秋季播種

請問各位秋季適合種些什麼？羅勒同鼠尾草啱種嗎？

鼠尾草4&5月,10&11月都可以種得,開花期6&7月,收成就全年得.
羅勒就3-6月種,7-9月開花,6-10收成
(ps.本書要還了,睇到你張帖先記得,順便抄低少少資料俾你)
另外秋季可以試下種: 百里香, 迷迭香, 薰衣草, 洋甘菊, 香蜂草......(好多) 睇下你自己鐘意d乜,同埋你屋企環境配唔配合得到. (希望資料幫到你)

smilegirl 發表於 2011-9-17 14:31
鼠尾草4&5月,10&11月都可以種得,開花期6&7月,收成就全年得.
羅勒就3-6月種,7-9月開花,6-10收成
(ps.本書要 ...

多謝你 smilegirl！等下星期涼返啲試吓種鼠尾草同羅勒先

雖然話已經過咗中秋，最近係感覺無咁熱.. 仲其實都仲好熱....不過都差不多係時候要種返啲百里香同迷迭香﹗

KKKK 發表於 2011-9-20 08:33
雖然話已經過咗中秋，最近係感覺無咁熱.. 仲其實都仲好熱....不過都差不多係時候要種返啲百里香同迷迭香﹗ ...

今日涼返好多啦！應該可以呱

露絲瑪莉愛薄荷 發表於 2011-9-20 09:03
今日涼返好多啦！應該可以呱

今日涼咗最大原因係落雨同無太陽。過兩日天晴又會熱返﹗不過...事實係無八月咁熱嘅。週未睇吓有無時間攪攪先﹗不過屋企都唔夠泥...同無小石及珍珠岩... 要去買... 又好小出去咁遠買...

KKKK 發表於 2011-9-20 09:07
今日涼咗最大原因係落雨同無太陽。過兩日天晴又會熱返﹗不過...事實係無八月咁熱嘅。週未睇吓有無時間攪 ...

小石同珍珠岩係邊買呀？貴唔貴架？
我依家只係泥溝細沙，好似都未夠去水

尋晚落完雨,新落種既香草都標左芽出黎.我諗依家落種都ok架,因為要趕及係冬天之前採收多幾次(為食),同埋等佢有多d時間生得強壯d大隻d先過冬

回覆kkkk:
落返之前買既sage同埋lemon balm, 之前種既sage因為冇覆薄土,有一半既根都露左少少出泥面,於是我將佢地"人道"毀滅,再種過,今朝出左芽,好靚,d根都冇再露出黎

請問點樣加水？表面噴幾下定還是要濕晒？

露絲瑪莉愛薄荷 發表於 2011-9-20 15:07
請問點樣加水？表面噴幾下定還是要濕晒？

羅勒就淋透，等表土乾後再淋，但鼠尾草就唔知喇﹗因為啱啱比我攪死咗....

KKKK 發表於 2011-9-20 15:38
羅勒就淋透，等表土乾後再淋，但鼠尾草就唔知喇﹗因為啱啱比我攪死咗.... ...

我仲有D Sage種子,睇下你要唔要,要的話俾d你 (y牌)的, 大概剩3分1到,唔係好多.

smilegirl 發表於 2011-9-20 15:54
我仲有D Sage種子,睇下你要唔要,要的話俾d你 (y牌)的, 大概剩3分1到,唔係好多. ...

多謝晒你先﹗其實我都唔知鼠尾草點用，我再種都係會種返百里香﹑迷迭香同莞茜先﹗因為都係我太太想要嘅﹗(我種出嚟等佢煮野比我食﹗哈哈﹗)

KKKK 發表於 2011-9-20 16:09
多謝晒你先﹗其實我都唔知鼠尾草點用，我再種都係會種返百里香﹑迷迭香同莞茜先﹗因為都係我太太想要嘅﹗ ...

唔緊要啦,要既時候就同我攞啦.鼠尾草陣味好濃,我麻麻地鐘意,不過佢地細個個樣真係幾得意.同埋我種香草都係用黎沖香草茶多d,尤其鐘意檸檬羅勒

回覆zero0796, 檸檬羅勒可以沖香草茶的,給個網站你參考,我也是看完之後,才拿它來沖茶的
http://tw.myblog.yahoo.com/talk2 ... 7&l=f&fid=6

睇完依編野!!我終於知到我棵檸檬羅勒就死係因為唔夠太陽!每日得個3個鐘~

如果要種鼠尾草的話，依家可以落種了，(依家天氣開始轉涼，種子有較大機會發芽)！
如果跟書上 10~11月才下種可能會未能及時發芽便踏入冬天，而大問題不是冬天不能發芽，問題是在明年夏天前，如果鼠尾草 (百里香等) 未能成長到"可承受香港夏天氣溫及濕度"時，它們便會很容易在6~7月被 "晒死、熱死"。
其實現時大部份我們看到的書都是來自 "台灣"，而台灣的香草書又有部份翻譯自"日本書"，我們的天氣和濕度跟日本都有分別，所以書上的下種子時間、受水及會否有蟲害等問題都只可作參考！(其它香草也有類似的問題)。
那是我在這4~5年從失敗得到的經驗. . . . . . ==
(圖是今年我家鼠尾草的花)

今早拍的鼠尾草BB！22日下種，呢2日狂長高。可惜打風無太陽晒

Hong-B 發表於 2011-9-28 21:59
如果要種鼠尾草的話，依家可以落種了，(依家天氣開始轉涼，種子有較大機會發芽)！
如果跟書上 10~11月才下 ...

謝謝!哈哈

Hong-B 發表於 2011-9-28 21:59
如果要種鼠尾草的話，依家可以落種了，(依家天氣開始轉涼，種子有較大機會發芽)！
如果跟書上 10~11月才下 ...

唔通就係咁，所以之前花友分享比我嘅鼠尾草啲葉慢慢發黑而死？但佢地都係6月去到9月吖？點解9月初先死呢？不過好可能係我照顧不當嘅....