樹木疑似有蟲T_T #12Update康復中

各位大大好，有關於樹木的問題想請教一下，先感激各位了!

公司有一棵樹，但愈來愈瘦弱，有部分葉面好似有蟲，而擺樹個位的地下經常痴立立，同同事研究咗好耐都唔知係咩原因搞到咁...
平時會有同事定期擺D咖啡渣係泥面，諗住俾到營養棵樹，點知宜家吽咗好多蚊出嚟...

問題:
請問有無大大知道葉面上的係咩蟲? D痴立立嘅汁會唔會係關蟲事?
有無咩天然嘅方法可以處理葉面的蟲?
點樣先可以令到棵樹強壯返?

以下是現況:
葉面近鏡，一粒粒的唔係水，係黏黏地的汁

leaf1

leaf2

正常的葉是咁的


全身，估計唔係好夠光所以成棵側咗去窗嗰一面...

中左最麻煩嘅蚧殻蟲，
室內又好難用藥！
試下用稀釋火酒/漂白水噴濕佢，
然後試下抺走，
記得噴埋d窿窿罅罅，
如果唔係就好易返發！

freddywongdy 發表於 2020-5-6 11:01
中左最麻煩嘅蚧殻蟲，
室內又好難用藥！
試下用稀釋火酒/漂白水噴濕佢，

多謝大大回復! 原來真係有蟲

請問同時剷走面泥再加新泥有用嗎?

lc1201 發表於 2020-5-6 11:12
多謝大大回復! 原來真係有蟲

請問同時剷走面泥再加新泥有用嗎?  ...

無乜作用！
因為佢地會周圍走，
細棵植物就成棵起換埋泥，
你情況應該唔許可，
建議你噴消毒時噴埋花盆盆底d地方，
唔會一次過可以清得晒，
睇下咁做法會唔會好轉先！
另外試下買支bill kill 定期噴一噴。

freddywongdy 發表於 2020-5-6 11:28
無乜作用！
因為佢地會周圍走，
細棵植物就成棵起換埋泥，

明白，多謝指點 會集中處理D葉先

經Freddy大大指點，幫棵樹抹葉修枝，個樣靚仔返D，又少咗D飛飛，仲出咗少少新葉。

同時見到D蚧殻蟲真身 OMG

Freddy大大的建議十分清楚了，我另外補充兩點：

D痴立立嘅汁會唔會係關蟲事?
蚧殻蟲(蚜蟲都會)吸食植物汁液後，會在葉面留下傷口，植物的汁液會在傷口繼續沁出，就係你見到"痴立立嘅汁"。如果唔洗走會有機會發霉。如果你已經除蟲並洗乾淨枝葉，D傷口再無蟲咬會自己好番，唔會再有呢個情況。

平時會有同事定期擺D咖啡渣係泥面，諗住俾到營養棵樹，點知宜家吽咗好多蚊出嚟...
真係好多人鍾意將廚餘倒落室內植物嘅花盆，覺得好似好環保咁。。。

其實要將廚餘變成肥料或泥土添加物要經過最少經個月嘅發酵過程，其間各種微生物霉菌和昆蟲會將廚餘消化，最終變可用於種植的物料，過程十分精彩，芬香撲鼻，各種大小昆蟲係度番來覆去，淨係想下都興奮。

將未經處理嘅廚餘倒落花盆，等於將office入面嘅盆栽變成廚餘箱或堆填區，無發霉無變臭淨係走幾隻小飛飛出黎，大家應該還神。如果真係發霉變臭的話，到時實有D親愛嘅同事會立刻挺身而出，佢地唔會話邊個咁環保將D廚餘倒落花盆，只會賴清潔阿姐偷懶或棵植物惹蟲。

叫D同事無好再幫倒忙啦，唔好將盆植物當係垃圾桶，要保護環境再送廚餘去廚餘箱。若要幫棵植物施肥(如真的有須要)有好多衛生嘅選擇。

最後，無認錯的話呢種植物叫福祿桐，亦有人叫南洋參、假沙梨等。有個名大家會唔會由佢嘅角度想下佢有咩須要?或者改番個人名叫Winnie或者William都得。

僅供參考。







       

己己另 發表於 2020-5-17 14:00
Freddy大大的建議十分清楚了，我另外補充兩點：

D痴立立嘅汁會唔會係關蟲事?

