我的第二皂(有相看 @...@ )

多謝各花友提供好多有用配方，但作為初哥的我，暫時都係跟返書裡的配方($130本書，死都要用下啦)
今日打左一底係送給自已的"惡死老母皂"配方就同書裡的"寶貝女兒皂"大同小異的，(因上次做的時候感覺不太難，成份都好脂潤) 現衹把酪梨油轉成甜杏仁油，還加了大半枝蜜桃精油，極度香噴噴！，還用我自已種的百合做色...
脫模後給大家看看，興奮的心情想同大家分享下~

請問蜜桃精油學名係咩? 恕我孤陋寡聞, 我唔知原來有蜜桃精油... thanks!

chambee 發表於 2011-6-27 15:44
請問蜜桃精油學名係咩? 恕我孤陋寡聞, 我唔知原來有蜜桃精油... thanks!  ...

oh! 我錯了應該係蘋果先正確 ...我去法國旅行時買"MELA"(法文來) 我還以為係蜜桃，你唔講我都唔知, haha~

但聞起來好似蜜桃味好甜！

蘋果essential oil?  

蘋果?蜜桃?可能係香精喎

prodorothyhkg 發表於 2011-6-27 17:51
蘋果?蜜桃?可能係香精喎

我記得個樽寫Essential 我先落咋！如果係香精點算好？

cklife, 多謝你解識, 我唔介意冇療效，希望香噴噴所以先加，最緊要係我冇敏感!

doncheng 發表於 2011-6-27 20:44
cklife, 多謝你解識, 我唔介意冇療效，希望香噴噴所以先加，最緊要係我冇敏感!

每個人做皂目的唔同，最緊要你做緊既真係你想做既就得囉...

精油係天然D....不過都仲有好多人用緊香精既.....

亦好多做手工皂既人，用緊香精做皂....

有D名一聽就知係香精...BB味...牛奶味...梗香精啦...

另外香精聞得多對氣管唔好...依家氣管無事...聞得多會變有事....

所以我地都主張用精油....但你己經買左囉....唔想浪費咪用左佢囉...

不過唔好照精油份量落....香精落好少就得喇....

(做好千期唔好送比我...我敏感...會窒息架....所以送比人亦要考慮人地受唔受到香精味)

chambee 發表於 2011-6-27 22:15
其實你平時聞多D, 慢慢就識分, 香精既味, 一入鼻果個好刺鼻, 吉吉下咁, eo純滑好多, 嗅落好温和:loveline ...

係呀...所以我地果時DIY討論區D人版聚...

大家一齊帶精油出黎互相聞，又交換下價錢情報咁...

而去行街見到精油舖有熟口熟面既牌子(大廠野)...都會隻隻聞下...吸收經驗...

聞得多就分得到架喇...

我以為係Essential 都得添，仲落左大半枝...但頭先走去聞下、睇下...D味差不多散晒，得返DD，而個面好似粉粉地...今次同上次做法一樣，是否酪梨油轉左甜杏仁油及加左精油所以會咁

cklife 發表於 2011-6-27 20:51
每個人做皂目的唔同，最緊要你做緊既真係你想做既就得囉...

精油係天然D....不過都仲有好多人用緊香精既 ...

哈哈~ 我都係有敏感, 係鼻敏感, 所以支油係人(100%pure eo)定係鬼(香精), 我一索就知~

doncheng 發表於 2011-6-27 21:37
我以為係Essential 都得添，仲落左大半枝...但頭先走去聞下、睇下...D味差不多散晒，得返DD，而個面好似 ...

其實你平時聞多D, 慢慢就識分, 香精既味, 一入鼻果個好刺鼻, 吉吉下咁, eo純滑好多, 嗅落好温和

回覆<<doncheng  你地D高手...當然唔要我地D初哥做的皂啦! haha~>>

我只係早過你地開始做皂...唔係高手...比高手睇到會笑我架....

點會話你地初哥就唔要你地D皂姐.....不過我地同人攞皂...多數係好奇心...想試下未用既既油...或材料做出黎既皂質感囉...

chambee 發表於 2011-6-27 22:12
哈哈~ 我都係有敏感, 係鼻敏感, 所以支油係人(100%pure eo)定係鬼(香精), 我一索就知~  ...

我你地好勁啊！ 真係要日日坐定定聽書

doncheng 發表於 2011-6-27 22:26
我你地好勁啊！ 真係要日日坐定定聽書

有鼻敏感都勁 @_@

cklife 發表於 2011-6-27 22:21
回覆

我只係早過你地開始做皂...唔係高手...比高手睇到會笑我架....

唔~咁我求下你收留我D皂 ，等你試下、聞下...比D意見我啦，等我知道下次點 ,當然你頂唔順，我唔介意你送佢到堆田區

如果用香精, 可能會影響皂化速度, 建議入模前才加香精, 充份攪勻後, 立即入模.

"cklife  可以幫你試下皂既...不過唔好咁大舊喎....我地以前皂友成日交換皂試，有家比意見架...因為每個人對同一塊皂既感覺會好唔同架. "

haha~終於有第一位收留者, 成熟後先寄比你

能運用香精加速皂化的特性, 可以玩下花巧野, 不過我唔鍾意香精, 鼻子會投訴, 所以很少用香精玩野~

搵次攪個diy 交流會, 到時大家再交換分享, 好唔好?