紫草根好貴

今日買左紫草根
諗住返屋企浸油
原來成 20蚊一兩................好貴....

我係元朗買好平架啦.5蚊留下

貓后 發表於 2011-8-25 21:58
我係元朗買好平架啦.5蚊留下

本來話要四兩, 成廿蚊咪同花旗蓼一樣咁貴
後尾要左一兩

請問紫草根係咪係中藥店買架???

北角買$8一兩！$20好貴啊！

嘩差咁遠嘅。成幾倍喎。

請問點浸?

pekkleking 發表於 2012-1-23 22:51
請問點浸?

不好意思, 家下才看到你問題~

好簡單, 買紫草根回家, 記得要全乾紫草根, 完全無水的紫草根不易生蟲, 浸泡油就不會咁易腐壞.

準備乾淨的樽 (我喜歡用濶口玻璃樽, 容易入乾草和倒油, 玻璃耐熱).  記得係百份百"乾"的樽!

油 (最多人用橄欖油, 其他油也可以, 視乎你的用途喇, 個人會選擇不易壞又平宜的油, 因為通常一浸就半年一年, 油才"入味"和療效較高. 計來計去, 最後都係橄欖油最平宜囉~ 椰子油其實都幾好, 但佢冬天會變成固體, 必須夏天或座熱後, 才能入花草, 諗諗下, 我又無拿它浸泡了~)~

浸泡花草, 份量好隨意, 見坊間有好多比例, 個人做法通常約 1:1 (油: 紫草) 浸製. 有些花草如金盞花, 我索性稍稍塞八分滿入樽, 然後倒滿油. 有些人會放多些花草, 理論花草精華比較高, 視個人需要啦. 我好孤寒的, 八分滿已經好多了, 尤其浸紫草根, 塞多了草葯, 油相對入少了, 浸完半年後, 兩下用完, 有點肉痛.

我個方法係, 浸泡油八份滿花草, 或大約1:1份量浸製. 放在窗邊, 每天曬陽光, 免費的太陽熱可加速花草滲出精華. 浸佢半年一年, 深紅到發黑的紫草油就完成喇~~  

我會用佢來打皂 (落不同量有不同色, 少少紫草油造出來的皂好似火腿色~ 越多越深藍, 有時會紫紫地), 或用麻油浸泡製紫雲膏, 由於浸得久, 紫草根的精華都跑出來了, 所以不需用煱加熱煮, 簡單得多~

pekkeking, 唔好計重量喇, 乾花好輕好難量度, 用眼算啦, 假設用一個500ml 沙律玻璃瓶, 我會放八分滿的乾金盞花入瓶, 然後再倒油入瓶, 關好蓋, 大力搖個瓶, 讓乾花裡的空氣走出來, 好讓油完全接觸每一個乾花, 跟住放埋一邊, 得閒每日或隔幾日搖下個瓶, 搖幾次, 無空氣再由乾花走出來時, 就好好靜待它們浸在油中滲出精華~  

乾花好多茶葉店, 香草花茶店或食品乾貨鋪有售, 買乾金盞花, 就好似你買乾菊花泡茶一樣咁易架咋~  

你試下啦~  浸泡油其實無乜量度準質架~~  再唔係, 等陣我影我個d 浸泡油你望下~ (其實得小貓兩三支~ )　　會唔會心安ｄ？

jellyfishy 發表於 2012-1-30 21:16
pekkeking, 唔好計重量喇, 乾花好輕好難量度, 用眼算啦, 假設用一個500ml 沙律玻璃瓶, 我會放八分滿的乾金 ...

萬分感謝 , 但我仲未買到紫草根, 紅磡搵唔到~~~

我又分享吓...
前排問過一個老中醫紫草根的問題,

佢話軟紫草同硬紫草係同"科"但係唔同"種"的植物
不過佢哋的功效差唔多,
所以一般都視兩者為通用的藥物 (主要作用:去皮疹)
以藥用功效計,
硬紫草會好過紫草小小(中醫話分別真係唔大,對於一般症狀差唔多冇分別, 個分別只在實驗室的結果找到)
但係由於硬紫草的產量會比軟紫草小,
所以在通用藥物來用, 一般都會用軟紫草

至於紫草莖同紫草根的分別,
中醫話由於紫草的根是直生的(同莖相連)
雖然一般應該用 根 乾燥入藥
但由於乾燥後所以好難分到邊部份係莖, 邊部份係根
製藥公司多數除咗根都會加埋小小莖去呃"稱"
所以我哋買到嗰啲未必完全係紫草根~

enemy 發表於 2012-2-7 14:39
我又分享吓...
前排問過一個老中醫紫草根的問題,

原來係咁, 禾上次買個第二間 12 蚊, 但幾日後發生左d長形銀色既虫虫
好似衣虫

馬鞍山賣$13一兩

lovediy 發表於 2012-2-28 00:03
馬鞍山賣$13一兩

可能因為我買得多喇…我之前買過一次係$16一兩見浸出黎都幾好(產地係遼寧)， 咁我見要成日買， 所以我上次一次過買左一斤， 平均$13一兩

嘩, 你用唔用得晒呀~~~

pekkleking 發表於 2012-2-28 21:22
嘩, 你用唔用得晒呀~~~

宜家用左一半左右喇， 因為要浸半年左右先用， 咪一次過浸多幾樽囉…
因為我有好多朋友仔都要紫雲膏同紫草皂，所以買多左少少

剛剛又去買左...20蚊一兩...

jellyfishy 發表於 2012-4-13 12:00
今日和相熟的中葯店買了幾兩紅條紫草, 佢話人工種的紫草一般係紅條紫草, 粗粗地一大條咁樣, 價格一般$6以下 ...

KimKim, 可以PM我店舖資料嗎? Thanks.

jellyfishy 發表於 2012-4-13 12:00
今日和相熟的中葯店買了幾兩紅條紫草, 佢話人工種的紫草一般係紅條紫草, 粗粗地一大條咁樣, 價格一般$6以下 ...

巧平呀,我呢度最近買要7蚊兩,仲話唔多貨添~

jellyfishy 發表於 2012-4-13 12:00
今日和相熟的中葯店買了幾兩紅條紫草, 佢話人工種的紫草一般係紅條紫草, 粗粗地一大條咁樣, 價格一般$6以下 ...

平丫