一索愛上腋唇蘭

昨日抽空到蘭苑，第一次到訪蘭園，蘭園非常整齊，感覺意外又新奇。多感謝王太很有心機地介紹幾種蘭花。
偶然看見一盤圓圓鼓的蘭花，王太回答說: 圓的地方是莖，它有牛奶香味，可以聞一聞。結果我一索，腋唇蘭那股濃郁的牛奶糖香味令人陶醉。就是這樣我跌入蘭科入坑了。

我都有腋唇蘭，迷你品種，有雲呢拿香味，每年二月開花到三四五月，幾好種的！
加油啊

每朝我都會去索一索， 舒筋活絡後才出門，好似中咗佢嘅魔咒咁!
隻花唔錯㗎，花期又長氣味又持久!

雖然王太話易種，也知道它喜愛熱和濕的環境。昨晚遇上下大雨，擔心佢唔淋得又唔敢放出露台。
請問放什麼住置最理想? 各位是怎樣照顧它的?

yunge0 發表於 2020-5-18 21:03
雖然王太話易種，也知道它喜愛熱和濕的環境。昨晚遇上下大雨，擔心佢唔淋得又唔敢放出露台。
請問放什麼住 ...

呢隻好得意㗎，好耐好耐之前種過，試過有一年爆好多花，之後果年做少咗D嘢，就開得幾朶！

yunge0 發表於 2020-5-18 21:03
雖然王太話易種，也知道它喜愛熱和濕的環境。昨晚遇上下大雨，擔心佢唔淋得又唔敢放出露台。
請問放什麼住 ...

我之前都唔識點樣栽種佢，搞到佢半生不死，換咗唔同植料，試啱佢適應在我家的植料後，現在又生返好多新芽，重現活力。

W88 發表於 2020-5-18 21:41
呢隻好得意㗎，好耐好耐之前種過，試過有一年爆好多花，之後果年做少咗D嘢，就開得幾朶！ ...

W大大，請問做少咗乜嘢？施肥？制水？

我見花棚d人掉左响出面野放就生架啦！
易種易開花又香呢！

freddywongdy 發表於 2020-5-18 22:30
我見花棚d人掉左响出面野放就生架啦！
易種易開花又香呢！

幾百蚊拿去放生, 即是不怕日曬雨淋啦！反正本星期落雨天陰, 唔淋得雨的多肉早已移走, 我就放膽拿去這露台曬位試試看吧！

新環境比蘭苑大風和曬許多。待有空找個盤墊底加固防吹走。

Ming36 發表於 2020-5-18 22:26
W大大，請問做少咗乜嘢？施肥？制水？

嘩！都'咸豐'年前囉！邊記得！
Ming大可以試吓制水又施肥，做個記錄！
睇吓有無分別！

W88 發表於 2020-5-19 07:13
嘩！都'咸豐'年前囉！邊記得！
Ming大可以試吓制水又施肥，做個記錄！
睇吓有無分別！

謝謝W大，咸豐年前嘅事，真好

yunge0 發表於 2020-5-19 06:22
新環境比蘭苑大風和曬許多。待有空找個盤墊底加固防吹走。

葉片薄，不能夠暴曬，葉片會燶，夠光就可以，大風問題唔大，唔好被吹走就得
我嗰盆就係咁在室內生存到

Ming36 發表於 2020-5-19 07:57
葉片薄，不能夠暴曬，葉片會燶，夠光就可以，大風問題唔大，唔好被吹走就得
我嗰盆就係咁在 ...

多謝你提醒。
之前放假觀察過這個位，早上只有三至四小時有陽光直曬。現已在返工路上，暫時放住呢個位先啦!

我之前都有在巷仔劉太處買咗放office種過，形態好美的，但由於無陽光始終唔開花！ 後來更鬱鬱不歡而死了...真傷心啊！

Martina 發表於 2020-5-19 12:21
我之前都有在巷仔劉太處買咗放office種過，形態好美的，但由於無陽光始終唔開花！ 後來更鬱鬱不歡而死了... ...

現在照燈技術普及，你可以拿現有的植物試下玩照燈。如果成功咪可以捲土重來。

它那一個個飽滿的莖非常趣緻，形態很美，有無花都喜歡。後來王太給我選了一棵有花的。
我在網上見有人種到爆花。不過我新手種蘭科，只要健康成長便心滿意足。

做個記錄, 買回家時有兩朵

前天見有新葉冒出。(相片後補)

最外那朵花昨日濺到雨水便枯萎了。

今早大風雨，繼續置室外通風，但必定全濕。若是改放室内，侷熱、弱光不太理想，正苦惱整盤蘭花該放在那兒。
另外想請教各位，下雨天空氣濕度高，蘭花是否不用天天澆水?