想係office種細細盆仙人掌, 由種子種起, 有咩介紹?

最好唔會好大個d, 因為驚冇位呀, thanks!!

仙人掌大多需要太陽光  , office 做到嗎?

我見好多人都係放仙人掌, 公司d光得唔得? 哈哈, 如果真係要曬, 都可以每日放佢去窗一陣既...

晒一陣應該唔得喎~

吓...咁點解我見咁多人係公司放仙人掌既? 咁可以種d咩?

放Office唔係唔得,但只可給極少水,及一有機會便給予充足陽光.
發種子另計

因為陽光不足,種子發了再拎返公司都會生長遲緩,倒不如買成株.
仙人掌種類?很多很多

嗚...咁有乜野細細盆可以放公司枱面種?

其實到日X城看看都可以,到花墟可有多些選擇。

我個人覺得，除非有個陽光充足的地方可以擺放植物，否則這類陽光唔充足的地方係唔適合種植仙人掌、仙人球及景天之類的需要全日照的植物。

大部份的多肉植物都需要充足的陽光，日照不足…雖然有方法話少澆水施肥令植株唔去徒長，但其實只係令植株不能健康成長，長期來說只會令植株步向死亡，而且仙人掌及仙人球要放係陽光充足的地方先會開花，真係要種"一直細細粒/細細盆"的仙人掌/仙人球，我覺得不如去坊間尋寶看看，搵d幾可亂真的"多肉植物"小擺設或其他精品擺設放係公司，比起唔成長及或一直不變…但係需要定期打理的盆栽好得多。(我公司可是放了兩盆幾可亂真的蝴蝶蘭係多眼的地方，好多客都以為係真花 )

若果真係想搵d細細盆、會成長又有花開的植物放係公司，你可以考慮一下種植迷你岩桐、中~迷你型非洲堇之類一些對散射日光要求唔高的品種，不過岩桐及非洲堇就比多肉植物更需要打理(e.g.:每4~6個月換一次植料)及需要預備一些小器具，當然栽種有關品種的知識更不可少了(不過多嘗試去取經驗亦是個好方法)。你可以到[非洲紫羅蘭及苦苣苔科植物]區看看：http://hkplants.com/forum-8-1.html
(迷岩與迷你種非洲堇真係好可愛，真係可以"毒"到上引，不過要落唔少心機就是了。)

好呀, 唔該晒你, 我唔想買假個d呀, 真係想放一盆可以俾我淋水個d, 考慮過蘆薈, 不過驚佢會生到好大, 一陣會睇下你講既兩個品種! thanks alot! ^^

好多水種的植物都可以呀,最簡單就種黃金葛。