我的港孩細佬

岩岩叫佢拎D野落去還,,
之後佢死都唔濟,,
佢仲要話:好呀!我落去幫你還野,不過你要比$10我!
真係火都黎埋
狠狠咁教訓左佢1頓!
真係呀!!
叫佢做小小野仲要講著數!!
大個左仲得了?

佢大個咗係企業家.  (乞人憎果隻)

比得大帝 發表於 2011-9-14 20:06
佢大個咗係企業家.  (乞人憎果隻)

應該都係...
日日剩係識得錢錢聲
真係以為老豆有幾百萬身家

chingyi724 發表於 2011-9-14 20:34
應該都係...
日日剩係識得錢錢聲
真係以為老豆有幾百萬身家

你係唔係講緊你細佬呀?

係呀...

俾心機教吓佢啦

你有無試過問佢d處璄問題呀
如[如果你自己同朋友行行下山失散左, 個時無人無物(電話), 連有錢都幫唔到佢時, 佢會點呀
你有無同佢講過好多開心既野唔係用錢就可以買到架....
如果以上2樣佢都唔明錢唔係萬能既
咁.......你要重新教過佢啦

我已經差唔多放棄左我細佬

其實細路係咁,,特別你係佢家姐
佢更加會覺得你憑咩教訓佢

你爸爸媽媽無教佢咩?

唉...教細路妹真係好難...

記得細個時，大人成日唔係屋企(一星期先番黎兩三晚)，得我同妹妹相依為命...
要照顧佢起居飲食、教佢、睇住佢唔比佢學壞。錫佢唔知，仲要比佢話[搾住雞毛當令箭]，當正我仇人咁。

去到中四迫佢換左間校風純樸d既學校，佢憎到我入骨....中五時，佢d同學同佢講，我好錫佢，講埋同學自己既家事同佢比較，佢先知我對佢好...

可能我真係唔多識同佢溝通....令我覺得，仔女要比人教....原來細妹都係...

但係呢....你對佢好，終有一日佢係會知架....

加油呀...

嘻~ 都唔係乜野港童~ 唔想幫手gi ma, 咪收錢當等價交換囉～　好多大人都係咁，細路仔自然學足～
我做最細，全家最笨最傻的細路．小三已經俾姐姐騙財騙勞動力.
e.g. 小三農曆年：
姐：妹呀，今年有利是錢，可以用少少買ｄ平野，嗱，我手頭上有ｄ好筍明星相，平ｄ賣俾你，出面好難搵架，你ｄ同學仔都無架....
小水母：吓～　咁．．．．但媽咪要我俾晒利是錢佢儲起，俾佢知道我洗左，佢實打我架．
姐：唔會既，你唔講我唔講，洗少少錢，媽咪唔知．
（最後小水母受騙了，姐姐日日用花言巧語tum左我幾百蚊利是錢，新年後... )
媽：收利是錢時間到．
小水母：...
媽：做乜得幾十蚊？
小水母：...
媽：你唔講呀？（拿出騰條～）
小水母：唔好呀.... (已經俾阿媽 fit 緊...)　我講喇，姐姐.... (成個故事講晒出來～）
媽：乜你咁笨架，個ｄ明星相全部都係姐姐唔要，有ｄ仲要係人地唔要俾佢，你要來做乜？俾錢買ｄ垃圾回來，你要明星相有乜用呀？ｄ明星教到你ｄ乜？你咁易俾人騙，一樣要打...
小水母：點解打我唔打姐姐？
媽：佢精過鬼，唔洗打，第日大過有佢蝦人無人蝦到佢，你唔係，你太單純，所以要打你，等你大個唔好咁易俾人蝦!!!  (下刪十多騰）

e.g. 仲有單笑料，都係三四年級：
小水母一晚俾哥哥蝦，逃入睡房，跳上衣櫃頂，拿住心愛的公仔錢罌～
小水母：你咪再打我，我會....
哥哥：係打你，哈哈哈～～～
小水母：（想用公仔錢罌掟哥哥，但又唔想掟爛佢，跟住．．．開左個罌，向哥哥掟左一個１毫子）
哥哥：哎呀～　好痛～～　
小水母：（見有效，繼續掟）
哥哥：哎呀～　唔好掟喇，好痛～～～
小水母：（拿所有硬幣掟哥哥）
哥哥：哎呀～～～（係咁執錢～）

－－－
唉~　最後，當然又係俾媽咪打啦～　

(陰公.... 呢件事，俾家人笑到我大個女... )
不過咁，我就係呢ｄ事，以後唔會為明星做fans, 又無乜購物慾，唔會咁易俾男仔騙囉～

我又講下我細個點比家姐tup錢~
小學時每當爸爸帶我地返學,都會比小小錢我地買野食,放學時媽咪會問點解只有家姐有錢剩我就花光,我話:家姐話佢排隊我出錢,零食大家一齊食......其實佢排隊我都係企喺佢旁邊.

jellyfishy 發表於 2011-9-16 09:01
嘻~ 都唔係乜野港童~ 唔想幫手gi ma, 咪收錢當等價交換囉～　好多大人都係咁，細路仔自然學足～
我做最細， ...

伯母出騰條,打得大唔大力咖?我細個都會比媽咪打,但唔會用騰條同間尺,如果係因為同家姐鬧交而比媽咪打,佢唔理邊個啱邊個錯,佢話個個都話自己啱,打是旦一個都唔公平,總之嘈交就唔啱,兩個都要打~
爸爸未打過我地,通常教仔女都係媽咪~

corina 發表於 2011-9-16 10:20
伯母出騰條,打得大唔大力咖?我細個都會比媽咪打,但唔會用騰條同間尺,如果係因為同家姐鬧交而比媽咪打,佢 ...

我屋企都係，老豆無乜理我地，媽咪攪掂．
佢會了解左件事，再決定打，通常打我和阿哥，因為我和阿哥比較活潑 ，我太笨太易信人，阿哥個性好strong，媽咪要佢多ｄ守行為避免學壞，所以管得佢好嚴．家姐打得最少，一來佢最識騙人，二來佢最弱，阿媽驚打幾下佢會入院～

我呀～　到十八歲，都仲俾姐姐騙，阿媽都無我咁好氣：
一晚．
姐：我今晚 book左8pm 壁球場，我請你陪我玩啦．
水母：好．
姐：哎呀，快 8pm，嗱，我請你打波，你請我打的啦，唔跳標，你點都有著數．
水母：攪錯呀．．．唉～　算啦～　（費事同佢計）

（去到球場）
姐：哎呀，原來我唔係book今晚，反正人都到左，不如照打波，我唔記得帶錢，你俾住先啦～
水母：頂你～！！！！　唉～　算啦～　（又俾佢過我一野～）

jellyfishy 發表於 2011-9-16 10:28
我屋企都係，老豆無乜理我地，媽咪攪掂．
佢會了解左件事，再決定打，通常打我和阿哥，因為我和阿哥比較 ...

我到而家都係仲比家姐呃,不過咁,有咩事,屋企人一定信我講唔信家姐,錢買唔到一個人既誠信~