有冇人有興趣做導師呢？(新消息了11/2/2012)

各位花友農友，有冇人有興趣幫手做導師呀？
長者中心有個露台，想用黎種野，種菜或種瓜等等....
我平時用黎種野既方就係呢個露台喇，可惜太私人喇...
工作時間用黎做私人野好似唔多好，HAHA~
所以請問大家有冇興趣幫手做導師，教下我地D長者種菜？？

UPDATE︰11/2/2012
之前話唔得，而家有新轉機！！
係未正式開始之前，想問問大家意見！
大家覺得呢個露台適唔適合？？
另外，想以環保AND有機做主題，
所以「廚餘堆肥」難唔難？
亦因為環保，所以所有既材料唔可以太奢侈
包括泥土、盆、其他相關工具等等
大家可以俾D意見我嗎？？

推!
好有意義呀！

推推推 X 讚讚讚

你唔講埋比人知係邊區？等有心人可以知自己方唔方便嘛！

時間ok , 我想玩下hehe....
講下啲詳細資料好嗎???

我精神上支持你地!!!

地點係銅鑼灣
其實我而家既構思係想教佢地種下基本野，
導師可能每星期一次到中心教授相關知識，
而會員就係中心開放時間就自行黎照顧D菜菜
其實概念與社區園圃相類似，不過地方就唔會咁大，
同埋種野都係用盆OR箱之類的東東~
如有興趣，可以PM我再作詳談~~^^

多謝大家支持~~~~

銅鑼灣,岩哂 Zoe喇！！

可唔可以黎觀賞加打戲

zoeyuhk  嚟就唔好觀賞啦....幫手啦wakakakaka  發表於 20 秒前
我估佢應該唔係星期六日喇

好多長者都有經驗,不過作交流或者幫手,我都有興趣
有需要幫手,請PM我

我去學野就得，教埋我

實在太開心喇！
想問下大家，平日大家有時間嗎？
因為我地OFFICE HOUR係9AM-5PM~

ZOE~星期六開9-1~下午OFF的！！

通常星期三我都放早, 不過我唔識種野, 只可以來做幫手兼學野...
要助手的話, 請pm我!

平曰我都可以幫手呀！不過最好提早兩曰通知我，等老闆放人

多謝大家既支持呀！！中心個露台復活有望了！
再有進展再同大家講^^

睇到對上果個留言....同而家既心情真係差天共地....
我個諗法實行唔到住.......因為設施配套問題...
雖然實行唔到，但實在多謝各位花友農友支持
而家，唯有利用我自己早晨/午餐時間，
去好好利用呢個小露台....
唉~~

亞魚 我都好有興趣喎 唔知有冇機會做吓導師呢

亞魚,好多朋友支持你,就算搞唔成都好安慰呀!

老細呢期又唔知發生咩事....走黎問我出面個露台洗唔洗抹油，話等個露台可以靚D~唔洗黑蚊蚊咁.....

我心諗.....又話唔攪既...而家又攪喇...？？
等我仲搬晒D盆同物資返屋企添~

即係有機會可以攪種植?

哈哈~好難講~~

好消息!!!!!!
而家就要睇下實行既成功比率會有幾大喇
大家俾意見我丫~

露台的實景可以睇第一個POST~已加相片了~