國內製造, 用廚餘果皮等造有機肥...

我看報紙, 這些肥能改善土質之外, 還可以能植物吸受應有養份, 增加抭病能力...那個人今年連瓜袋都沒有包
是那種國內有機肥?

佢所指的只係一般有機肥的好處,即係大自然每分每秒都做緊的o野.
無咩神奇發明同抗病功效(當然同人一樣,食o的好o的o既o野,當然會健康o的)

dick168 發表於 2011-8-14 18:59
我都想買一部廚餘製造肥料机。

機！？我都有幻想過，不過見過嘅都好貴（數千元），我覺得要有好多廚餘同埋好大塊地先值得考慮。

台灣有出一個電的, 香港都有賣, 我本來都想買這個, 不過香港代理個電話係打極都無人聽
之後找到台灣原製造商, 卻又係電郵佢唔係點覆, 一個機種又幾個牌子, 感覺太混亂
所以最後放棄, 用廚餘桶算數

回點評:
謝提點, 我係最近呢個月內打電話的, 可能已費鬼事聽電話喇
但奇怪在花墟X業仲有賣喎.

如果空間許可或許你也可以自己堆，堆過用過就會明白是什麼一回事。堆肥的過程雖然有點問題，但我都enjoy，好似做實驗咁。

廚餘堆肥有機肥料都係肥料啫, 邊有咁神奇又抗病又乜, 強國本色鍾意誇大, 遲D可能話係萬年一遇的神肥都未定
廚餘做有機肥都係健康D同環保D啫, 唔係仙丹

孖吉 發表於 2011-8-14 19:14
得啖笑~ 植物健康了是可以扺抗很多細菌和蟲害，但果蠅不會因為個瓜強壯就唔釘啲瓜，任你幾強壯，瓜幼嫩的 ...

她沒有說沒有瓜受害, 只是說收成好過去年

孖吉 發表於 2011-8-14 19:14
得啖笑~ 植物健康了是可以扺抗很多細菌和蟲害，但果蠅不會因為個瓜強壯就唔釘啲瓜，任你幾強壯，瓜幼嫩的 ...

說得對！

我都想買一部廚餘製造肥料机。

new1 發表於 2011-8-13 23:36
我看報紙, 這些肥能改善土質之外, 還可以能植物吸受應有養份, 增加抭病能力...那個人今年連瓜袋都沒有包
是 ...

得啖笑~ 植物健康了是可以扺抗很多細菌和蟲害，但果蠅不會因為個瓜強壯就唔釘啲瓜，任你幾強壯，瓜幼嫩的時候甚樣也敵不過果蠅的針 (大個成熟的時候也不會強到刀切不開吧~)。

沒有果蠅的原因可以很多，附近的果園大噴殺蟲藥也可以令你的瓜果沒有果蠅咖~

dick168 發表於 2011-8-14 18:59
我都想買一部廚餘製造肥料机。

唔洗買啦！用個大花盆，最好深d。放小小泥向底，然後倒廚餘落去，再用泥舖上面，用塊板蓋住防止臭味蚊蟲。第二日又有廚餘就倒落去，又舖泥上面。如是者一路疊上去。一層一層咁。放新廚餘之前用竹攪下舊的。等空氣入去。到滿左，再放多一星期，喜歡的就去釣魚店買幾條邱引放入去。嫌核突，唔好理佢，一兩個月就變肥土架喇！到時溝開佢種又得，直接拎黎種菜仲正呀！
放個底碟，流出黎的水可以當施肥水架！不過而家太熱，未必有肥水出黎。
洗鬼買廚餘筒或機咩？嘥錢！

deedeeamanda 發表於 2011-8-15 18:46
係啦！我上次經過旺角hing業，佢叫我買廚餘桶 鬼咁細隻好似賣$2xx，我屋企個垃圾桶仲大隻過佢！ 我用個 ...

