[求教] 新手種茉莉花

棟茉莉花買左一個禮拜左右就變到咁樣下垂哂，d花又謝左咁，請問可以點救呀？中間我有落過肥，唔知係咪落得太多呢，定係淋得太多水定唔夠水呢? 另外，d葉都有小孔，係咩事呢？
請指教，感謝!!

D泥乾成咁, 應該要換大盆加泥,
等生好左先落肥都未遲,
茉莉花葉, 青菜蟲都鍾意食, 多數蟲咬

泥乾，意思係我要換左d泥，然後多d淋水嗎？不好意思，第一次種，請教下我，唔該哂

好明顯啲泥乾成咁，就係缺水啦！你而家首先要救返佢先 ，首先要淋透水， 瓊乾咗再擺返去陰涼地方先，等啲泥有九成乾先再落水( 每次也是淋透水， 期間唔需要再淋水) 等啲葉正常返，就要殺蟲啦！

好，唔該哂，咁之後殺蟲係咪噴辣椒水就可以了，唔該哂

泥乾到裂,一淋水,水就從裂隙流走.泥只吸好少好少水.試把全盆浸淺盆,等泥索飽水.看有冇改善.

kilysung 發表於 2021-5-22 14:40
好，唔該哂，咁之後殺蟲係咪噴辣椒水就可以了，唔該哂

可以！

kilysung 發表於 2021-5-22 14:40
好，唔該哂，咁之後殺蟲係咪噴辣椒水就可以了，唔該哂

救到嗎？

B17 發表於 2021-5-25 16:32
救到嗎？

多謝各位花友教導我跟著你地既方法，見乾就淋透水，唔乾唔淋，之前枯左一堆葉，但而家已有新嫩葉生出黎，我諗已經救番喇瓜
但就無之前咁茂密，同有d葉有班、小小黃、有洞，我見樹枝之間有d幼絲，但又無見到有蟲既真身係咩蟲呢？係咪係時候要整辣椒水殺蟲呢？
我上網睇整辣椒水會殺到蟲，但係葉會變黃嗎？咁有冇更好方法呢？
另外，辣椒水係咪要加小小洗潔精呢？同埋噴既話係成棵植物都噴嗎，定只噴葉呢？

請多多指教，多謝你地

kilysung 發表於 2021-6-5 00:49
多謝各位花友教導我跟著你地既方法，見乾就淋透水，唔乾唔淋，之前枯左一堆葉，但而 ...

茉莉花好粗生，通常掉出屋外，風吹雨打，蚊釘蟲咬，死不了！
咬穿窿可能係毛蟲，但係毛蟲唔會只咬一個窿，所以答案係唔知囉！
有絲可以係蜘蛛，唔一定係蟲！