救救迷迭香

整盆買回來 主幹已經木化了
放窗邊吹下風 曬下陽光 以為會硬淨⋯
依家啲葉一日比一日發黑
開頭都係啲大葉黑
唔夠膽淋水 見到泥表面乾先淋下
依家連啲新發出嚟嘅嫩葉 都黑左 仲下垂
另外發現D泥 有好細粒啡色嘅蟲蟲 捐嚟捐去
今日仲發現左呢條百足咁多腳嘅蟲 (已經被一開二)
各位盆迷仔發生乜事 可以點救？

會唔會根有事？

nekotoro 發表於 2020-2-26 00:29
會唔會根有事？

根部唔多覺有嚴重爛根
定應該要成棵 取出先可以睇到？

要抽出來先檢查到，佢變黑又軟埋有機會係缺水，況且你見有蟲蟲最好都係換泥徹底啲！

nekotoro 發表於 2020-2-26 00:57
要抽出來先檢查到，佢變黑又軟埋有機會係缺水，況且你見有蟲蟲最好都係換泥徹底啲！ ...

一淋水後 啲葉又好似再多左變黑⋯
見到泥仲有D濕 唔淋水 頂葉又變乾同彎⋯

因為種來食用 買時店員話有機
如果換 請問應該換邊種泥？
同埋盆迷仔好多根 包實晒啲泥 應該如何擦鬆？還是修剪根部？

馬上脫盆,輕輕震動移去泥土, 根應該被之前焗死變黑了.剪去死根,換上新泥最好.  如未有泥先浸在清水中.

Violet 發表於 2020-2-26 13:28
馬上脫盆,輕輕震動移去泥土, 根應該被之前焗死變黑了.剪去死根,換上新泥最好.  如未有泥先浸在清水中.
...

好的 試試先 有蟲仔想全盤泥換
請問泥要買邊種 較為合適 種食用香草？
網上見D人話加發泡練石 可以疏水
食用嘅啱唔啱用？

各位 盆迷仔啲根好多 換左大部份泥
底部同面加層陶粒 修剪左D枯葉
之後⋯ 佢愈來愈枯咁 但有DD嫩芽出
佢係咪救唔番啦⋯？

根據我多次種（死）迷迭香嘅經驗，係開始爛根。係香港種香草，啲泥一定要通風，就算唔保肥唔保水都唔緊要但一定要通風。

我通常等佢泥面乾了, 葉有少少垂, 就比一大杯水佢.
雖然木質化,但出左好分枝.

迷仔陣亡了⋯ 唯有再黎過
加左陶粒通風 但可能太遲了

一杯水～ 下次試下咁樣俾佢
之前啲人話淋濕左 到佢泥乾再俾
但係淋完之後 佢一兩日就已經開始黑同枯