尿素用法

我4棵青豆只出葉唔出豆，問賣肥料嘅老闆，他教用半斤尿素開半個水筒水淋植物。前晚淋了昨晚見到棵蕃茄、全部辣椒苗都垂了下來葉也開始軟和乾了。邊度出了錯? 有救嗎?

係咪濃度太高?
其實如果種來自己食的植物, 加化學肥安全嗎?

吓！係化學肥，真的嗎? 救命呀，我塊田嘅作物可否食用? 安全嗎?

尿素係化肥，只有氮，同出豆冇關係，,要開花結果係要磷肥和鉀肥。

另外施肥份量好似唔對，一桶水即係幾多？工業用的桶和家居用的桶有好大份別。如果你四棵青豆用半斤尿素，相信是太太太太多了（一茶匙才合理），燒根缺水，快死了。試吓大量水澆盆沖走過多的肥料，看看是否可以救返 ...

另外所謂青豆是什麼？青豆角 (long string beans)？甜豆 (sweet peas)？甜豆未到季節，太熱不合時啵～

先唔講自己食用用化肥(仲要用尿素)

呢個又係另一個搵笨例子,
1. 唔出豆,佢係到出豆o既時候未呢,開o左花無豆?定係連花都未開?
2. 豆科o野唔駛點用氮肥,否則只智出葉唔出豆,無豆佢教你用尿素.............
3. 半斤尿素加半桶水?唔燒死就有鬼了...........
4. 生得唔好,唔好第一時間諗唔夠肥(通常90%都唔會係唔夠肥.....),好多時候係其他因素

你果幾棵如果真係咁淋.都好難攪了~~~

MilkMilk 發表於 2011-8-30 12:41
吓！係化學肥，真的嗎? 救命呀，我塊田嘅作物可否食用? 安全嗎?

其實除咗因為我係超新手外, 所以先學水種, 唔敢泥種住...
另外一個原因就係, 我怕我買D泥係有化學成份都唔知, 買咗化學肥又唔知...
想在屋企有機種植, 好似係天荒夜談咁...

不如改用"she she" 好過用尿素啦

appleapple 發表於 2011-8-30 12:52
其實除咗因為我係超新手外, 所以先學水種, 唔敢泥種住...
另外一個原因就係, 我怕我買D泥係有化學成份都 ...

就係咩都唔識, 先走上來請教各路高手.
大家都係種來自娛, 又唔係攞出去賣, 掛羊頭賣狗肉, 走去呃人錢, 何以這樣不屑?

被奸商老點了！

videoken 發表於 2011-8-30 13:50
被奸商老點了！

對呀，唔誠實嘅老闆。如果我知尿素係化學氮肥一定唔會買。我話棵青豆角種了2.5個月不斷出葉仲好綠好靚而且無花無豆出，佢就點我買半斤尿素一次過開半個膠筒水(即筒裝新衣粉嘅size)全部淋完植物為止。我還問他淋完尿素幾時收得農作物? 他說第２日已可收因尿素好快分解。

其實我已懷疑這幾棵植物是過多氮肥，點知現在又被點落氮肥。My God!

我係唔係要放棄這些農作物重新種過另外合時嘅植物呢？另外啲泥已有化肥要點處置後才可再用?

beans

beans

Cora:  佐敦的社區園圃?
MilkMilk: 係呀

公開奸商的衰野，等大家有所警惕，是件好事。

MilkMilk 發表於 2011-8-30 14:53
對呀，唔誠實嘅老闆。如果我知尿素係化學氮肥一定唔會買。我話棵青豆角種了2.5個月不斷出葉仲好綠好靚而 ...

一於開水喉灌水啦，人地尿素施肥最忌下雨，因為會溶解尿素粉粒，流入底層泥土造成浪費。

泥有化肥冇問題咖，唔係有毒，唔好人云亦云自己嚇自己。(但係點解人地唔用化肥呢？呢樣野可以夠開新專題帖講，自己上網做多啲功課啦，咁多有機網都有講，我時間寶貴，唔講喇~)

孖吉 發表於 2011-8-31 00:17
一於開水喉灌水啦，人地尿素施肥最忌下雨，因為會溶解尿素粉粒，流入底層泥土造成浪費。

泥有化肥冇問題 ...

咁我安心好多，一於灌水試試。多謝孖吉和麥熬娜嘅寳貴意見。

我啲肥是在荃灣街市街買嘅。

MilkMilk 發表於 2011-8-31 10:00
咁我安心好多，一於灌水試試。多謝孖吉和麥熬娜嘅寳貴意見。

我啲肥是在荃灣街市街買嘅。 ...

CKlife: 係咪街市街果個舖呀?  

係。

上次買骨粉他已話錯比我聽落肥後4、5日收得，我咪照落骨粉‧到5日後想收苦瓜和青瓜，當時多口問導師，她說最少12日後才收得。我啲苦瓜和青瓜已熟了只可有得睇無得食。點知今次又比他點多次

半斤尿素開半個水筒水淋植物

係咪
半"匙更"尿素呀?!?!?!


你聽錯左喇