[求救] 請問係咪虫蛋還是其他

近日留意到在花園內的應是炮仗花的主幹旁，會出現一堆如圖中的粒狀物體，第一次以為係虫蛋馬上清走，但幾日後又會再出現。
再清理時，發現稍壓扁後便變成粉狀的，好像又不似是虫蛋，請各位指教及如何處理好呢？

有無花友知道呢? 今天又有一堆了, 不知怎樣處理.

may be 係動物CC

炮仗花的主幹應該被蟲侵蝕 ing , 果d係蟲蟲便便, 已非常嚴重

危急存亡中.....

應該蛀咗入樹幹, 望吓便便對上位置有冇窿, 有就百分百蛀到好入。

佢食幾多木就便幾多,可能食到好入位置, 好難捉到囉

適少少 發表於 2011-8-9 14:25
應該蛀咗入樹幹, 望吓便便對上位置有冇窿, 有就百分百蛀到好入。

佢食幾多木就便幾多,可能食到好入位置,  ...

我之前睇過，唔覺有個窿。明早再看看

如果真係有虫，那要怎樣處理呢？ 救唔救得番呢？如果話入到樹幹，係咪要成棵根除呢？

樹幹附近是草地，草地會唔會都波及到虫害呢？

花園兩邊有一棵龍柏及咖啡樹，不過都距離這棵有2米左右，也要檢查一下及能否話點預防呢？

上星期仲買左D泥及盤開始有機耕種試驗，睇黎要處理左呢個虫害先喇

感謝各位指教, 按提示及在網上再查,  那是虫的便便
問了花墟的店員, 要買一些藥去殺虫了, 希望救得番棵樹, 也免波及周圍的樹

你檢查下個樹幹同枝睇下有無地方有異樣,可以輕輕敲下, 發覺蟲蛀的地方要砍下來, 樹幹蛀只是用藥好難好.之前我棵無花果我都忍痛砍,不過現在又是一條好漢~

所以今年唔會結果...傷了元氣...

多謝各位花友的意見
呢幾日好天又有D時間急忙做點救亡工作

主幹沿上分左右分枝, 有虫便的是左面那邊, 在其上的位置少力一按, 分枝已可折斷了, 這分枝我想已枯死了, 其延伸的枝葉已開始枯黃



中間的窿很大呀, 但找不到虫, 有點擔心會否蛀到落主幹



先處理掉折斷分枝上的枝葉, 清理時發現沿上的一些細小樹枝也有虫蛀的情況, 但只有窿沒有看到虫, 可能已過了段時間, 虫都飽餐成虫走左佬了

清理後, 噴了一些農藥作預防, 是在花墟問店員推介, 叫三益的農藥,  也不知是什麼, 先處理掉才算吧. 加了在噴筒噴在枝葉上

今天又作後續處理, 買了鋸及剪

首先鋸了折斷分枝的低一點地方, 發現虫蛀未有到主幹位, 有點放心, 檢查了另一分枝, 也沒有虫蛀情況, 也沒有枯葉, 應未有波及那分枝吧



今天清除樹附近雜草, 發現主幹近泥部份, 原來已另生分枝出來, 可能是一主要分枝被虫蛀所以另生分枝出來吧. 看資料說炮仗花是很粗生的植物, 生命力真頑強呀

請教各位,
- 切斷的枝口, 要否做一點什麼工夫呢?
- 除左再留意有什麼地方有虫蛀便便外, 還要有什麼後續工作要做呢?
謝
謝

請教一下, 花園附近還有棵咖啡樹及龍柏,  需不需要噴埋"三益"農藥呢?
擔心會唔會波及到這兩棵樹
因為已賣左膠盤試種香草及瓜類, 所以諗住儘量噴少D藥會好D.

也問一下, 這兩天清理也沒有發現虫, 係我睇唔到, 定可能太遲搞, D虫都結蛹變成虫走晒呢?

之後有什麼要做去預防呢?  看到AVERY提到的天牛, 查了資料應似係, 打理時有什麼可以做呢? 謝謝各位
之後的

samkee 發表於 2011-8-14 00:12
請教各位,
- 切斷的枝口, 要否做一點什麼工夫呢?
- 除左再留意有什麼地方有虫蛀便便外, 還要有什麼後續工作 ...

切得咁整齊其實唔搞都 OK 既 ~

真係擔心既話可以搽 D 殺菌既封口膠响個切口度

I think it is OK not treating it ~ Actually it had been more than one day since you cut the stem. Weather is clear and the cut end should have dried out already. Leave it unattended should still be fine.

I have some trees in my garden but I don't care about them. ( actually I would rather they die as they are too troublesome ... ) That's why I did not treat any of those trees with insecticide ~ ^^

我都計劃移動棵咖啡樹，不過自已新手唔識，驚破壞佢D根就慘，要等個識少少花藝的朋友黎我度幫我手先移。
我連個鏟都買左，查實係咪在樹週圍掘深D， 連泥連根起左移位就得？

種地開心D？ 係咪成塊地種，唔駛煩入去唔同盤呢？
不過我見不少花友有花園泥地都係種盤，點解呢？ 所以我現在都唔敢搞塊草地住，買左幾個盤試種先

而且諗住種落地，果部份的泥是否需要搞一搞呢？我真的不識，所以問清楚先動手。

防虫網等，已在淘寶淘了回來。



﹣80目防虫網
﹣遮陽網
﹣ 防水地布
﹣ 尼龍網袋
﹣ 標籤牌
﹣ 種苗格仔盤

仲有無野要再入呢？

謝謝

80目防虫網 ... 32目其實已經好夠用勒 ...

Before 種落地, you might have to 翻土, 焗土 and add 基肥, 種地 D 根可以生深 D, 唔會話一冇水就真係軟哂, 尤其你種瓜要深 D

封口膠園藝用具舖買唔買到我唔敢講喎, 你住邊區有冇車 ? 睇下點教你買 ~

其實天牛生活史我都唔太清楚, 因為平日睇唔到佢地, 又唔可能下下鋸人地 D 樹 ... 又例如噴左農藥殺唔殺到响枝入面既幼虫 ...

但理論上用內吸性農藥應該殺到掛 ...

PS. 如果我係你, 我寧可冒少少風險掘起棵咖啡移植, 用地種瓜菜, happy 好多, 何況棵咖啡唔大又唔係買唔番

But 種瓜菜請諗定防虫網同不織布袋先

可滴wax 落個傷口到. 有candle的話,點之後等溶時滴落去個切口就ok~