這是我第一次從種子種起的仙人掌啊，可以賜教嗎？

幾個月前，在花墟用$25買了仙人掌的種子。回家後就立即用之前種花淨下的土開始種植（又於買之前已問店員是否能用普通的泥土種，她說可以的）

這就是在花墟買的種子，內裏分別有兩種不同的種子，不知是什麼品種。（如果大家有更多資料，請SHARE給小弟）

最初開始種的時候，都是把十幾粒種子放在泥土，再加一層薄土在種子上面。(都是店員教的）
之後等了十多天終於有四粒發芽，相信其如沒有發芽的都應該不會發芽吧。 （因為上網看，說幾天就能發芽，不知道為什麼我的要等十幾天。）

聽說種子發芽後，就要移盆定植，所我就到日本城買了種仙人長的土。

就是這個。


還有成份和教學。

移植後有一棵第二日就死了，所以結果只淨下三棵。
過了二個月後，仙人掌的體積沒有明顯增長。



這就是幾個月的成果!！！還是很細小


我在想是不是我種的方法錯了，還是仙人長的生長速度是這麼慢？
如果真是這麼慢的話，店鋪賣$15一棵成隻手咁大個D的是否用了幾年時間去栽種？
或是我應該要落肥料？
請各位師兄指教一下吧 ！！！

你種係邊?日照如何?

chan1988 發表於 2011-9-22 00:50
你種係邊?日照如何?

其實最初開始時都是放在較陰暗的地方
發芽後換盆後就把它放到窗邊，由於我家是向東，
所以日照應該大概是由早六點到到下午一兩點。
應該都有七至八個鐘。

還有，我發覺它的根還是很小，好像如果大風一點就會把它們吹掉。

師兄，有方法改善嗎？

剛找到了植物名稱（不知是不是這個-_-!) ﹣Carnegiea Gigantea (aka the Giant Saguaro)

hong2011 發表於 2011-9-22 12:20
其實最初開始時都是放在較陰暗的地方
發芽後換盆後就把它放到窗邊，由於我家是向東，
所以日照應該大概是 ...

話說我都買左一包呢D仙人掌種子 不過未種,真係得2隻種子咁少?

仙人掌一般都生得唔係好快,施肥用1:1000,另一個原因可能係陽光,你係直射定散射光?睇你個情況無徙長,陽光都應該尚可,係生得慢D姐
根方面,我買現成$15果D,D根都唔係好長,以前棵火龍果苗都係咁
另你隻泥唔係太好,不過種到就算
我一陣都播D仙人掌種子先

你怎樣淋水？唔夠水都可能不長大。

chan1988 發表於 2011-9-22 18:55
話說我都買左一包呢D仙人掌種子 不過未種,真係得2隻種子咁少?

仙人掌一般都生得唔係好快,施肥用1:1 ...

謝謝你的回答 ！！！
但施肥用咩肥好？有無好介紹？

sasock 發表於 2011-9-22 20:41
你怎樣淋水？唔夠水都可能不長大。

其實我都沒有經常淋水，大概幾天淋一次水。

hong2011 發表於 2011-9-22 22:48
謝謝你的回答 ！！！
但施肥用咩肥好？有無好介紹？

液肥,因為固體你有排都吸收唔到,因為淋水唔多且疏水,固體肥無咁易分解,另外液肥快速見效且比例易控制.有平有貴,最平係花寶粉狀果D,10幾蚊就有,自己按指示溝水,也有一早溝好,就咁用果D,不過唔抵用,我自己果枝係花墟間花寶到買,要自己溝既液肥

我建議花寶粉狀果隻,一盒盒的,好多地方有賣,佢有好多唔同NPK比例的類型,你買20:20:20果隻平衡肥就得,溝水比例用1:1000,有排你用,肥水唔好次次淋,每2-3星期淋1次好LA,其他時間用一般水,唔好淋到粒野既面

chan1988 發表於 2011-9-22 23:55
液肥,因為固體你有排都吸收唔到,因為淋水唔多且疏水,固體肥無咁易分解,另外液肥快速見效且比例易控制.有 ...

謝謝師兄講解，很詳細！！！

在有日照及通風的日子用噴水壺噴水比直接淋水安全。

師兄睇你d泥好似好乾下喎,如果想快大d可以淋濕d泥再封保鮮紙焗下佢,
仙人掌苗係高濕既環境會快大好多

如果d苗企唔穩可以鋪層細石仔係面咁佢就唔會訓底

sasock 發表於 2011-9-23 00:17
在有日照及通風的日子用噴水壺噴水比直接淋水安全。

謝謝師兄 !!!

chan3445 發表於 2011-9-23 08:49
師兄睇你d泥好似好乾下喎,如果想快大d可以淋濕d泥再封保鮮紙焗下佢,
仙人掌苗係高濕既環境會快大好多 ...

但我怕淋水太多,根會爛....
之前都試過淋到d泥有小小濕,不過苗就開始變黃 !!!
不過我會試下噴多小小水!!! 可能真係太乾

chan3445 發表於 2011-9-23 08:55
如果d苗企唔穩可以鋪層細石仔係面咁佢就唔會訓底

我都想試下,我諗緊鋪層沙好不好? 會否有影響?
因為石仔我怕太大

hong2011 發表於 2011-9-23 10:29
但我怕淋水太多,根會爛....
之前都試過淋到d泥有小小濕,不過苗就開始變黃 !!!  
不過我會試下噴多小小 ...

唔怕架...仙人掌係苗期好受得水下,要吸多d水佢地先會快大,
我d仙人掌苗淋水都好密下落雨都唔會收入屋照比佢淋雨都冇事
反而比太小水佢地唔會生得好,如果揾唔到細石仔用沙都可以冇問題既

chan3445 發表於 2011-9-23 15:35
唔怕架...仙人掌係苗期好受得水下,要吸多d水佢地先會快大,
我d仙人掌苗淋水都好密下落雨都唔會收入屋照比 ...

好的，太感謝你的解答，我會嘗試給它們多點水!！！：）

hong2011 發表於 2011-9-23 10:29
但我怕淋水太多,根會爛....
之前都試過淋到d泥有小小濕,不過苗就開始變黃 !!!  
不過我會試下噴多小小 ...

用尖嘴水壺滴下去，滴幾多ml 都可以作一記錄，咁就唔怕澆水過多啦~~

aprilhung 發表於 2011-9-23 16:27
用尖嘴水壺滴下去，滴幾多ml 都可以作一記錄，咁就唔怕澆水過多啦~~

其實我都有考慮過這個問題，如果用噴壺，一定噴到D仙人掌，唔知咁樣會唔會影響到生長。