反骨雞翼

好耐無發食譜，尋日有啲時間，兩個女又喜歡食雞翼，做咗個反傳統的菜式。

我以前都有做釀雞翼，所以熟能生巧，大概一分鐘可以同隻雞翼拆骨。因此做哩個餸，都唔會好花時間。
一家四口，一人兩隻，只係反骨8只雞翼，EASY JOB.

材料：雞翼8隻，薑3片切絲，鹽2茶匙，黑椒少量，蛋一只，面粉2湯匙，生粉茶匙。
      沾雞翼醬隨自己喜歡，沙律醬﹑茄汁﹑泰國雞醬，青檸魚露﹑喼汁....乜都得。
     

去片：


買咗2磅翼，只用咗8隻，其它做瑞士汁。

先用刀把雞翼粗那邊切一圈，目的切斷連住骨的筋。

圖中右邊露出骨的是雞翼粗那邊。

順住四邊用刀慢慢推和切，尤其連住脂肪部份要切。

脂肪部份即圖中上面粗骨那一邊。

退到底，把內裏的肉全反出來。

反好就似骨連住肉，雞皮包在肉裏。
也有人叫這個做「櫻桃」，所以這道菜又名「炸櫻桃」。

做好8隻，唔使十分鐘。

加入薑絲，鹽和黑椒調味，不要太鹹，因為之後要沾醬汁食。

另外，蛋打散加入生粉和面粉做漿，炸雞前沾上面漿。
炸要用細火，因為包住的皮不易炸透。
一般5-7分鐘OK, 熟一啲可炸耐啲，但不要太焦。

我比較慳油，半煎炸。



第一批成品，女兒已經大叫，好香啊！幾時有得食。




炸好了！是不是很誘惑？

個樣好似肯德基呀...

睇到都好香呀！

但係我唔想將雞皮包在中央，想問如果先去皮再反骨係咪會失敗咖？

孖吉 發表於 2011-6-17 06:08
睇到都好香呀！

但係我唔想將雞皮包在中央，想問如果先去皮再反骨係咪會失敗咖？ ...

唔得架，去咗皮，用乜嘢去連接啲肉同骨？
而且雞翼得好少肉，基本上喺要食皮。

王爺，加d糯米同雞肉入去釀，變了農x的糯米釀雞翼

candyafr 發表於 2011-6-17 07:28
王爺，加d糯米同雞肉入去釀，變了農x的糯米釀雞翼

喺丫！

本身去骨的方法，是用來釀雞翼的。
不過，我啲女比較喜歡素，所以不会加肉。
以前做釀雞翼，都只會放一條甘荀，一條西芹。最多加薄片火腿。

而做哩個炸櫻桃，根本乜都唔加，佢地只會食咗啲脆漿同肉，留底啲皮連住骨。

我會去多一條骨, 變成單骨鷄翼

為甚麼要去一條骨？

不得了. 流晒口水. 看來反骨呢下功夫要多實習一下.

呢個準備不難, 就今晚試下先~~

做哩個雞翼反而喺炸的功夫，因為火力控制不好，太熱就外燶內生，太細火又要炸好耐，啲肉唔嫰。

八王爺 發表於 2011-6-20 16:08
做哩個雞翼反而喺炸的功夫，因為火力控制不好，太熱就外燶內生，太細火又要炸好耐，啲肉唔嫰。 ...

咁你用乜火呀?
順便問下, 你家用乜油炸野架?

煤氣爐中間細火，花生油。

我鍾意隻心型碟仔.....

claudiatang 發表於 2011-6-20 09:48
我鍾意隻心型碟仔.....

至好眼光喺你，哩三個碟仲喺 懶懶熊圖案，兩個女不知幾鍾意！

八王爺 發表於 2011-6-20 17:13
至好眼光喺你，哩三個碟仲喺 懶懶熊圖案，兩個女不知幾鍾意！

我大唔透........

係你哋細食, 定係我大食?  唔計其它餸, 無5,6,7隻到口, 都唔覺餐飯有雞翼做餸啦.

仲有個愛心碟盛住,真係愛心爆棚

acmc 發表於 2011-6-27 16:47
係你哋細食, 定係我大食?  唔計其它餸, 無5,6,7隻到口, 都唔覺餐飯有雞翼做餸啦. ...

肯定你大食。
我兩個女很少食肉的

其它餸喺菜，和味噌湯。

我係話雞中翼喎, 我又唔食皮嘅, 去皮後剩得少少肉咋bor, 起骨去皮比我個仔仔食, 5,6隻加埋都係得兩湯匙肉碎, 佢食完都望住我個碗話, 比埋你嗰隻我呀咁喎.
會唔會係你兩個女細細個就有 "飲水都會肥" 這個戒心呀?