皂有浮油，請教

前日整左底皂，TRACE之後正常入模，昨日見到個皂面好似無咩問題，但輕按下去，有油浮上來﹗﹗我以為得少少油，點知大力按，成層油浮出來，底下就係實實地的皂，咁我倒哂佢地出來，照網上教的方法將佢地坐溶、混合、再入模，24小時之後，以家仲係好軟身，請問：

1)是不是我補救方式有問題﹖定係我再等多幾日睇下佢硬唔硬﹖
2)這底皂熟成之後，仲用得嗎﹖

有無相?

等多六七天啦, 應該會硬番架喇.

jellyfishy 發表於 2011-7-10 14:17
有無相?

等多六七天啦, 應該會硬番架喇.

我得入左模之後的相，因為當時實在吃驚，未試過咁，一心解決左，但就忘記影底相> <

以家仲係好軟好軟，仲有汽泡的痕跡，個配方我是在台灣的網站抄來做的，如下：

椰子油28%，棕櫚油28%，橄欖油20%，荷荷芭油4%，蓖麻油20%，乾薑粉2%

我覺得唔係配方的問題，係可能量錯油或NaOH 的量少了．睇個樣，真係有ｄ似唔夠NaOH.
做左再生皂之後，呢輪天氣濕熱呀，唔放番佢十日八日，都未必硬到．
我試過放四個星期才夠硬．
油都可能係問題，試過用初榨椰油，可能個次ｄ油太多雜質，舊皂六個星期都唔乾，面係咁出水！　好彩那次做得好少皂，掉左了～　

jellyfishy 發表於 2011-7-11 09:32
我覺得唔係配方的問題，係可能量錯油或NaOH 的量少了．睇個樣，真係有ｄ似唔夠NaOH.
做左再生皂之後，呢輪 ...

有朋友比左D新的NAOH我，唔知係唔係唔夠純﹖﹖

如果唔夠NAOH，D皂仲用唔用得﹖有咩方法補救﹖同埋我點先知道我手頭上的NAOH夠唔夠純﹖

joelai 發表於 2011-7-11 09:42
有朋友比左D新的NAOH我，唔知係唔係唔夠純﹖﹖

如果唔夠NAOH，D皂仲用唔用得﹖有咩方法補救﹖同埋我點先 ...

好難估喎～　在有信譽的店或批發買，一般會說明純度，工業用的NaOH是95% 左右．我試過咁既情況後，把皂整碎加熱水和梳打粉，用來做洗衣粉，洗衫好乾淨，無浪費．
你可以試做多次，份量少ｄ，無咁肉赤．
試下量準ｄ油，不要SF，如果NaOH純度不高，你不SF，其實都有油沒皂化了，睇下情況如何．

這個情況跟我上次一樣，最後變了一盆油....倒掉﹗那次是第一底薑皂...也不知出了什麼錯﹗

jellyfishy 發表於 2011-7-11 09:48
好難估喎～　在有信譽的店或批發買，一般會說明純度，工業用的NaOH是95% 左右．我試過咁既情況後，把皂整 ...

我今次D油有浸紫草，洗衫怕染色，熟成如果得，用來洗狗仔被都好過浪費~~

另外，請問你話做洗衣粉，如果我底野死都唔硬，是不是直接加梳打粉及加熱做都得﹖﹖唔好意思，未整過，問題多多，謝謝你解答^^

claudiatang 發表於 2011-7-11 10:20
這個情況跟我上次一樣，最後變了一盆油....倒掉﹗那次是第一底薑皂...也不知出了什麼錯﹗ ...

我以家都係估NAOH出左問題，但上網睇，有人話都有可能關係到我用電動打的關係，因為電動攪多數只會整到底D皂液混和，面個D未必整到混合，所以有機會未真正混和到就入模，都會有咁情形，我個攪拌器係人地用來打COFFEE CREAM，好細枝，都有可能有關吧﹖今早照水母所講，再做一次，份量少D，明日睇下有無問題就知係NAOH出問題定係電動攪拌累事。

joelai 發表於 2011-7-11 11:51
我今次D油有浸紫草，洗衫怕染色，熟成如果得，用來洗狗仔被都好過浪費~~

另外，請問你話做洗衣粉，如果 ...

咁怪得咁鬼深色啦.
至少3比1份量, 即3份梳打粉混1份皂, 刨碎晒d皂加粉, 你呢個case, 我可能會五比一, 應該唔會染色 (我試過麻). 出番去吹水版看看, 最近我出左個帖講環保清潔.

如果我冇估錯,其中一隻油用左安士
你磅下D皂有幾重,扣起個模,圍下條數岩唔岩

jellyfishy 發表於 2011-7-11 12:06
咁怪得咁鬼深色啦.
至少3比1份量, 即3份梳打粉混1份皂, 刨碎晒d皂加粉, 你呢個case, 我可能會五比一, 應 ...

我睇左啦，唔該哂，咁樣就唔浪費野了，THX

prodorothyhkg 發表於 2011-7-11 16:01
如果我冇估錯,其中一隻油用左安士
你磅下D皂有幾重,扣起個模,圍下條數岩唔岩 ...

我個磅無得轉安士，我其實都希望係油量錯了，那就不用丟了人家送的NAOH> <點知昨日用同一份量的東西再做一次，還是出現以家個情況，應該係NAOH唔夠純吧……以家D NAOH唔知有咩用﹖通渠唔知得唔得呢﹖

TO 貓后：

唔好意思，我一用PM就唔知做咩電腦當機@@我呢度覆你



我係TB買的，RMB $6-8，個頭可以拆出來洗，唔好似係因為佢係打coffee cream用，個設計係要按住個掣先能旋轉，一鬆手就停，我用來打面霜十分OK，但我買個間TB店已無得賣，你可能要同其他賣家睇下有無，不過你要問清楚能否送香港，因為電器以家好似唔得

我之前都在吉X島$10店買過一隻$30的同類產品，佢放係蛋糕模個邊，但用左三次，個頭接駁機身的位置變到好鬆，之後就無用了，或者你可以睇下yahxx拍賣都有呢類野賣

joelai 發表於 2011-7-11 09:42
有朋友比左D新的NAOH我，唔知係唔係唔夠純﹖﹖

如果唔夠NAOH，D皂仲用唔用得﹖有咩方法補救﹖同埋我點先 ...

你落幾多NaOH?
莫非你係用藥用NaOH(純度約90%)

joelai 發表於 2011-7-12 10:31
TO 貓后：

唔好意思，我一用PM就唔知做咩電腦當機@@我呢度覆你

ok, thx ,我會去睇謝謝

prodorothyhkg 發表於 2011-7-12 11:29
你落幾多NaOH?
莫非你係用藥用NaOH(純度約90%)

NAOH是跟某網頁計算出來的份量下的，無問題呀

這次的NAOH是朋友送的，我就是不知道它的純度多少才上來問> <我整左成年皂都未試過咁，點知就衰在別人送的NAOH上……不過錯過都係好事，唔係都唔識多D，同埋又有水母教我轉做洗衣粉用，真係錯有錯著