蝴蝶蘭可唔可以分株

我家的蝴蝶蘭生左新芽出嚟, 但唔知道可唔可以分株呢?
及如何分株?  
請幫忙

暫時不可以, 要等葉長大, 有根後才考慮分株.

看見蘭頭咁既樣，估計呢株是市場蝴蝶蘭，通常大部份市場蝴蝶都好少有側芽，(當然亦有d有)，只會在株植就死的時候，用盡所餘的能量去谷新芽，希望達到遺傳生命的連續，這株老頭的根和底部都嚴重有品題，還有既然蘭株有問題，首先移走d肥，否則對植株百害而無一利，不單只這株，就連隔離的那株應該枯萎了，大大可以的話，影d全株照，平時甚樣處理淋水等、擺放位置等。等其他大大比d好意見。
個人意見，始終都是那些要點、放在通風位置，不需太曬，夏天起碼遮50%陽光，水苔乾透才淋水，淋水要淋透，冬天太凍冇陽光就幾耐都唔好淋。
看見小芽剛有新根，而老根又枯萎，應該唔駛淋水，放在通風位，噴水在蘭頭、蘭葉的面和底，d水苔唔駛太濕，葉中間唔好濕水，等待有多幾條新根才重新栽種，如果有B1，要台灣施達那隻，國內那隻冇咁好，看看效果如何。種死花是好正常的，但要知道點解會死，下次小心d，吸取多d經驗，你都會成功的，加油。

謝謝各位大大, 真是獲益良多.
這株蝴蝶蘭在新年時買下的. 之後將舊水苔去掉, 換了新水苔. 不知是否弄得不好,
或淋太多水了, 以至面層氣根枯死, 但下層的見到還很健康, 不斷生長.
真是奇蹟呢?  本人從沒看過蝴蝶蘭出新芽. 我會努力, 好好照顧牠的.
多謝大大寶貴意見 ....