花生麩與花生麩粉

唔該各位園友，

花生麩同花生麩“粉”係咪唔同架？用佢地黎噁花生麩水發酵旣時間，效果同氣味係咪都有分別架？

花生麩係有粉狀或者係一餅餅嘅, 都係同一樣野, 在園藝舖買嘅多數係粉狀.
仲有"漚"字係咁寫嘅.

gmfw 發表於 2011-9-25 14:46
花生麩係有粉狀或者係一餅餅嘅, 都係同一樣野, 在園藝舖買嘅多數係粉狀.
仲有"漚"字係咁寫嘅. ...

唔該gmfw，

我係“3兄”果度買的係啡色粒粒，睇“花園仔”個帖＃1073就係粉狀，再睇綠田園個post都係粉狀。睇到很多不同的園友用花生麩好似有不同的效果，臭氣揮發須時都唔同，所以問一問。買旣時候唔知道。如果唔係我會揀粉狀，直覺會易分解D。係唔係？

唔，我終於係部字典搵到個"漚"字。唔該gmfw！我好耐無用中文，唔記得個"漚"字點寫。個laptop又無中文，而家係用“拼音”打廣東話，所以花好多時間，有時唔為意用／打錯字。有時懶，是但搵個同音字人家明就算。

很嗅20天左右

go2bar 發表於 2011-10-1 19:38
很嗅20天左右

吓？咁快就唔臭？係咪真架？我睇有D園友話3，6個月後重係好臭？頂唔順要俾人。我漚過肉骨粉，溝泥漚，頭幾日好臭，10日之後臭味小左，我都叫做manage到。如果花生麩水要臭6個月一年我真係要稔清楚。唔該go2bar，你係咪漚緊，你D係花生麩粉定係啡色粒粒旣花生麩？

可能我說得不清楚"20天左右" 是剛開始了20天,  我隻手只是接觸了一點點 臭了三天左右..聞到都想嘔

花生麩粉

go2bar 發表於 2011-10-4 13:14
可能我說得不清楚"20天左右" 是剛開始了20天,  我隻手只是接觸了一點點 臭了三天左右..聞到都想嘔 ...

go2bar，

原來你係剛剛開始。係咪D肥水淺左係手上面？要帶手套呀！

我都係兩個星期前開始左漚基肥， 放係宻封旣桶漚：大約26份泥，2份花生麩，1份骨粉，1份鉀。今天攞開個蓋睇睇翻吓泥，都唔係好臭啵。唔知係咪唔夠水，定係唔夠肥，加左小小水，再宻封。下星期睇吓點，話俾你知。我上次漚肉骨粉係1:1，一份泥，一份粉。好臭好臭。

go2bar，我地可以分享漚肥經驗吖。