救命, 換土後軟葉

javascript:;


佢本來有好多葉葉, 比我miss左幾塊梅左既.. 早前我有幫佢修葉葉, 不過我都唔希望佢死..

各位, 你覺得佢重健康ma?

cknihk 發表於 2011-9-14 15:32
換盆MIT晒啲根, 植物吸唔到水, 葉片自然會變軟. 一般等新根一至兩星期後長出, 植物就會回復原狀, 不用擔心. ...

咁姐係我依家要用個袋包住佢, 佢就會冇事喇?

p@g 發表於 2011-9-14 15:39
其實你唔洗擔心, (擔心都無用)

你cut 晒D根D葉軟係正常

我就係冇...
早知上黎問清楚先攪喇.....
希望佢唔好就咁就死左...

graceyeung 發表於 2011-9-14 22:42
咁姐係我依家要用個袋包住佢, 佢就會冇事喇?

如果你種植環境夠乾爽通風(如有冷氣), 可以, 不過要喺個袋頂開個窿仔比佢透氣, 同埋隔幾日就打開個袋一段時間比佢換氣.  

話時話, 你啲植料睇落唔多透氣, 可能要換換.

cknihk 發表於 2011-9-14 23:15
如果你種植環境夠乾爽通風(如有冷氣), 可以, 不過要喺個袋頂開個窿仔比佢透氣, 同埋隔幾日就打開個袋一段 ...

ok,
植料係唔係指泥土, o個d係我岩岩換既3合一來...可能我又加左水, 見到好似一pat野

如果你入溫室一定要有冷氣先好，
唔係就會更快死。
我之前都係用3合1，但發現唔夠疏水，後來轉用發叔泥，好好多。
就算無冷氣都ok~

Karly0706 發表於 2011-9-16 09:20
如果你入溫室一定要有冷氣先好，
唔係就會更快死。
我之前都係用3合1，但發現唔夠疏水，後來轉用發叔泥，好 ...

o... 原來3合一唔太好, 想問發叔泥可以響邊度買架?


花花今日都係好軟, 但係就冇梅了, 唔知係唔係有機會唔死呢??

graceyeung 發表於 2011-9-16 10:43
o... 原來3合一唔太好, 想問發叔泥可以響邊度買架?

泥土要視乎種植環境而改變, 如果你個度較熱同焗就要用較疏水既
如果係冷氣地方就要加返d保水既比佢

GMT+8 發表於 2011-9-16 11:17
泥土要視乎種植環境而改變, 如果你個度較熱同焗就要用較疏水既
如果係冷氣地方就要加返d保水既比佢 ...

ic, 真係多謝你地. 我要好好各你地學習種av

我都係呀, 剛剛分株, D葉軟晒, 希望會好番啦

死火, 我今蕉早見佢都係唔掂(半軟), 於是依家浸水, 唔知會唔會就咁累死佢???

主呀, 請救救我地既小盆栽呀!!!!! 如果你聽到我地既吶喊, 請你賜我地既盆栽有硬硬又健康既葉葉, ar門

graceyeung 發表於 2011-9-16 10:43
o... 原來3合一唔太好, 想問發叔泥可以響邊度買架?

因為你去晒根，軟係無問題的，只唔係爛根就ok
遲啲佢出返根就回復正常ga la...

發叔泥都可以係花BO買，25蚊包
透明袋包裝的。

Karly0706 發表於 2011-9-17 14:16
因為你去晒根，軟係無問題的，只唔係爛根就ok
遲啲佢出返根就回復正常ga la...

ic. 但係點先算係爛根,
我依家將佢放左響水度種, d 根是啡的, 硬身的, 應該冇爛吧??

聽你咁講我就放心d.. 希望佢快d 生番d 根根喇, 我就會放番落土了

graceyeung 發表於 2011-9-17 14:22
ic. 但係點先算係爛根,
我依家將佢放左響水度種, d 根是啡的, 硬身的, 應該冇爛吧??

你棵av d 根係剪曬(乾乾淨淨), 定係剪左一半？

你依家用水种，咁不如影張根部相睇下發生咩事.

Ps: Av d 根係用根尖吸水； d 根剪一半／剪淨少少, 根已作廢, 仲會影響佢生新根。

graceyeung 發表於 2011-9-17 14:22
ic. 但係點先算係爛根,
我依家將佢放左響水度種, d 根是啡的, 硬身的, 應該冇爛吧??

其實你而家種的地方有無開冷氣？

因為水根同泥根唔同...你而家浸水只會出水根，遲啲放返落泥佢都係要再適應返

如果你有冷氣的，可以放返佢係泥度種，方便啲。


另外，爛根好容易睇，你會見到根部全部啡色，晦晦爛爛咁即係爛根la~

我係miss左一半, 真係多手....

佢昨日已經變番硬漢子了... 好開心....但係之後我應該點做...

我屋企係長開冷氣架, 如果係咁, 姐係我要放番佢落泥度???但d 廢根要唔要miss左佢??(我怕佢又軟...)

thx 你地. 我paul 花花冇死鳥

javascript:;

如果浸水得變返硬, 咁就係之前爛根導至吸唔到水所以成棵軟哂了
你屋企長開冷氣如果氣溫有25-27度可以試下先幫佢換發泥, d 泥唔好太濕, 小小濕就ok
再放佢入溫室, 冷氣加溫室應該幾日就出根了, 盆花唔係太大,
可以就咁用個珍珠奶茶杯cup住佢就ok (記得先噴小小水入隻杯增加濕度)
再環保d可以用透明膠袋包住佢就ok
入左溫室記得隔幾日打開換d新鮮空氣入去呀!

GMT+8 發表於 2011-9-19 11:00
如果浸水得變返硬, 咁就係之前爛根導至吸唔到水所以成棵軟哂了
你屋企長開冷氣如果氣溫有25-27度可以試下先 ...

其實點解要咁做既??

我想問如果我唔理佢水種, 佢會唔會生長到同埋會唔會開到花架?

唔記得同你講, 如果你放入溫室既話換泥時唔駛放滿成個盆
放泥放到剛好你放棵野入盆個切口剛剛貼住個泥面就ok
呢個方法出根係最快的, 仲有, 切完爛根既傷口要風乾 (用紙巾吸走傷口水份, 再等約15分鐘自然吹乾)
等到出左根先加返泥比佢