王府皂頭~迷迭香洗髮皂

哈，前晚發現家中多了些皂。



配方：酪梨油98g;
          橄欖油126g;
          椰子油56g;
          棕櫚油70g;
         
          鈉50.5g
          水80g
INS:137

好似話打咗一粒穜，唔喺咁啱新手做。

八王爺 發表於 2011-7-26 10:27
哈，前晚發現家中多了些皂。

得意到咁既？咁都算配方？

而家睇到了, 但點解叫牛油果既?

引用一段酪梨油AVOCADO OIL 的介紹：

酪梨油取自冷榨的酪梨果而不是果核，所以未精煉的酪梨油是綠色的，淡黃色的酪梨油是精煉過的。酪梨油含豐富的維他命A, D, E, 卵磷脂及氨基酸等美顏元素，不單容易被皮膚吸收，更有修復功能。甚至眼部周圍和頸部細嫰和敏感肌膚都有很好的保護和滋養功效。
酪梨油也極容易浸透表層皮膚，非常合適乾性和過敏肌膚使用，用後感到滋潤，水嫰和充滿彈性，同時保濕效能佳，有效解決皮膚疹﹑老化肌膚和濕疹等問題皮膚。

ck, 王爺開頭無打架, 淨係話得酪梨炸, 佢後加炸~

終於見到，實物喺奶白色，唔知點解影出黎咁黃。

好靚丫,而且d印都好靚丫,還打日期添

咁鬼勤力既...我今年既第三舊皂都未動手...

八王爺 發表於 2011-7-29 09:13
終於見到，實物喺奶白色，唔知點解影出黎咁黃。

靚呀! 皂舊好多野睇!

CLAUDIA, 一個月後先用得，你以為喺製造日期？

八王爺 發表於 2011-7-29 16:36
CLAUDIA, 一個月後先用得，你以為喺製造日期？

噢......使用日期﹗

今天又見老婆打皂。
這次很多油的，不知道是甚麼，發上來給大家看看。

椰子油    160ml
棕櫚油    240ml
橄欖油    100ml
乳木果脂  100ml
可可脂    100ml
澳洲坚果油100ml
lavender eo  20 滴
乳香        10滴

鈉  118g
水  236ml

好好玩咁喎 !
我對整皂完全唔識, honey 仔上次跟學校去旅行, 編唔到做皂嗰組, 返嚟成日話好想做皂, 一來我覺得非常老鼠拉龜, 二來聽過大菲媽話, 未夠時間係危險品(有啲驚 ),  話亂整會好危險應酬住佢先, 如果要整要去買咩? 去邊度買? 仲要買咩工具? 只係齋玩? 小朋友啲皮膚用唔用得架?

八王爺:  齋玩應該做我在1#中，由女兒自己做的熱製皂。不用化學品，只要將皂基加熱，入模，放涼成形就可以

咁咩叫皂基? 係邊度買? 加熱用屋企個煲, 好似煲水咁? 要加水嗎? 皂模又去邊樹買呀? 真係全完未玩過

acmc 發表於 2011-10-6 07:30
八王爺:  齋玩應該做我在1#中，由女兒自己做的熱製皂。不用化學品，只要將皂基加熱，入模，放涼成形就可以
...

模可以用做西點的模，印花模都得。

皂基是已皂化好的皂，基本上就咁用黎沖涼都得。
不過，加熱入模，變成液態，可加入自己喜歡的顏色和香味。

今天見到老婆切皂，等我搵時間靜雞雞拍照放上黎。

加番兩張圖先。

你地15号來犯罪喇，到時有得分。

哈哈！

上星期六去bbq, 採了些到手香和艾草，要今個星期六老婆才有時間打皂。

佢打皂，我拍照...過程可以仔細啲，不過切皂要等多兩日咯！


去片：

到手香汁，約160g (老婆話咁少，只能打500g皂。)
鈉 73.6g
椰子油 100g
棕櫚油 100g
橄欖油 100g
可可脂 100g
篦麻油 100g

精油: 香茅20滴; 雪松10滴; 廣藿香10滴


到手香打爛榨汁

哩個叫做100g配方，乜鬼都100g，所以好好記。

到手香打爛榨汁


渣都要番，之後有用。


鈉73.6g加入到手香汁液中。
升溫很快，72度以上。



量一種油，再加可可脂。先加溫溶可可脂。


可可脂室溫是固體，先溶，再量其它油。
全部混合約51度。


預備好要加的精油，等候鈉降溫。


油和水都降到45-50度，水倒入油慢慢混合。

最初很稀，但沒有油水分離的情況。


慢慢攪拌，約20分鐘，開始稠濃，發生皂化了！


皂化越來越強，混合物像沙律醬咁「杰」，加入精油。
然後完全混合入模。等48小時皂化。

好深色，和我的很不同。
剛切皂了，晚點看看有無時間po相，一齊研究下。