本帖最後由 freddywongdy 於 2020-3-24 11:45 編輯

記得以前做紅酒 sales o既日子...
好多時都要出去行下街,
周圍去D賣酒o既地方同人傾下計,
有時真係要厚住面皮嫁!
有一次, 又比老細欽點去中環行下街...
OK! 出去行下都好! 唔駛响 office 咁悶...
記得果日去到中環 SOHO 都差唔多四點幾,
果陣時都秋天尾, 一過四點天色好快就開始轉暗!
行完幾間舖之後, 我一路行到去街市裡面,
果陣已經成六點幾...
諗住行埋上面條街果兩間舖就收工,
上上面條街, 我知行去橫街街市近街尾果處有條樓梯上去,
咁就加快腳步, 經過好多檔口...
行到去果條街o既尾尾... 好暗呀! 又靜!
望埋去, 果時樓梯兩邊果D Bar 都未夠鐘開門,
果處只有一枝好暗o既昏黃街燈!
我見响我前面一半路前有個好似呀伯背影o既人行緊,
好似著住淺灰綠軍服,
仲見佢好似單背背住一袋好似麻包袋咁o既野...
但係, 我同時亦都覺得有D唔對路...
有咩唔對路!?
講返, 果條街腳程都唔短!
由我企緊個路口行到去樓梯都要幾分鐘,
不過, 當我發現, 就算我加快腳步,
我同前面個人o既距離都唔會近左...
我一路望住前面... 見到樓梯好黑...
因為樓梯上面o既街燈,
一個由左至右o既長三角陰影打橫咁响樓梯最底處.
將大約三份二o既梯級覆蓋.
陰影好奇怪...
係一種唔尋常o既黑暗!
好實在o既黑色... 果種黑... 黑到連樓梯都睇唔到...
除左三角以外o既位置先隱約見到窄窄o既梯級...
我行到中段, 見果個人已經行左去果個陰影位...
感覺佢背影開始淡出...
就好似慢慢比黑色吞沒左咁...
我一路行, 一路望住樓梯上面,
我諗, 大約廿多級o既樓梯要行上去應該都好快...
我應該會見到佢行到上去...
不過當我都就快行到埋去果時,
依然唔見有人上到去樓梯上面,
心裡面開始發毛...
我左望右望, 見兩邊舖頭都係閂門落閘,
佢無理由會行左入去喎!?
我唯有硬住頭皮行上樓梯啦!
行左入陰影... 感覺好奇怪...
好朦! 好似比D粗微粒o既黑包圍住咁!
隱隱約約見到腳下o既梯級...
我加快步跑左上去...
由上向下望... 其實有燈光照住, 條街都唔覺係咁暗!
仲有清楚睇到下面果D無開門o既舖頭...
當時, 再望向我前面街同後面街,
都唔見果個人o既蹤影...
我只好安慰自己,
諗果個人可能係行左入樓梯邊果間舖啦!
唔理咁多... 快手去埋果兩間舖就收工.
不過, 第二日我請左假, 無返到工!
因為起身果時知道自己發緊燒...
心諗... 唔通真係撞邪...
真係永遠都唔知道......
< 完 >
發表於 2020-3-24 13:17:18 來自手機 | 顯示全部樓層
2#
有時, 真係唔好唔信邪!
 樓主| 發表於 2020-3-24 13:22:04 | 顯示全部樓層
3#
Dtwfung 發表於 2020-3-24 13:17
有時, 真係唔好唔信邪!

我信嫁!怪力亂神!
因果孽力,存在响哩個空間,
所以做人要行得正企得正!
做壞事果d人一定會有因果報應的!
發表於 2020-3-24 13:38:12 來自手機 | 顯示全部樓層
4#
我都係住嗰頭,  中環 SOHO 至上環有好多"巷"。。。都好陰吓!
 樓主| 發表於 2020-3-24 14:15:35 | 顯示全部樓層
5#
Dtwfung 發表於 2020-3-24 13:38
我都係住嗰頭,  中環 SOHO 至上環有好多"巷"。。。都好陰吓!

我記得果條樓梯一上去係SOHO中間位...
不過去高街果邊先驚呀!又靜喎!
經過果次我都係5點前要離開!哈!
    您需要登錄後才可以回帖 登錄 | 註冊

    本版積分規則

    聯絡園藝館|手機版|HKplants

    香港園藝館   © 2017