你亞娘果然係食鹽多過我地食米！

deedeeamanda 發表於 2011-8-15 17:27
唔洗買啦！用個大花盆，最好深d。放小小泥向底，然後倒廚餘落去，再用泥舖上面，用塊板蓋住防止臭味蚊蟲 ...

講得好呀~!
我怕臭, 所以我將廚餘切碎放入泥中, 可以嗎?

deedeeamanda 發表於 2011-8-15 17:27
唔洗買啦！用個大花盆，最好深d。放小小泥向底，然後倒廚餘落去，再用泥舖上面，用塊板蓋住防止臭味蚊蟲 ...

贊同 deedeeamanda  講法   

從小家中廚餘都冇用 乜乜機...乜乜桶 , 直接埋入泥, 自然分解的。

大自然要製造出來的嗎 ????

波波 發表於 2011-8-15 17:40
講得好呀~!
我怕臭, 所以我將廚餘切碎放入泥中, 可以嗎?

切碎仲快分解，如果怕臭就唔好用肉，煮過的剩菜等。呢d腐化時真係臭的。我煮飯時有好多菜頭、果皮等，其實好易收集到。如果仲怕臭，有人教我將雞蛋穀打碎，變成糠，蓋向廚餘上面，真係一d都唔臭。
不過基本上用蔬菜果皮堆肥都唔臭的。我都係就咁放個堆肥向露台同班盆栽一齊，又無味又唔見飛蟲圍住佢。

適少少 發表於 2011-8-15 17:55
贊同 deedeeamanda  講法   

從小家中廚餘都冇用 乜乜機...乜乜桶 , 直接埋入泥, 自然分解 ...

係啦！我上次經過旺角hing業，佢叫我買廚餘桶 鬼咁細隻好似賣$2xx，我屋企個垃圾桶仲大隻過佢！ 我用個花盆堆完，跟手種埋唔洗煩！佢仲sell我買發酵粉，洗鬼咩！倒兩湯匙白砂糖即刻發酵了。有機種植更係原始d先好玩
廚餘真係好環保架！起碼我煮完餐飯我覺得掉小袋垃圾。

deedeeamanda 發表於 2011-8-15 18:36
切碎仲快分解，如果怕臭就唔好用肉，煮過的剩菜等。呢d腐化時真係臭的。我煮飯時有好多菜頭、果皮等，其 ...

咁我可以繼續喇, THANKS DEEDEEAMADA~

deedeeamanda 發表於 2011-8-15 18:46
係啦！我上次經過旺角hing業，佢叫我買廚餘桶 鬼咁細隻好似賣$2xx，我屋企個垃圾桶仲大隻過佢！ 我用個 ...

簡單方便好~~~~


放埋砂糖落泥度幫助發酵??

即係.....一層未煮過既"菜餘" 再放蛋殼粉.....再加砂糖....再蓋上泥??

Agree!!

kkaheii 發表於 2011-8-16 13:26
簡單方便好~~~~

如果落糖就快小小，d肥水就流多小小。求其放兩匙糖向廚餘上面都得，唔需要攪云因為佢地識自己分解。我有時想儲大盆d廚餘先拎去堆肥，又無理由放堆野入雪櫃架~咁核突！ 於是我都會拎蛋穀打成糠，暫時冚著佢地，咁就唔臭，又無咁濕。至於放入去堆肥，我自己真係覺得無咩所謂，反正有泥土冚著，佢地自己都向入面慢慢分解。
有人話撕小小報紙，提升泥土入面的碳，不過我都冇。
得閒攪下佢，攪完覺得核突就再冚小小泥，其實無肉類同糞便的話我又唔認為好核突嘅~ 用菜同果皮好乾淨，都唔臭。
而家8月堆定肥，10月拎黎種菜我自己覺得幾好吖~到時種菜又啱氣候，有肥泥又易種d
大家環保d，慳錢唔洗買泥