多謝大大詳細建議!
抹完葉後唔再痴立立了，亦已經將咖啡渣全部撈返出嚟，新嘅就放係窗邊狂曬中，表面有少許白色mo mo。
請問就咁狂曬可以幫助發酵嗎?

一直以來都好心做壞事令到佢有蟲真係過意唔去...
經過今次除蟲，同事開始有意識要好好照顧佢了，
幫佢改名都係一個好建議

來更新一下

出咗幾條新葉仔，好fresh的綠色


醒起之前買了一袋DE粉,即係硅藻土,係屋企除木蝨(木蝨又係一個惡夢)，搵過資料見DE粉好似對蚧殻蟲都有效，於是灑咗D係泥面。又將粉撈水+兩滴洗潔精噴葉面試吓。

lc1201 發表於 2020-5-18 08:49
多謝大大詳細建議!
抹完葉後唔再痴立立了，亦已經將咖啡渣全部撈返出嚟，新嘅就放係窗邊狂曬中，表面有 ...

似乎你和同事相處十分融洽呀，事事可商量。

"......亦已經將咖啡渣全部撈返出嚟，新嘅就放係窗邊狂曬中，表面有少許白色mo mo。請問就咁狂曬可以幫助發酵嗎?"
即係話將咖啡渣分開發酵，依家表面生左D白色mo mo? 會唔會好似下圖? 請參考原文報導及園藝館一篇舊文。



出處: https://www.hk01.com/%E7%A4%BE%E ... D%E7%A8%AE%E8%8A%B1

https://hkplants.com/thread-52949-1-1.html

我的朋友有用咖啡渣做堆肥，但只作為添加物，取其較高氮含量。而堆肥是否已完成發酵，我理解一般以堆肥形狀(不再有發霉的情況)和溫度(發酵時溫度會升高，發酵完溫度會下降回室溫)的變化決定。或者你可以睇下1/2個月後咖啡渣會可會不再有變化來決定。

希望幫到你。

己己另 發表於 2020-5-20 18:17
似乎你和同事相處十分融洽呀，事事可商量。

"......亦已經將咖啡渣全部撈返出嚟，新嘅就放係窗邊狂曬中 ...

呢班同事係幾好嘅HAHA行過見到棵樹有改善，大家都開心D

係阿宜家將咖啡渣分開發酵，但D毛無圖中咁多，可能發酵時間比較短，會繼續留意，多謝大大~

隔了差不多一個月，雖然啲蟲仲未殺晒，但終於似返棵樹啦

lc1201 發表於 2020-6-16 10:23
隔了差不多一個月，雖然啲蟲仲未殺晒，但終於似返棵樹啦

生得唔錯！而家起碼兩個禮拜噴一之殺蟲先！
慢慢記會無晒，但之後起碼一個月做一之防蟲，
唔係就有機會死灰復燃架！

freddywongdy 發表於 2020-6-16 14:55
生得唔錯！而家起碼兩個禮拜噴一之殺蟲先！
慢慢記會無晒，但之後起碼一個月做一之防蟲，
唔係就有機會死 ...

好! 剛剛上星期五抹走咗好多啡色嘅完全體，仲有部分係白色未進化(?)嘅都抹走了~
介殼蟲真係好核特...

lc1201 發表於 2020-6-16 15:06
好! 剛剛上星期五抹走咗好多啡色嘅完全體，仲有部分係白色未進化(?)嘅都抹走了~
介殼蟲真係好核特... ...

所以近幾個月一兩個就好噴一噴漂白水去清一清會好d！
加油！

有各位的愛心及樓主不離不棄的護理，棵樹靚左好多。繼續努力!

多謝兩位大大：）係愛阿哈利