新手種櫻桃蕃茄

ahfour99 發表於 2011-7-25 12:08
好靚仔吓喎

我唔識睇呀, 呢棵係我第一棵成功由種子種起既植物呀!

你收到小肥羊種子未呀? 我個d一星期發左芽喇, 落左兩粒發左一粒!

minniec 發表於 2011-7-25 12:27
我唔識睇呀, 呢棵係我第一棵成功由種子種起既植物呀!

你收到小肥羊種子未呀? 我個d一星期發左芽喇, 落左 ...

仲未收到 , 可能要下午先到 , 我都發左幾d蕃茄2星期左右 , 不過未有你幾棵咁靚仔

我呢幾棵成個月喇, 係咁落雨生得勁慢, 有兩棵死埋添!

一個月有d慢喎,我d半個月都好大下,要換盆

剛剛分左盆, 唔小心整到其中一棵既子葉, 有一塊子葉枯左了, 會唔會成棵死架??

minniec 發表於 2011-7-31 16:46
剛剛分左盆, 唔小心整到其中一棵既子葉, 有一塊子葉枯左了, 會唔會成棵死架?? ...

枯子葉係唔怕既...枯真葉就要留意下~

小野貓 發表於 2011-7-31 17:28
枯子葉係唔怕既...枯真葉就要留意下~

如果係健康既苗..等佢個莖粗多少少先換啦...我果罐有朱古力辣椒x3 + 唔知乜野蕃茄x1,係16/6開始種...
到依家都係得4吋高,但個莖健康,有2mm粗,我今晚分盆....我會咁樣分盆
*最下層鋪d石仔,大約半吋至1吋(用黎分隔去水位同埋上面果d泥層)
*上一層係大約1吋至1村半,用少少泥加五至六粒左右既肥料溝好既 <=我會加水整返濕d泥...費事佢同上面果層溝返埋.因為肥料唔好掂倒植物既根
*再上一層,就係泥,係盆既八成滿,慢慢加水...等泥完全濕透,泥濕左水會縮水,即係少左泥..就加返少少泥落去再加水,等泥完全濕透
*跟住中間用野掘個窿仔...放棵苗落去,用手“輕輕”按返實d泥...盆底多左既水倒左佢
我既泥係蛭石+珍珠石+均翠泥 =>1:1:3 or4
個個分盆同用泥既方法都有唔同架~
唔知咁啱唔啱...我第一次分盆~
我係要小肥羊辣椒架~但係屋企依家好多野...唉~

小野貓 發表於 2011-7-31 18:04
如果係健康既苗..等佢個莖粗多少少先換啦...我果罐有朱古力辣椒x3 + 唔知乜野蕃茄x1,係16/6開始種...
到 ...

乜咁複雜, 我剩係用翠均泥咋, 因為我唔知佢D根有幾深, 所以好難整出黎, 不過換左兩日而家都OK, 係一棵既一塊子葉枯左, 希望冇事啦!

咁等你得閒先, 或者你PM地址我寄俾你先!

update一下, 五星期進度同埋換盆後~

又黎update, 六星期進度, 已經放左出花槽, 不過好似冇大過咁~

我幾盤茄既子葉都偏黃, 但上面d葉又冇事, 其中一盆既子葉上次我分盆時整爛左一塊, 而家另一塊又甩埋出黎, 係咪冇事架?? 同埋子葉偏黃又係咩原因??

但係我已經放左出花槽, 應該有架, 太熱會唔會黃架??

最奇怪係佢剩係子葉先係咁, 上面個d葉仲係好健康, 太肥又會? 我剩係分盆時落左幾粒雞屎肥係泥裡面, 等我影左相再放上黎!!

我十幾廿棵番茄e+都ok....不過有幾棵我冇放落泥,,我轉左佢地落水!!
ｄ葉明顯黃d呀! 不過個位比教冇咁曬~  或者係唔夠光~

影左相喇....請問覺得點呢? 子葉係咪黃左d?

我有四棵, 第二張呢棵(插飲管)係好似好軟咁, 但其他個d又冇, 佢地四棵擺埋一齊, 受光一樣, 點解會咁?

我幾盆茄又有問題喇, D葉上面有D黑色一點點, 幾盆都係咁, 點解會咁架?

有冇人幫下我? 唔想睇住佢地死!

嗚...我琴日見冇人覆再開一個post, 都係有人睇冇人覆, 好傷心! 返到屋企有d葉黃左, 我把心一橫已經將有問題既葉剪晒, 上網又search唔到係咩問題, 懷疑係落完雨搞到佢病左!

minniec 發表於 2011-7-25 11:56
由落種子開始計起一個月, 係咪算正常呀??

車厘茄可以好大稞，然後一次可以幾十粒收成。正！！