diy 濕疹body cream （夏天用）

姐姐最近成身生滿濕疹，好恐怖，她又不停R，很多地方都損晒，搽花士令嫌太油又唔多止痕，叫佢用椰油，佢又話沖完涼搽，唔洗半小時就乾左，見佢咁煩（麻煩），幫佢整左呢個專為濕疹而設的body cream (夏天配方），佢用左成個月，無再多多意見了．現post俾大家，分享一下，順便睇下有乜可以攺良．

15g 當歸紫草根浸泡橄欖油（cp麻油效果更好）
5g 苛苛芭油
5g 甜杏仁油
2g 玫瑰果油
70g 純水 70g
2g Vit. E 油
2g 簡易乳化劑（冷製法）
5g GSE
0.3g Peppermint eo (app. 6-8drops)
0.3g carrot seed eo (app. 6-8drops)
0.4g lavender augustifolia eo (app. 8-10drops)
0.1g Niaouli eo (app. 2drops)

無用冰片，因為姐姐實話太涼，所以用胡椒薄荷，佢反而讚少少涼，夏天用好舒服．用左成個月，呢個簡易乳化劑（冷製法）無油水分離，姐姐還說質地好，清爽得來又潤過佢係沙沙買個ｄ百多元防疹膏喎．

你依隻正野喎...加強版日式紫雲膏...

之前有網友同我講過...話日本做紫雲膏係cream 黎架....你又玫瑰果又甜杏仁油...EO....

cklife 發表於 2011-6-28 13:04
你依隻正野喎...加強版日式紫雲膏...

之前有網友同我講過...話日本做紫雲膏係cream 黎架....你又玫瑰果又 ...

我都係誤打誤撞，因應姐姐要求設計呢個配方，又要潤又要爽又要x y z...
eo 呢家野呢．．．．嘻．．．．多ｄ用下存貨，唔洗等到壞～　

jellyfishy 發表於 2011-6-29 10:42
突然想起: 追求多變愛試新野, 係candy 特性~

哈哈，我個人鐘意新鮮又愛玩啊，最近識左個新朋友，他都有相同講法~~~唔通我咁容易明白了解

你好重手喎，我也有1個R，很多地方都損晒的朋友，我就採用了金盞花浸泡油和aloe vera oil，再用其他的eo，效果都唔錯

carrod seed，我好怕它的味

你下次試下用熱製法，基底油可試加堅果油，分埋分子町、玻尿酸仲好!冷製法好易水油分離

candyafr 發表於 2011-6-28 22:21
你好重手喎，我也有1個R，很多地方都損晒的朋友，我就採用了金盞花浸泡油和aloe vera oil，再用其他的eo， ...

呢隻乳化劑，試左幾個月，無油水分離，方便快捷，搽身咋，唔想用咁靚的東西，我姐唔會欣賞。佢會問我拿個配方俾佢醫生過目，驚我d材料有問題，真係。。。

我自己都無用到你介紹個d靚材料，真係唔捨得，diy後，皮膚好左好多，就不再講究喇。

堅果油... 睇左咁耐書, 都知佢係正野, 想試堅果油好耐, 但價錢呢... 我咁鬼孤寒, 唔會用佢來打皂, 淨係用來護膚, 又好似未洗用到, 即係有排都用唔完, 為左大原則 (不浪費), 暫時唔買住~   (忍!)

突然想起: 追求多變愛試新野, 係candy 特性~

俾 candy 講起味度呢家野, carrot seed eo 的確唔多好聞, 配eo和膏底個味要好小心, 衰起上來好似臭汗味.
偏偏用左一輪eo, carrot seed 又真係好有效果, 尤其在軟化皮膚和強化皮膚吸水... (唔係跟書講, 真係試後感). 今次個body cream, 紫草根都有陣怪味, 大膽試carrot seed, 2隻味竟然好夾 (一樣唔好聞), 試下用 Niaouli, 令味度清新之餘, 佢既底味和peppermint 幾似, 所以... 最後出來個味唔算好難聞... (又紫草又當歸, 本來就好難好聞)

jellyfishy 發表於 2011-6-29 00:41
呢隻乳化劑，試左幾個月，無油水分離，方便快捷，搽身咋，唔想用咁靚的東西，我姐唔會欣賞。佢會問我拿個 ...

老實講睇醫生真喺幫唔到濕疹，DIY謢膚品先至實際！

巿場產品更不能用，太多「有加添」！

八王爺 發表於 2011-6-29 10:53
老實講睇醫生真喺幫唔到濕疹，DIY謢膚品先至實際！

巿場產品更不能用，太多「有加添」！

王爺，有人話唔得架

少少個人意見, 純水可試改金鏤梅花水, 效果更好~
eo可以加埋roman chamomile, 當然德甘效果更佳~$$$

水母，我用你個配方改左少少，加左堅果油、玻尿酸，做左個薄薄地嘅cream，粉紅色，好靚！

candyafr 發表於 2011-7-3 12:13
水母，我用你個配方改左少少，加左堅果油、玻尿酸，做左個薄薄地嘅cream，粉紅色，好靚！
...

剛R左d 澳洲堅果油，等我自己測試下先，哈哈~~~

chambee 發表於 2011-6-29 13:10
少少個人意見, 純水可試改金鏤梅花水, 效果更好~
eo可以加埋roman chamomile, 當然德甘效果更 ...

兩隻eo我都有，幾支野放埋一齊聞，d味溝埋紫草d味。。。

jellyfishy 發表於 2011-7-3 15:28
兩隻eo我都有，幾支野放埋一齊聞，d味溝埋紫草d味。。。

我落多左1d綠花白千層，d味都ok

jellyfishy 發表於 2011-7-3 15:28
兩隻eo我都有，幾支野放埋一齊聞，d味溝埋紫草d味。。。

如果頂唔順EO既味, 淨係試改唔用純水用金鏤梅花水, 我朋友個仔成身濕疹, 由細爛到大, 用左之後唔再R痕

金鏤梅花水,  唔同金鏤梅extract , 用金鏤梅extract 效果會一樣嗎 ?
等我家姐用到咁上下, 下次試下先~

jellyfishy 發表於 2011-7-3 19:53
金鏤梅花水,  唔同金鏤梅extract , 用金鏤梅extract 效果會一樣嗎 ?
等我家姐用到咁上下, 下次試下先~ ...

應該唔係同一樣野....

仲記得一件事....最近分享小苗時同草友傾開...原來仲發生緊...所以...再拎出黎講一下...

當初係DIY討論區...有一個seller(男性)，佢本身係化學比較我地好，佢係專攻化工野。
佢有賣一隻金縷梅液，佢同人講話當花水咁用，即可以100%唔稀釋直接用。
有皂友用左敏感，以為自己問題。咁我地咪大家一齊幫佢試囉....我依D百毒不侵既(果時我未有濕疹，皮膚乜事都無)，咪幫佢試下囉。
我只用左30%濃度...一上面..即有敏感反應，立即洗面都舒緩唔到，要用花水敷面先攪得惦。(我自己以前係幫人做美容既，所以對是否皮膚敏感比較容易分辨)

我地一致認為佢賣既唔係花水(佢亦唔敢叫佢做花水，只叫金縷梅液)，引致敏感，可能係溶劑引起。

照理金縷梅講到對敏感咁好，所以佢就好安心叫人唔稀釋用喇.....
我以為經過左咁耐，佢批貨己經賣晒...又或者己經有人話比佢知會起敏感...

點知有農友仲有佢既貨係手....而且佢仲係同人講可以100%用.....講出黎比大家知道一下...