希望過幾日無事啦．miss 又話應加ｄ磷鉀肥給蕃茄同青椒，等佢地的根同莖壯ｄ，可以落海藻或海帶．定應落骨粉／紅牛？

自己家中的草苺種子兩星期都無聲無氣，入粉嶺採菜時順手帶了兩條小草苺苗回來，同朋友仔一人一棵，睇下種唔種到先，能開花結果就好了．

zoe: 骨粉同鉀肥效果明顯啲
哦，明白，過兩日帶ｄ骨粉請佢地食下先，遲ｄ再加鉀肥給佢補下

26/10 vs 9/10
吃飽蛋殼，飲飽咖啡同海帶的前後


ｄ菜好似就快收得了

MONO 有機肥名冊巳經除去“阿拉斯加魚肥“。  發表於 7 小時前

激死,比呀miss fake左
我尋日仲買左支添呀

momodoll：我呢邊阿sir都叫我買
咪係囉，唔係我呢邊miss 日日係咁講，我都唔會專登去買啦
改番做mono

大家估下明天我拿番去馬ｘ記，佢會唔會肯換過件貨呢

vivio 發表於 2011-10-27 23:15
MONO 有機肥名冊巳經除去“阿拉斯加魚肥“。  發表於 7 小時前

激死,比個miss fake左

我都係買o左，用緊先知，算啦，見佢話係某個工序入面唔乎合認證要求囉。
我就用埋去先啦。

既然 Miss 同呀 sir 都無話唔得，自已知咪算囉。
如果我買咗，我都會用埋去。

青椒抽花了，一大三小，咁細棵，可以留果嗎？
新葉又捲又皺，請問發生咩事呀？要點做先得？

luffy:  可能中左病毒!
噴過苦楝，最新出的葉好似無事，如再有病毒係咪可以用乳酪開水日日淋呀？