[大岩桐]help! 大岩桐比野咬

種左棵大岩桐响office, 响x fun 買的~
之前買返黎果陣開好大朵花, 好靚咁,仲有好多花未開, 點知無啦啦成棵斷左......
撥開d泥見到有芽出緊, 所以就換左三分之二泥,留返球根同附近d泥,  繼續種。
用花寶二號施下肥咁, 生得好快好高, 不過瘦弱左少少。
點知放左兩日假, 今日返去無la la"冧" 埋左一邊..........
以為水多得滯軟左, 點知一睇, 見到有幾粒銀灰色ge野响個球根附近d泥好快咁爬出黎.....
條莖就有一邊好似比野咬過咁......
點算好? 仲有冇得救???
新手唔係好識搞, 麻煩各位教一教路, thanks!

大岩桐又平又靚，但，次次買回去，都好快消苞或開唔得幾耐，聽講佢受唔到轉環境。

留像中～　無虫都變軟，要cut植秼浸水重種，或用球根重生，所以，無再買
可能我唔識揀啫

其實都真係要換曬泥,,拎個球根出黎去根去莖再成個拎出去曬曬太陽落泥黎過
之後好快就出芽,,生長速度極快
生出黎仲唔只得1個芽,,可能有2-3個,,可以cut出黎1開3=v=

Quicker 發表於 2011-7-11 22:18
大岩桐又平又靚，但，次次買回去，都好快消苞或開唔得幾耐，聽講佢受唔到轉環境。

留像中～　無虫都變軟， ...

等我仲以為細株，係唔夠壯，揀大

Quicker 發表於 2011-7-11 23:08
等我仲以為細株，係唔夠壯，揀大

我覺得大棵1來會容易適應唔到環境同會好容易有蟲有病,,所以係花墟買花真係要好小心!!

唉, 我仲惗住佢果兩條芽生緊出黎, 所以唔敢起晒d泥出黎....
睇黎都係要由頭黎過....
好彩之前剪落兩塊葉,而家出緊根, 希望落左泥之後佢會生性la...

如放在辦公室，都要留意附近有沒有其他植物，無論是公司的或是同事的，都有可能附有小昆蟲，
而你所指那些，會彈跳的，及泥土較乾便會出現。又辦公室內木櫃、紙張都會容易滋生小昆蟲，
所以我放辦公室的大岩桐，會放多些珠石，少些泥炭土，不讓小昆蟲有居住空間。