回歸簡約的手提電話

老媽子年紀大見佢用手提電話按鈕成日都按錯所以買左個大大粒按鈕既比佢



自己試用左一日, 總括來講感覺幾好, 至小我條頸無痛

岩岩用個陣好唔慣, 無得影相, 上網, 無內置電話薄, 正確來講係乜都無

亦都因為咁發現生活中有好多值得反思既事

好似想搵友人A但原來我成日同佢講電話都唔知佢電話幾多號
有d因為永遠都只睇到phone Book入面個簡單名就幾乎連佢地全名/真名/點認識都忘記了
亦都發現一大堆我唔知係乜水既人

因為無sms所以要同人講乜都要直接打比人
好多個收到我電話都好開心問做乜咁好會打比佢
原來好多個好似成成日連絡既人其實都只係靠SMS, facebook 通訊
看來真的要多打點電話給他們了.........

搭車時無得聽歌/打機, 但原來唔做呢d野可以留意到更多既野
因為唔駛成日check 住部電話, 多左時間留意身邊周圍既野
日日搭車都經過既地方原來已經同自己腦入面既改變了不小
原來附近開左好多新舖, 舊舖也改變了不小

只係用左一日都有點不捨得呢.....哈哈
anyway 智能電話的確係好好用, 好方便
不過有時都應該比自己放下假!

總括來講感覺幾好, 至小我條頸無痛
點解條頸要痛,,?就算你用其他電話都唔會搞到頸痛,,,除非你用肩頭夾著姐,,,,

不過講真內置電話簿又真係有需要全在ge,,,
唔會話因為個電話簿太方便而唔記得對方係邊個啊,,,,

btw哩加d智能電話愈出愈多功能,愈來愈方便的確會縱壞人
真係懂得善用智能電話ge人又有幾多,咪又係貪慕虛榮先買,,,
而且係屋企都仲上唔夠網,出到街~同朋友食飯都仲要拎著黎玩?


好彩我對電話無咩要求,,,我到哩加用緊的電話都係啊爸唔要比我的

幾好咁噃，可否給我資料在那裡購買呢？謝謝！

係咩後面有本電話簿果部xd?