救救熊童子

這熊童子原用多肉植物專用土種的。
但曬了約一週，發現熊童子開始變軟。
怕是缺水，淋水後發現變軟的葉子開始多，又有萎縮情況。
急急把熊童子取出，只在根部乾透時噴水。
但熊童子情況反覆。
想知我應該怎樣做才好？
我也想知，它是太晒？是缺水？是太炎熱渡夏？
還是怎樣的？

稍為較好的一面：


較差的一面：

樓主你好,我都有一棵熊童子但養唔肥XD 大家交流一下 : D

市面上的多肉專用土有好多唔同配方,建議可以撈多少少顆粒(例如「喜多肉」)入去,減少up爛根的機會。每個人種植環境唔同,可以自行再調整。

熊童子好怕熱,你見佢成身都係毛就知。佢夏天會休眠,太熱仲會甩晒D葉,變到光禿禿...
宜家天氣開始熱啦,如果你係室外種,最好搵個唔太曬又通風的位置。就算室內種都好,搵個散光位啦

雖然宜家天氣熱有少少危險, 其實你種返佢入植料會好D。
健康的根部應該係白色嘅,我見樓主你呢棵根部有少許發黑,唔好再搵玻璃樽裝住啦,同埋唔好再噴水去根啦…

其中一個方法係剪走老根重新發根,剪完放係陰涼位置幾日,等傷口風乾後種入微濕植料。
可以係youtube搵「潮土」,好多片教你咩叫潮土。
種好後千其唔好曬直射太陽,比時間佢發根,發根時間可能係一星期,亦有可能係兩星期,最緊要有耐性。
有根後再比幾圈水, 休眠時一個月至個半月一次水都OK,過埋個夏天入秋會生返靚的

台灣有個facebook group專門講熊童子。有興趣可以去睇睇。搵「多肉植物熊童子」就有

我3月時換盆,4月時又換多次,因為用錯盆XD(錯誤示範)
未換前,見到都覺得逼XD:

起出嚟之後;

4月換盆時起出嚟係咁。已經生返好多健康的白色根:

我的熊童子 : D

lc1201 發表於 2021-5-11 11:42
樓主你好,我都有一棵熊童子但養唔肥XD 大家交流一下 : D

市面上的多肉專用土有好多唔同配方,建議可以撈多 ...

感謝你呀。
你既詳細解答好幫到我呀。
我諗我都要帶返去有冷氣既地方，等佢可以渡過呢個夏天。
因為唔知點養大佢，所以先放玻璃樽，等佢可以凌空下。
希望佢甩完葉會生返啦。
暫時唔求佢肥美，但求生存到就夠了。

上官霙霖 發表於 2021-5-12 23:21
感謝你呀。
你既詳細解答好幫到我呀。
我諗我都要帶返去有冷氣既地方，等佢可以渡過呢個夏天。

加油阿! 有冷氣就最好啦,渡夏一定無問題,希望熊仔快D回復健康

lc1201 發表於 2021-5-13 08:53
加油阿! 有冷氣就最好啦,渡夏一定無問題,希望熊仔快D回復健康

落返泥啦，但今日見到又枯多塊。
仲係有點擔心。希望快D好返啦

上官霙霖 發表於 2021-5-14 17:59
落返泥啦，但今日見到又枯多塊。
仲係有點擔心。希望快D好返啦

右邊嗰條近底有兩塊葉都皺+黑咗,應該都會甩
不過發根都要能量,有機會再甩多幾塊葉,祝早日康復阿!